1 ܘܥ̇ܢܝܬ ܘܐܡ̇ܪܬ ܐܝܟ̇ܢܐ ܛ̇ܥܝܢ ܐܝܠܝܢ ܕܗܝ̇ܕܝܢ ܘܝܐ ܢܛܝܪ ܠܗܘܢ
2 ܘܠܡܢܐ ܗܟܝܠ ܡܬܐܒ̇ܠܝܢܢ ܬܘܒ ܥܠ ܐܝܠܝܢ ܕܡܝܬܝܢ ܐܘ ܠܡܢܐ ܒ̇ܟܝܢܢ ܥܠ ܐܝܠܝܢ ܕܐܙ̇ܠܝܢ ܠܫܝܘܠ
3 ܢܬܢܛ̇ܪܢ ܐܘܠܝ̈ܬܐ ܠܪܝܫܗ ܕܗ̇ܘ ܬܫܢܝܩܐ ܕܥܬܝܕ ܘܢܬܬ̈ܣܝܡܢ ܕܡܥ̈ܐ ܠܡܐܬܝܬܗ ܕܗ̇ܘ ܐܒܕܢܐ ܕܗ̇ܝܕܝܢ
4 ܐܠܐ ܐܦ ܠܘܩܒܠ ܗܠܝܢ ܐܡ̇ܪ
5 ܘܙܕܝ̈ܩܐ ܡܢܐ ܢܥܒܕܘܢ ܗܫܐ
6 ܨܒܘ ܒܚܫܐ ܕܚ̇ܫܝܢ ܐܢܬܘܢ ܗܫܐ ܘܠܡܢܐ ܓܝܪ ܚ̇ܝܪܝܢ ܐܢܬܘܢ ܒܡܨܛܠܝܢܘܬܗܘܢ ܕܣܢܝ̈ܟܘܢ
7 ܛ̇ܝܒܘ ܢܦܫܟܘܢ ܠܡܕܡ ܕܢܛܝܪ ܠܟܘܢ ܘܥܬܕܘ ܢܦܫܬ̈ܟܘܢ ܠܐܓܪܐ ܕܣ̣ܝܡ ܠܟܘܢ
8 ܘܟܕ ܐܡ̇ܪܬ ܗܠܝܢ ܕܡ̇ܟܬ ܬܡܢ ܀