1 ܗܐ ܓܝܪ ܝܘܡ̈ܬܐ ܐܬ̇ܝܢ ܘܢܬܓܠܘܢ ܣܦܪ̈ܐ ܐܝ̇ܟܐ ܕܟܬܝܒܝܢ ܚܛܗ̈ܐ ܕܟܘܠܗܘܢ ܐܝܠܝܢ ܕܚܛܘ ܘܬܘܒ ܐܦ ܐܘܨܪ̈ܐ ܐܝ̇ܟܐ ܕܙܕܝܩܘܬܗܘܢ ܕܟܠܗܘܢ ܐܝܠܝܢ ܕܐܙܕܕܩܘ ܒܒ̣ܪܝܬܐ ܐܬ̣ܟܢܫܬ
2 ܘܢܗܘܐ ܕܝܢ ܒܗ̇ܘ ܙܒܢܐ̣ ܬ̣ܚܙܐ ܐܢܬ ܘܣܓܝܐ̈ܐ ܕܥܡܟ ܢܓܝܪܘܬ ܪܘܚܗ ܕܪܡܐ ܗ̇ܝ ܕܒܟܠ ܕܪ ܘܕܪ ܕܡܓܪ ܗܘܐ ܪܘܚܗ ܥܠ ܟܠܗܘܢ ܝܠܝ̈ܕܐ ܕܚ̇ܛܝܢ ܘܡܙܕܕܩܝܢ
3 ܘܥܢ̇ܝܬ ܘܐܡ̇ܪܬ ܐܠܐ ܗܐ ܡܪܝܐ ܐܢܫ ܠܐ ܝܕ̇ܥ ܡܢܝܢܐ ܕܐܝܠܝܢ ܕܥ̣ܒܪ̈ܝ ܘܐܦ ܠܐ ܕܐܝܠܝܢ ܕܥܬܝ̈ܕܢ
4 ܗܐ ܓܝܪ ܐܦ ܐܢܐ ܡܕܡ ܕܓܕܫܢܝ ܝܕ̇ܥ ܐܢܐ ܡܕܡ ܕܝܢ ܕܥܬܝܕ ܕܢܗܘܐ ܠܣܢ̈ܐܝܢ ܠܐ ܝܕ̇ܥ ܐܢܐ ܘܐܡܬܝ ܦ̇ܩܕܬ ܥܒ̇ܕ̈ܝܟ ܀ ܀ ܀