1 ܘܥ̣ܢܐ ܘܐܡ̣ܪ ܠܝ ܡܛܘܠ ܕܐܬܦܫܩ ܠܟ ܓܠܝܢܗ ܕܚܙܘܐ ܗܢܐ ܐܝܟ ܕܨܠ̣ܝܬ ܫܡ̣ܥ ܡܠܬܗ ܕܡܪܝܡܐ ܕܬܕܥ ܡܕܡ ܕܥܬܝܕ ܕܢܓܕܫ ܠܟ ܡܢ ܒܬܪ ܗܠܝܢ
2 ܡܛܠ ܕܡܐܙܠ ܐܙ̣ܠܬ ܡܢ ܗܕܐ ܐܪܥܐ ܒܪܡ ܕܝܢ ܠܐ ܗܘܐ ܠܡܘܬܐ ܐܠܐ ܠܢܛܪܐ ܕܙܒ̈ܢܐ
3 ܣܩ ܗܟܝܠ ܠܪܝܫܗ ܕܛܘܪܐ ܗܢܐ ܘܢܥܒܪܘܢ ܩܕܡܝܟ ܟܠܗܘܢ ܐܬܪ̈ܘܬܐ ܕܐܪܥܐ ܗܕܐ ܘܕܡܘܬܗ̇ ܕܬܒܝܠ ܘܪܝܫܐ ܕܛܘ̣ܪ̈ܐ ܘܥܘܡܩܐ ܕܢܚܠܐ ܘܥܘܡ̈ܩܘܗܝ ܕܝܡܐ ܘܡܢܝܢܐ ܕܢܗܪ̈ܘܬܐ ܕܬܚܙܐ ܡܢܐ ܫܒܩ ܐܢܬ ܘܠܐܝ̇ܟܐ ܐ̇ܙܠ ܐܢܬ
4 ܗܕܐ ܕܝܢ ܓܕ̇ܫܐ ܡܢ ܒܬܪ ܐܪܒܥܝܢ ܝܘܡ̈ܝܢ
5 ܗܫܐ ܗܟܝܠ ܒܝܘ̈ܡܬܐ ܗܠܝܢ ܙܠ ܘܐܠܦܝܗܝ ܠܥܡܐ ܟܡܐ ܕܡܫܟܚ ܐܢܬ ܕܢܐܠܦܘܢ ܕܠܐ ܢܡܘܬܘܢ ܒܙܒܢܐ ܐܚܪܝܐ ܐܠܐ ܢܐܠܦܘܢ ܕܢܐܚܘܢ ܒܙܒ̈ܢܐ ܐܚܪ̈ܝܐ ܀