2 Baruch 27 — Aramaic (Peshitta)

1 ܘܥ̣ܢܐ ܘܐܡ̣ܪ ܠܝ ܠܬܪܬܥܣܪܐ ܡܢ̈ܘܢ ܐܬܦܠܓ ܙܒܢܐ ܗ̇ܘ ܘܟܠ ܚܕܐ ܚܕܐ ܡܢܗܝܢ ܡܬܢܛܪܐ ܠܡܕܡ ܕܣ̣ܝܡ ܠܗ̇ ܀

2 ܒܡܢ̇ܬܐ ܩܕܡܝܬܐ ܪܝܫܐ ܕܙܘ̈ܥܐ ܗܘ̇ܐ ܀

3 ܘܒܡܢܬܐ ܕ̇ܬܪ̈ܬܝܢ ܩ̈ܛܠܐ ܕܪ̈ܘܪܒܢܐ ܀

4 ܘܒܡܢܬܐ ܕܬܠܬ ܡܦܘܠܬܐ ܕܣܓܝܐ̈ܐ ܒܡܘܬܐ ܀

5 ܘܒܡܢ̇ܬܐ ܕܐܪܒܥ ܫܘܕܪܐ ܕܚܪܒܐ ܀

6 ܘܒܡܢ̇ܬܐ ܕܚܡܫ ܟܦܢܐ ܘܟܠܝܢܐ ܕܡܛܪܐ ܀

7 ܘܒܡܢܬܐ ܕܫܬ ܙܘ̈ܥܐ ܘܓܘܢ̈ܚܐ ܀

8 ̇̇̇̇ ܀

9 ܘܒܡܢܬܐ ܕܬܡܢܐ̣ ܣܘܓܐܐ ܕܦܢܛܣ̈ܝܐ ܘܦܓܥ̈ܐ ܕܫܐ̈ܕܐ ܀

10 ܘܒܡ̇ܢܬܐ ܕܬܫܥ̣ ܢܦܠܐ ܕܢܘܪܐ ܀

11 ܘܒܡܢܬܐ ܕܥܣܪ ܚܛܘܦܝܐ ܘܛܠܘܡ̣ܝܐ ܣܓܝܐܐ ܀

12 ܘܒܡܢ̇ܬܐ ܕܚܕܥܣܪܐ ܥܘ̣ܠܐ ܘܫܪܝܚܘܬܐ ܀

13 ܘܒܡ̇ܢܬܐ ܕܬܪܬܥܣܪܐ̣ ܒܘܠܒܠܐ ܕܚܒܝܟܘܬܐ ܕܟܠܗܝܢ ܐܟܚܕܐ ܕܐܝܠܝܢ ܕܡܩܕ̈ܡܢ ܐܡܝܪ̈ܢ ܀

14 ܗܠܝܢ ܕܝܢ ܡܢ̈ܘܬܗ ܕܗ̇ܘ ܙܒܢܐ ܢܛܝܪ̈ܢ̣ ܘܗ̈ܘܝܢ ܡܚ̈ܠܛܢ ܚܕܐ ܒܚܕܐ ܘܚܕܐ ܚܕܐ ܡܫܡ̈ܫܢ

15 ܡܢܗܝܢ ܓܝܪ ܡܘܬܪ̈ܢ ܡܢ ܕܝܠܗܝܢ ܘܡܢ ܕܐܚܪ̈ܢܝܬܐ ܢܣ̈ܒܢ ܘܡܢܗܝܢ ܕܝܠܗܝܢ ܘܕܐܚܪ̈ܢܝܬܐ ܡܫ̈ܠܡܢ̣ ܐܝܟ ܕܠܐ ܢܣܬܟܠܘܢ ܐܝܠܝܢ ܕܗܘ̈ܝܢ ܥܠ ܐܪܥܐ̇ ܒܗ̇ܢܘܢ ܝܘܡ̈ܬܐ ܕܫܘܠܡܐ ܗ̇ܘ ܕܙܒ̈ܢܐ ܀