1 ܘܗ̣ܘܐ ܡܢ ܒܬܪ ܗܠܝܢ̣ ܘܗܐ ܐܬܦܬܚܘ ܫܡܝܐ ܘܚܙ̇ܝܬ ܘܚܝܠܐ ܐܬܝܗܒ ܠܝ ܘܩܠܐ ܡܢ ܡܪ̈ܘܡܐ ܐܫܬܡܥ ܘܐܡ̣ܪ ܠܝ
2 ܒܪܘܟ ܒܪܘܟ̣ ܠܡܢܐ ܡܬܬܙܝܥ ܐܢܬ
3 ܗ̇ܘ ܕܐ̇ܙܠ ܒܐܘܪܚܐ̣ ܠܐ ܡܫܠܡ ܠܗ̇ ܐܘ ܗ̇ܘ ܕܦ̇ܪܫ ܒܝܡܐ̇ ܐܠܐ ܡ̇ܛܐ ܠܠܡܐܢܐ ܡܫܟܚ ܢܬܒܝܐܐ̣
4 ܐܘ ܗ̇ܘ ܕܡܫܬܘܕܐ ܠܐܢܫ ܕܢܬܠ ܠܗ ܡܘܗܒܬܐ ܐܠܐ ܡܫܠܡ ܠܗ̇ ܠܐ ܗܐ݃ ܓܠܝܙܘܬܐ ܐܝܬܘܗܝ
5 ܐܘ ܗ̇ܘ ܕܙ̇ܪܥ ܐܪܥܐ ܐܠܐ ܒܙܒܢܗ̇ ܢܚܨܘܕ ܦܐܪ̈ܝܗ̇ ܠܐ ܗܐ݃ ܡܚܒܠ ܠܗ ܠܟܠܗ
6 ܐܘ ܗ̇ܘ ܕܢܨ̇ܒ ܢܨܒܬܐ ܐܠܐ ܬܪܒܐ ܥܕܡܐ ܠܙܒܢܐ ܕܙܕ̇ܩ ܠܗ̇ ܕܠܡܐ݃ ܡܣܟܐ ܗ̇ܘ ܕܢܨܒܗ̇ ܕܢܣܒ ܡܢܗ̇ ܦܐܪ̈ܐ̣
7 ܐܘ ܐܢܬܬܐ ܕܒܛܢܐ ܐܢ ܬܐܠܕ ܕܠܐ ܒܙܒܢܗ̇݃ ܠܐ ܡܩܛܠ ܩ̇ܛܠܐ ܠܗ ܠܥܘ̣ܠܗ̣̇
8 ܐܘ ܗ̇ܘ ܕܒ̇ܢܐ ܒܝܬܐ ܐܠܐ ܢܛܠܠܝܘܗܝ ܘܢܫܟܠܠܝܘܗܝ ܠܡܐ݃ ܡܫܟܚ ܕܢܬܩܪܐ ܒܝܬܐ̣ ܐܡ̣ܪ ܠܝ ܠܘܩܕܡ ܗܠܝܢ ܀