Read 2 Kings 5 side by side with translations · The Final Bible
5 ⲙⲡⲣⲣⲟ ⲙⲡⲓⲥⲣⲁⲏⲗ ⲛⲁⲓⲙⲁⲛ ⲇⲉ ⲁϥⲃⲱⲕ ⲁϥϫⲓ ⲉϩⲣⲁⲓ ⲉⲧⲟⲟⲧϥ ⲛϫⲟⲩⲱⲧ ⲛϭⲓⲛϭⲱⲣ ⲛϩⲁⲧ ⲁⲩⲱ ⲥⲉⲩϣⲟ ⲛⲭⲣⲩⲥⲟⲩⲥ ⲁⲩⲱ ⲙⲏⲧⲉ ⲛⲥⲧⲟⲗⲏ ⲛⲥⲱⲧⲡ
6 ⲁϥϫⲓⲡϫⲱⲱⲙⲉ ⲁϥⲉⲓⲛⲉ ⲙⲙⲟϥ ⲉⲣⲁⲧϥ ⲙⲡⲣⲣⲟ ⲙⲡⲓⲥⲣⲁⲏⲗ ⲉϥϫⲱ ⲙⲙⲟⲥ ϫⲉⲧⲉⲛⲟⲩ ⲉⲣϣⲁⲛⲡⲉⲓϫⲱⲱⲙⲉ ⲉⲓⲛⲁⲕ ⲉⲓⲥ ϩⲏⲏⲧⲉ ⲁⲓⲧⲛⲛⲟⲟⲩ ⲉⲣⲁⲧⲕ ⲛⲛⲁⲓⲙⲁⲛ ⲡⲁϩⲙϩⲁⲗ ⲉⲧⲣⲉⲕⲕⲁⲑⲁⲣⲓⲍⲉ ⲙⲙⲟϥ ⲉⲃⲟⲗ ϩⲙⲡϥⲥⲱⲃϩ
7 ⲁⲥϣⲱⲡⲉ ⲇⲉ ⲛⲧⲉⲣⲉⲡⲣⲣⲟ ⲙⲡⲓⲥⲣⲁⲏⲗ ⲱϣ ⲙⲡϫⲱⲱⲙⲉ ⲁϥϯⲧⲟⲟⲧϥ ⲛⲛⲉϥϩⲟⲓⲧⲉ ⲁϥⲡⲁϩⲟⲩ ⲉϥϫⲱ ⲙⲙⲟⲥ ϫⲉⲁⲛⲅ ⲟⲩⲛⲟⲩⲧⲉ ⲁⲛⲟⲕ ⲉⲙⲟⲩⲟⲩⲧ ⲁⲩⲱ ⲉⲧⲁⲛϩⲟ ϫⲉⲡⲁⲓ ⲉϥⲧⲛⲛⲟⲟⲩ ⲉⲣⲁⲧⲉⲕⲁⲑⲁⲣⲓⲍⲉ ⲛⲟⲩⲛⲟⲩⲣⲱⲙⲉ ⲉⲃⲟⲗ ϩⲙⲡⲉϥϭⲱⲃϩ ⲁⲗⲗⲁ ⲉⲓⲙⲉ ⲛⲧⲉⲧⲛⲛⲁⲩ ϫⲉⲉⲣⲉⲡⲁⲓ ⲕⲱⲧⲉ ⲛⲥⲁⲟⲩⲗⲟⲓϭⲉ ⲉϩⲟⲩⲛ ⲉⲣⲟⲓ
8 ⲁⲥϣⲱⲡⲉ ⲇⲉ ⲛⲧⲉⲣⲉⲉⲗⲓⲥⲁⲓⲟⲥ ⲥⲱⲧⲙ ϫⲉⲡⲣⲣⲟ ⲙⲡⲓⲥⲣⲁⲏⲗ ⲁϥϯⲧⲟⲟⲧϥ ⲛⲛⲉϥϩⲟⲓⲧⲉ ⲁϥⲡⲁϩⲟⲩ ⲁϥϫⲟⲟⲩ ⲉⲣⲁⲧϥ ⲙⲡⲣⲣⲟ ⲙⲡⲓⲥⲣⲁⲏⲗ ⲉϥϫⲱ ⲙⲙⲟⲥ ⲛⲁϥ ϫⲉⲉⲧⲃⲉⲟⲩ ⲛⲧⲟⲕ ⲁⲕⲡⲉϩⲛⲉⲕϩⲟⲓⲧⲉ ⲙⲁⲣⲉⲛⲁⲓⲙⲁⲛ ⲉⲓ ⲛⲁⲓ ⲉⲡⲉⲓⲙⲁ ⲁⲩⲱ ϥⲛⲁⲉⲓⲙⲉ ϫⲉⲟⲩⲛⲡⲣⲟⲫⲏⲧⲏⲥ ϩⲙⲡⲓⲥⲣⲁⲏⲗ
9 ⲛⲁⲓⲙⲁⲛ ⲇⲉ ⲁϥⲉⲓ ⲙⲛⲛⲉϥϩⲧⲱⲱⲣ ⲁⲩⲱ ⲛⲉϥϩⲁⲣⲙⲁ ϩⲓⲣⲛ ⲛⲣⲟ ⲙⲡⲏⲓ ⲛⲉⲗⲓⲥⲁⲓⲟⲥ
10 ⲉⲗⲓⲥⲁⲓⲟⲥ ⲇⲉ ⲁϥϫⲟⲟⲩ ⲛⲁϥ ⲉⲃⲟⲗ ⲛϩⲉⲛϥⲁⲓϣⲓⲛⲉ ⲉϥϫⲱ ⲙⲙⲟⲥ ⲛⲁϥ ϫⲉⲃⲱⲕ ⲛⲉⲕϫⲱⲕⲙ ⲛⲥⲁϣϥ ⲛⲥⲟⲡ ϩⲙⲡⲓⲟⲣⲇⲁⲛⲏⲥ ⲁⲩⲱ ⲡⲁⲟⲩⲁⲛ ⲛⲧⲉⲕⲥⲁⲣⲝ ⲛⲁⲕⲧⲟϥ ⲉⲣⲟⲕ ⲛⲉⲕⲧⲃⲃⲟ
11 ⲛⲁⲓⲙⲁⲛ ⲇⲉ ⲁϥⲗⲩⲡⲉⲓ ⲉϥϫⲱ ⲙⲙⲟⲥ ϫⲉⲉⲓⲥϩⲏⲏⲧⲉ ⲛⲉⲓϫⲱ ⲙⲙⲟⲥ ϫⲉⲡⲁⲛⲧⲱⲥ ϥⲛⲁⲉⲓ ⲉⲃⲟⲗ ⲛⲁⲓ ⲛⲉϥⲁϩⲉⲣⲁⲧϥ ⲛϥⲉⲡⲓⲕⲁⲗⲉⲓ ⲙⲡⲣⲁⲛ ⲙⲡⲉϥⲛⲟⲩⲧⲉ ⲁⲩⲱ ⲛϥⲕⲁⲧⲟⲟⲧϥ ⲉϩⲣⲁⲓ ⲉϫⲱⲓ ⲛϥϥⲓ ⲙⲡⲥⲱⲃϩ ⲉⲃⲟⲗ ϩⲓⲱⲱⲧ
12 ⲙⲏ ⲁⲛⲁⲛⲁ ⲙⲛⲫⲁⲣⲫⲁⲣ ⲛⲉⲓⲉⲣⲱⲟⲩ ⲛⲇⲁⲙⲁⲥⲕⲟⲥ ⲛⲁⲛⲟⲩⲟⲩ ⲁⲛ ⲙⲙⲟⲩⲛⲉⲓⲟⲟⲩⲉ ⲧⲏⲣⲟⲩ ⲙⲡⲓⲥⲣⲁⲏⲗ ⲉⲓⲛⲁⲃⲱⲕ ϭⲉ ⲁⲛⲟⲕ ⲛⲧⲁϫⲟⲕⲙⲉⲧ ϩⲣⲁⲓ ⲛϩⲏⲧⲟⲩ ⲛⲧⲁⲕⲁⲑⲁⲣⲓⲍⲉ ⲉⲃⲟⲗ ϩⲙⲡⲉⲓⲥⲱⲃϩ ⲁϥⲕⲧⲟϥ ⲇⲉ ⲁϥⲙⲟⲟϣⲉ ϩⲛⲟⲩϭⲱⲛⲧ
13 ⲛⲉϥϩⲙϩⲁⲗ ⲇⲉ ⲁⲩϯⲡⲉⲩⲟⲩⲟⲓ ⲉϩⲟⲩⲛ ⲉⲣⲟϥ ⲁⲩϣⲁϫⲉ
2 Kings 4 · 2 Kings 6 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)