1 ܘܥܢ̣ܐ ܘܐܡ̣ܪ ܠܝ ܡܛܠ ܗܢܐ ܒܗ̇ܘ ܙܒܢܐ ܐܩܝܡ ܠܗܘܢ ܕܝܬܩܐ ܘܐܡ̣ܪ ܗܐ ܣܡ̇ܬ ܩܕܡܝܟܘܢ ܚ̈ܝܐ ܘܡܘܬܐ ܘܐܣܗܕ ܒܗܘܢ ܫܡܝܐ ܘܐܪܥܐ
2 ܝܕ̇ܥ ܗܘܐ ܓܝܪ ܕܙܒܢܗ ܩܠܝܠ ܗܘ ܘܫܡܝܐ ܕܝܢ ܘܐܪܥܐ ܐܝܬܝܗܘܢ ܒܟܠ ܙܒܢ
3 ܗ̣ܢܘܢ ܕܝܢ ܡܢ ܒܬܪ ܡܘܬܗ ܕܗ̇ܘ ܚܛܘ ܘܐ̇ܥܒܪܘ ܟܕ ܝܕ̇ܥܝܢ ܕܐܝܬ ܠܗܘܢ ܢܡܘܣܐ ܡܟܣܢܐ ܘܢܘܗܪܐ ܗ̇ܘ ܕܠܐ ܡܫܟܚ ܗܘܐ ܕܢܛܥܐ ܒܗ ܡܕܡ ܐܦ ܡܘܙ̈ܠܐ ܕܣ̇ܗ̇ܕܝܢ ܘܐܢܐ ܘܥܠ ܟܠ ܕܐܝܬ ܕܐ̇ܢ ܐܢܐ
4 ܐܢܬ ܕܝܢ ܠܐ ܬܬܚܫܒ ܒܢܦܫܟ ܥܠ ܗܠܝܢ ܘܠܐ ܬܬܩܠܐ ܥܠ ܐܝܠܝܢ ܕܗܘ̈ܝ
5 ܗܫܐ ܫܘܠܡܗ ܗܘ ܓܝܪ ܕܙܒܢܐ ܐܘ ܕܨ̈ܒܘܬܐ̣ ܐܘ ܕܡܨܠܚܢܘܬܐ ܐܘ ܕܨܥܪܐ ܡܬܒܥܐ ܘܠܐ ܫܘܪܝܗ
6 ܡܛܠ ܕܐܢ ܢܗܘܐ ܒܪܢܫܐ ܡܨܠܚ ܒܩܕܡܝܬܗ ܘܒܣܝܒܘܬܗ ܢܨܛܥܪ̣ ܛܥ̇ܐ ܟܘܠܗ̇ ܡܨܠܚܢܘܬܐ ܕܗܘܬ ܠܗ
7 ܘܬܘܒ ܐܢ ܢܗܘܐ ܒܪ ܐܢܫܐ ܡܨ̇ܛܥܪ̈ ܒܩܕܡܝܬܗ ܘܒܐܚܪܝܬܗ ܢܗܘܐ ܡܨܠܚ̣ ܠܐ ܡܬܕܟܪ ܬܘܒ ܨܥܪܗ
8 ܘܬܘܒ ܫܡ̣ܥ ܕܟܠܗ ܙܒܢܐ ܗܢܐ ܡܢ ܝܘܡܐ ܕܐܬܓܙܪ ܡܘܬܐ ܥܠ ܐܝܠܝܢ ܕܥܒ̇ܪܝܢ ܒܗ ܒܗܢܐ ܙܒܢܐ ܐܠܘ ܟܘܠ ܐܢܫ ܡܨܠܚ ܗܘܐ ܘܒܚܪܬܗ ܡܬܚܒܠ ܗܘܐ ܠܣܪܝܩܘܬܐ ܗ̇ܘܐ ܗܘܐ ܟܠܡܕܡ ܀