1 ܡܛܠ ܗܢܐ ܗܐ ܝܘܡ̈ܬܐ ܐܬ̇ܝܢ̣ ܘܢܣܬܪܗܒܘܢ ܙܒ̈ܢܐ ܝܬܝܪ ܡܢ ܩܕܡ̈ܝܐ ܘܢܪܗܛܘܢ ܥܕ̈ܢܐ ܝܬܝܪ ܥܠ ܐܝܠܝܢ ܕܥܒ̣ܪܘ ܘܢܥܒܪ̈ܢ ܫܢܝ̈ܐ ܩܠܝܠܐܝܬ̣ ܝܬܝܪ ܥܠ ܗܠܝܢ ܕܩܝ̈ܡܢ
2 ܡܛܠ ܗܢܐ ܗܫܐ ܐܪܝܡܬܗ̇ ܠܨܗܝܘܢ ܕܐܣܬܪܗܒ ܝܬܝܪܐܝܬ ܘܐܣܥܘܪ ܥܠܡܐ ܒܙܒܢܗ
3 ܗܫܐ ܗܟܝܠ ܐܚܘ̇ܕ ܒܠܒܟ ܟܠܡܕܡ̣ ܕܡܦܩܕ ܐܢܐ ܠܟ ܘܚܬܘܡ ܐ̈ܢܝܢ ܒܬܘ̈ܢܐ ܕܡܕܥܟ
4 ܘܗܝ̇ܕܝܢ ܐܚ̇ܘܝܟ ܕܝ̣ܢܗ ܕܚܝܠܝ ܘܐܘܪ̈ܚܬܝ ܕܠܐ ܡܬܥ̈ܩܒܢ
5 ܙܠ ܗܟܝܠ ܘܐܬܩܕܫ ܫܒܥܐ ܝܘܡ̈ܝܢ ܘܠܐ ܬܐܟܘܠ ܠܚܡܐ ܘܠܐ ܬܫܬܐ ܡ̈ܝܐ ܘܠܐ ܬܐܡܪ ܠܐܢܫ
6 ܘܡܢ ܒܬܪ ܗܠܝ̣ܢ ܬܐ ܠܐܬܪܐ ܗܢܐ ܘܡܬܓܠܐ ܐܢܐ ܠܟ ܘܫܪ̈ܝܪܬܐ ܐܡ̇ܠܠ ܥܡܟ ܘܐܦܩ̇ܕܟ ܥܠ ܕܘܒܪܐ ܕܙܒ̈ܢܐ ܐܬ̇ܝܢ ܐܢܘܢ ܓܝܪ ܘܠܐ ܡܫܬܘܚܪܝܢ ܰܰܰܰ