1 ܘܥ̇ܢܝܬ ܘܐܡ̇ܪܬ ܡ̣ܢܘ ܢܬܕܡܐ ܡܪܝ ܒܛ̇ܒܘܬܟ ܠܐ ܓܝܪ ܡܬܕܪܟܐ
2 ܐܘ ܡ̣ܢܘ ܢܒܨܐ ܪ̈ܚܡ̣ܝܟ ܗ̇ܢܘܢ ܕܠܐ ܡܣܬܝܟܝܢ
3 ܐܘ ܡ̣ܢܘ ܢܕܪ̣ܟ ܣܘܟܠܐ ܕܝܠܟ
4 ܐܘ ܡ̣ܢܘ ܡܨ̣ܐ ܕܢ̇ܬܢܐ ܡܚ̈ܫܒܬܗ ܕܡܕ̇ܥܟ
5 ܐܘ ܡ̣ܢܘ ܡܢ ܝܠܝ̈ܕܐ ܢܣ̇ܟܐ ܕܢܐܬܐ ܠܗܠܝܢ ܐܠܐ ܐܢ ܗ̇ܘ ܕܐܢܬ ܡܬܪܚܡ ܐܢܬ ܘܡܪܚܦ ܐܢܬ ܥܠܘܗܝ
6 ܡܛܠ ܕܐܢ ܡܬܪܚܡܘ ܠܐ ܡܬܪܚܡ ܐܢܬ ܥܠ ܒܢܝ̈ܢܫܐ ܐܝܠܝܢ ܕܬܚܝܬ ܝܡܝܢܟ ܠܐ ܡܫܟܚܝܢ ܕܢܡܛܘܢ ܠܗܠܝܢ ܐܠܐ ܐܝܠܝܢ ܕܒܡܢ̈ܝܢܐ ܡܫܡ̈ܗܐ ܡܫܟܚܝܢ ܕܢܬܩܪܘܢ
7 ܚܢܢ ܕܝܢ ܐܝܠܝܢ ܕܩܝ̇ܡܝܢ ܚܢܢ ܐܢܗ̣ܘ ܕܢܕܥ ܥܠ ܡܕܡ ܕܐܬܝܢ ܘܢܫܬܥܒܕ ܠܗ̇ܘ ܕܐܝ̇ܬܝܢ ܡܢ ܡܨܪܝܢ ܬܘܒ ܐܬ̇ܝܢܢ ܘܡܬܕܟܪܝܢ ܚܢܢ ܐܝܠܝܢ ܕܥ̣ܒܪ ܘܚܕܝܢ ܥܠ ܡܕܡ ܕܗ̣ܘܐ
8 ܐܠܐ ܕܝܢ ܢܕܥ ܗܫܐ ܕܥܠ ܡܢܐ ܐܬܝܢ ܘܠܐ ܢܫܬܘܕܥ ܪܝܫܢܘܬܐ ܕܗ̇ܘ ܕܐܣܩܢ ܡܢ ܡܨܪܝܢ ܐܬ̇ܝܢܢ ܬܘܒ ܘܒܥ̇ܝܢܢ ܐܝܠܝܢ ܕܗ̈ܘܝ ܗܫܐ ܘܡܬܬܥܝܩܝܢ ܚܢܢ ܒܟܐ̈ܒܐ ܥܠ ܐܝܠܝܢ ܕܓ̣ܕܫ ܀