1 ܘܐܡ̣ܪ ܠܝ ܡܪܝܐ ܗܕܐ ܡܕܝܢܬܐ ܠܙܒܢܐ ܡܫܬܠܡܐ ܘܥܡܐ ܡܬܪܕܐ ܒܙܒܢܐ ܘܥܠܡܐ ܠܐ ܡܬܛܥܐ
2 ܐܘ ܕܠܡܐ ܣܒ̇ܪ ܐܢܬ ܕܗܕܐ̣ ܗܝ ܡܕܝܢܬܐ ܗ̇ܝ ܕܐܡ̇ܪܬ ܥܠܝܗ̇ ܕܥܠ ܦܣ̈ܐ ܕܐܝ̈ܕܝ ܪܫܡܬܟܝ
3 ܠܐ ܗܘܐ ܗܢܐ ܒܢܝܢܐ ܕܗܫܐ ܒܢ̣ܐ ܒܝܢܬܟܘܢ ܗ̇ܘ ܕܡܬܓܠܐ ܠܘܬܝ ܗ̇ܘ ܕܗܪܟܐ ܡ̣ܩܕܡ ܡܥܬܕ ܡܢ ܟܕ ܐܬܚ̣ܫܒܬ ܕܐ̇ܥܒܕ ܦܪܕܝܣܐ ܘܚܘܝܬܗ ܠܐܕܡ ܡܢ ܩܕܡ ܕܠܐ ܢܚܛܐ ܘܟܕ ܐܥܒܪ ܦܘܩܕܢܐ ܐܬܓܠܙܬ ܠܗ ܡܢܗ ܐܝܟ ܕܐܦ ܦܪܕܝܣܐ
4 ܘܡܢ ܒܬܪ ܗ̇ܠܝ̣ܢ ܚܘ̇ܝܬܗ ܠܥ̣ܒܕܝ ܐܒܪܗܡ ܒܠܠܝܐ ܒܝܬ ܦܠܓ̈ܐ ܕܕܒܚ̈ܐ
5 ܘܬܘܒ ܐܦ ܠܡܘܫܐ ܚܘ̇ܝܬܗ ܒܛܘܪ ܣܝܢܝ ܟܕ ܚܘ̇ܝܬܗ ܕܡܘܬܗ ܕܡܫܟܢܐ ܘܟܘܠܗܘܢ ܡܐ̈ܢܘܗܝ
6 ܘܗܫܐ ܗܐ ܢܛܝܪܐ ܠܘܬܝ ܐܝܟ ܕܐܦ ܦܪܕܝܣܐ
7 ܙܠ ܗܟܝܠ ܘܥܒ̇ܕ ܐܝܟ ܕܡܦܩܕ ܐܢܐ ܠܟ ܀ ܀
2 Baruch 3 · 2 Baruch 5 ·