2 Baruch 3 — Aramaic (Peshitta)

1 ܘܐܡ̇ܪܬ ܐܘ ܡܪܝܐ ܡܪܝ̣ ܠܗܕܐ ܐܬ̇ܝܬ ܠܥܠܡܐ ܕܐܚ̇ܙܐ ܒܒܝ̣ܫܬܗ̇ ܕܐܡܝ̣ ܠܐ ܡܪܝ

2 ܐܢ ܐܫܟ̇ܚܬ ܪ̈ܚܡ̣ܐ ܒܥ̈ܝܢܝܟ̣ ܣܒ ܠܘܩܕܡ̇ ܪܘܚܝ ܕܐ̇ܙܠ ܠܝ ܠܘܬ ܐܒܗ̈ܝ̣ ܘܠܐ ܐܚ̇ܙܐ ܒܐܒܕܢܗ̇ ܕܐܡܝ

3 ܡܛܠ ܕܬܪ̈ܬܝܗܝܢ ܐܠܨ̈ܢ ܠܝ ܣ̇ܓܝ ܕܐܩܘܡ ܓܝܪ ܠܩܘܒܠܟ̣ ܠܐ ܡܫܟܚ ܐܢܐ ܐܠܐ ܐܦ ܠܐ ܕܐ̇ܚܙܐ ܒܒܝ̣ܫܬܗ̇ ܕܐܡܝ ܡܫܟܚܐ ܢܦܫܝ

4 ܚܕܐ ܕܝܢ ܐܡܪ ܐܢܐ ܩܕܡܝܟ ܡܪܝܐ

5 ܡܢܐ ܗܟܝܠ ܗ̇ܘܐ ܡܢ ܒܬܪ ܗܠܝܢ ܐܢ ܓܝܪ ܡܘܒܕ ܐܢܬ ܡܕܝܢܬܟ ܘܡܫܠܡ̣ ܐܢܬ ܐܪܥܟ ܠܣܢܐ̈ܝܢ ܐܝ̇ܟܢܐ ܬܘܒ ܡܬܕܟܪ ܫܡܗ ܕܐܝܣܪܝܠ

6 ܐܘ ܐܝ̇ܟܢܐ ܢܡܠܠ ܥܠ ܬܫܒ̈ܚܬܟ ܐܘ ܠܡ̣ܢܘ ܡܬ̇ܦܫܩ ܡܐ ܕܒܢܡܘܣܟ

7 ܐܘ ܕܠܡܐ ܗ̇ܦܟ ܠܗ̇ ܬܨܒܝܬܐ ܠܟܝܢܗ̇ ܘܥܠܡܐ ܬܘܒ ܐ̇ܙܠ ܠܗ ܠܫܬܩܐ ܕܡܢ ܩܕܝܡ

8 ܘܡܬܢܣܒ ܠܗ ܣܘܓܐܗܝܢ ܕܢܦܫ̈ܬܐ ܘܟܝܢܐ ܕܒܢܝ̈ܢܫܐ ܬܘܒ ܠܐ ܡܫܬܡܗ

9 ܘܐܝ̇ܟܐ ܗܘ ܟܠ ܡܐ ܕܐܡ̣ܪܬ ܠܡܘܫܐ ܥܠܝܢ ܀ ܀ ܀