Read 2 Kings 16 side by side with translations · The Final Bible
1 ϩⲛⲧⲙⲉϩⲙⲛⲧⲥⲁϣϥⲉ ⲛⲣⲟⲙⲡⲉ ⲙⲫⲁⲕⲉⲉ ⲡϣⲏⲣⲉ ⲛϩⲣⲟⲙⲉⲗⲓⲁⲥ ⲁⲭⲁⲍ ⲡϣⲏⲣⲉ ⲛⲓⲱⲁⲑⲁⲙ ⲁϥⲣⲣⲣⲟ ⲉϫⲛⲓⲟⲩⲇⲁⲥ
2 ⲉⲩϣⲏⲣⲉ ⲡⲉ ⲁⲭⲁⲍ ⲉϥϩⲛϫⲟⲩⲧⲉ ⲛⲣⲟⲙⲡⲉ ⲛⲧⲉⲣⲉϥⲣⲣⲣⲟ ⲁⲩⲱ ⲙⲛⲧⲁⲥⲉ ⲛⲣⲟⲙⲡⲉ ⲁϥⲁⲁⲩ ⲉϥⲟ ⲛⲣⲣⲟ ϩⲛⲧϩⲓⲉⲣⲟⲩⲥⲁⲗⲏⲙ ⲙⲡⲉϥⲉⲓⲣⲉ ⲙⲡⲉⲧⲥⲟⲩⲧⲱⲛ ϩⲛⲟⲩⲛϩⲟⲧ ⲛⲛⲁϩⲣⲁϥ ⲙⲡϫⲟⲉⲓⲥ ⲡⲛⲟⲩⲧⲉ ⲛⲧϩⲉ ⲛⲇⲁⲩⲉⲓⲇ ⲡⲉϥⲉⲓⲱⲧ
3 ⲁⲗⲗⲁ ⲁϥⲙⲟⲟϣⲉ ϩⲛⲧⲉϩⲓⲏ ⲛⲛⲉⲣⲣⲱⲟⲩ ⲙⲡⲓⲥⲣⲁⲏⲗ ⲡⲉϥϣⲏⲣⲉ ⲇⲉ ⲁϥⲉⲓⲛⲉ ⲙⲙⲟϥ ϩⲛⲟⲩⲥⲁⲧⲉ ⲉϥϫⲓⲉⲓⲉⲣⲃⲟⲟⲛⲉ ⲙⲙⲟϥ ⲁⲩⲱ ϩⲛⲛⲃⲟⲧⲉ ⲛⲛϩⲉⲑⲛⲟⲥ ⲛⲁⲓ ⲛⲧⲁⲡⲛⲟⲩⲧⲉ ϥⲓⲧⲟⲩ ⲙⲙⲁⲩ ϩⲁⲡϩⲟ ⲛⲛϣⲏⲣⲉ ⲙⲡⲓⲥⲣⲁⲏⲗ
4 ⲁⲩⲱ ⲛⲉϥⲣⲑⲩⲥⲓⲁ ⲉϥⲧⲁⲗⲉϣⲟⲩϩⲏⲛⲉ ⲉϩⲣⲁⲓ ϩⲛⲙⲙⲁ ⲉⲧϫⲟⲥⲉ ⲁⲩⲱ ϩⲓϫⲛⲛⲃⲟⲩⲛⲟⲥ ⲁⲩⲱ ϩⲁⲣⲟϥ ⲛϣⲱⲛ ⲛⲓⲙ ⲉϥⲟ ⲛϩⲁⲓⲃⲉⲥ
5 ⲧⲟⲧⲉ ⲁϥⲉⲓ ⲉϩⲣⲁⲓ ⲛϭⲓϩⲣⲁⲁⲥⲥⲱⲛ ⲡⲣⲣⲟ ⲛⲧⲥⲩⲣⲓⲁ ⲁⲩⲱ ⲫⲁⲕⲉⲉ ⲡϣⲏⲣⲉ ⲛϩⲣⲟⲙⲉⲗⲓⲁⲥ ⲡⲣⲣⲟ ⲙⲡⲓⲥⲣⲁⲏⲗ ⲉⲣⲛ ⲧϩⲓⲉⲣⲟⲩⲥⲁⲗⲏⲙ ⲉⲡⲟⲗⲉⲙⲉⲓ ⲛⲙⲙⲁⲥ ⲁⲩⲱ ⲉⲩⲛⲁⲡⲟⲗⲉⲙⲉⲓ ⲙⲛⲁⲭⲁⲍ ⲙⲡⲟⲩϣϭⲙϭⲟⲙ ⲇⲉ ⲉⲡⲟⲗⲉⲙⲉⲓ
6 ϩⲙⲡⲉⲟⲩⲟⲉⲓϣ ⲇⲉ ⲉⲧⲙⲙⲁⲩ ⲁϥⲕⲧⲟ ⲛϭⲓϩⲣⲁⲁⲥⲥⲱⲛ ⲡⲣⲣⲟ ⲛⲧⲥⲩⲣⲓⲁ ⲛⲁⲓⲗⲁⲑ ⲉⲣⲁⲧⲥ ⲛⲧⲥⲩⲣⲓⲁ ⲁⲩⲱ ⲁϥⲛⲟⲩϫⲉ ⲉⲃⲟⲗ ⲛⲛⲓⲟⲩⲇⲁⲓⲟⲥ ϩⲛⲁⲓⲗⲁⲑ ⲁⲩⲱ ⲛⲓⲇⲟⲩⲙⲁⲓⲟⲥ ⲁⲩⲉⲓ ⲉϩⲣⲁⲓ ⲉⲁⲓⲗⲁⲑ ⲁⲩⲟⲩⲱⲙ ϩⲙⲡⲙⲁ ⲉⲧⲙⲙⲁⲩ ϣⲁϩⲣⲁⲓ ⲉⲡϩⲟⲟⲩ ⲛϩⲟⲟⲩ
7 ⲁⲭⲁⲍ ⲇⲉ ⲁϥϫⲟⲟⲩ ⲛϩⲉⲛϥⲁⲓϣⲓⲛⲉ ⲉⲣⲁⲧϥ ⲛⲑⲁⲣⲅⲁⲑⲫⲁⲗⲗⲁⲥⲁⲣ ⲡⲣⲣⲟ ⲛⲛⲁⲥⲥⲩⲣⲓⲟⲥ ⲉϥϫⲱ ⲙⲙⲟⲥ ⲛⲁϥ ϫⲉⲁⲛⲟⲕ ⲡⲉⲕϩⲙϩⲁⲗ ⲁⲛⲟⲕ ⲁⲛⲅ ⲡⲉⲕϣⲏⲣⲉ ⲟⲛ ⲁⲙⲟⲩ ⲉϩⲣⲁⲓ ⲛⲅⲧⲟⲩϫⲟⲓ ⲛⲧⲟⲟⲧϥ ⲙⲡⲣⲣⲟ ⲛⲧⲥⲩⲣⲓⲁ ⲙⲛⲡⲣⲣⲟ ⲙⲡⲓⲥⲣⲁⲏⲗ ⲛⲧⲁⲩⲧⲱⲟⲩⲛ
2 Kings 15 · 2 Kings 17 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)