1 ܒܪܡ ܕܝܢ ܟܠ ܕܢܣܬܟܠ ܗܝ̇ܕܝܢ ܢܬܚܟܡ
2 ܡܫܘܚܬܗ ܕܝܢ ܘܡܢܝܢܗ ܕܗ̇ܘ ܙܒܢܐ ܗ̈ܘܝܢ ܬܪ̈ܬܝܢ ܡ̈ܢܘܢ ܫܒܘ̈ܥܐ ܕܫܒܥܐ ܫܒܘ̈ܥܝܢ
3 ܘܥܢ̇ܝܬ ܘܐܡ̇ܪܬ ܛܒ ܗܘܐ ܕܐܢܫ ܢܡܛܐ ܘܢ̇ܚܙܐ ܘܛܒ ܕܝܢ ܡܢ ܗܕܐ ܕܠܐ ܢܡܛܐ ܕܠܐ ܢܦ̇ܠ
4 ܐܠܐ ܐܡ̇ܪ ܐܦ ܗܕܐ
5 ܢܫܘܛ ܗ̇ܘ ܕܠܐ ܡܬܚܒܠ ܠܗܠܝܢ ܕܡܬܚ̈ܒܠܢ ܘܠܡܕܡ ܕܓ̣ܕܫ ܒܗܝܢ ܒܗܠܝܢ ܕܡܬܚܒ̈ܠܢ ܕܒܠܚܘܕ ܠܗܠܝܢ ܕܠܐ ܡܬ̈ܚܒܠܢ ܢܚܘܪ
6 ܐܢ ܕܝܢ ܡܪܝ ܫܪܝܪܐܝܬ ܥܬܝܕ̈ܢ ܐ̈ܢܝܢ ܕܢܐܬ̈ܝܢ ܗܠܝܢ ܕܩܕ̣ܡܬ ܐܡ̣ܪܬ ܠܝ ܐܢ̇ܕܝܢ ܐܫ̇ܟܚܬ ܪ̈ܚܡ̣ܐ ܒܥܝܢ̈ܝܟ ܐܘܕܥܝܢܝ ܐܦ ܗܕܐ
7 ܐܢ ܗ̣ܘ ܕܒܚܕ ܐܬܪܐ ܐܘ ܒܚܕܐ ܡܢ ܡܢܘ̈ܬܗ̇ ܕܐܪܥܐ ܥܬܝ̈ܕܢ ܕܢܗ̈ܘܝܢ ܗܠܝ̣ܢ ܐܘ ܟܠܗ̇ ܐܪܥܐ ܡܪܓܫܐ ܀