1 ܘܥ̇ܢܝܬ ܘܐܡ̇ܪܬ ܠܐ ܡܪܝܐ ܡܪܝ
2 ܘܥܢ̣ܐ̇ ܘܐܡ̣ܪ ܠܝ ܘܥܠ ܡܢܐ ܗܟܝܠ ܡܬܬܙܝܥ ܐܢܬ ܥܠ ܡܕܡ ܕܠܐ ܝܕܥ ܐܢܬ ܘܥܠ ܡܢܐ ܡܣܬܪܗܒ ܐܢܬ ܥܠ ܡܕܡ ܕܠܐ ܡܦܣ ܐܢܬ
3 ܐ̇ܝܟ̇ܢܐ ܓܝܪ ܕܠܐ ܛܥ̣ܝܬ ܠܒ̈ܢܝ ܐܢܫܐ ܐܝܠܝܢ ܕܩܝܡ̇ܝܢ ܘܐܝܠܝܢ ܕܥܒ̣ܪܘ̣ ܗܟܢܐ ܥܗܝܕ ܐܢܐ ܠܐܝܠܝܢ ܕܥܗܝܕܝܢ ܘܠܐܝܠܝܢ ܕܐܬ̇ܝܢ
4 ܡܛܠ ܕܟܕ ܚܛ̣ܐ ܐܕܡ ܘܐܬܓܙܪ ܡܘܬܐ ܥܠ ܐܝܠܝܢ ܕܡܬܝܠܕܝܢ ܗܝ̇ܕܝܢ ܐܬܡܢܝ ܣܘܓܐܗܘܢ ܕܐܝܠܝܢ ܕܡܬܝܠܕܝܢ ܘܠܗ ܠܡܢܝܢܐ ܗ̇ܘ ܐܬܥܬܕ ܐܬܪܐ ܐܝ̇ܟܐ ܕܢܥܡܪܘܢ ܐܝܠܝܢ ܕܚܝ̈ܝܢ ܘܐܝ̇ܟܐ ܕܢܬܢܛܪܘܢ ܐܝܠܝܢ ܕܡܝܬܝܢ
5 ܐܠܐ ܗܟܝܠ ܡܬܡܠܐ ܡܢܝܢܐ ܕܩܕܝܡ ܐܡܝܪ ܠܐ ܚ̇ܝܐ ܒ̣ܪܝܬܐ ܪܘܚܝ ܓܝܪ ܒ̇ܪܝܐ ܚ̈ܝܐ ܘܫܝܘܠ ܡܩܒܠܐ ܡܝ̈ܬܐ
6 ܘܬܘܒ ܐܝܬ ܠܟ ܕܬܫܡܥ ܡܕܡ ܕܥܬܝܕ ܕܢܐܬܐ ܡܢ ܒܬܪ ܗܠܝܢ ܙܒܢ̈ܐ
7 ܫܪܝܪܐܝܬ ܓܝܪ ܩܪܝܒ ܗܘ ܦܘܪܩܢܝ ܕܢܐܬܐ ܘܠܐ ܗܘܐ ܪܚܝܩ ܐܝܟ ܕܡܢ ܩܕܝܡ ܀