1 ܘܥ̇ܢܝܬ ܘܐܡ̇ܪܬ ܥܬܝܕ ܐܢܐ ܗܟܝܠ ܕܐ̇ܗ̇ܘܐ ܚܝܒ ܒܨܗܝܘܢ ܕܢܐܬܘܢ ܣܢܐ̈ܝܟ ܠܗܢܐ ܐܬܪܐ ܘܢܛܐܡܘܢ ܩܘܕܫܟ ܘܢܫܒܘܢ ܝܪܬܘܬܟ ܘܢܫܬܠܛܘܢ ܥܠ ܐܝܠܝܢ ܕܪܚܡ̣ܬ ܘܢܐܙܠܘܢ ܬܘܒ ܠܐܬܪܐ ܕܦܬܟܪ̈ܝܗܘܢ ܘܢܫܬܒܗܪܘܢ ܩܕܡܝܗܘܢ ܘܡܢܐ ܥܒ̇ܕܬ ܠܗ ܠܫܡܟ ܪܒܐ
2 ܘܐܡ̣ܪ ܠܝ ܡܪܝܐ ܫܡܝ ܘܬܫܒܘܚܬܝ ܥܠܡܐ ܕܠܥܠܡ ܐܝܬ ܠܗܘܢ ܕܝ̣ܢܝ ܕܝܢ ܒܙܒܢܗ ܢܛ̇ܪ ܙܕܩܗ
3 ܘܐܢܬ ܬܚܙܐ ܒܥܝ̈ܢܝܟ ܕܠܐ ܗܘܐ ܒܥܠܕܒ̈ܒܐ ܣ̇ܚܦܝܢ ܠܨܗܝܘܢ ܘܠܐ ܡܘܩܕܝܢ ܠܐܘܪܫܠܡ ܐܠܐ ܠܕܝ̇ܢܐ ܡܫܡܫܝܢ ܠܙܒܢܐ
4 ܐܢܬ ܕܝܢ ܙܠ ܘܥ̇ܒܕ ܟܘܠ ܡܕܡ ܕܐܡ̇ܪܬ ܠܟ
5 ܘܐܙ̇ܠܬ ܘܕܒ̇ܪܬ ܠܐܪܡܝܐ ܘܠܥܕܘ ܘܠܣܪܝܐ ܘܠܝܒܫ ܘܠܓܕܠܝܐ ܘܠܟܠ ܡܝܩܪ̈ܘܗܝ ܕܥܡܐ ܘܐܝ̇ܬܝܬ ܐܢܘܢ ܠܢܚܠܐ ܕܩܕܪܘܢ ܘܐܫܬ̇ܥܝܬ ܠܗܘܢ ܟܠ ܕܐܬܐܡܪ ܠܝ
6 ܘܐܪܝܡܘ ܩܠܗܘܢ ܘܒܟܘ ܟܘܠܗܘܢ
7 ܘܝ̇ܬܒܢ ܬܡܢ ܘܨܡܢ ܥܕܡܐ ܠܪܡܫܐ ܀ ܀ ܀
2 Baruch 4 · 2 Baruch 6 ·