Read 1 Kings 3 side by side with translations · The Final Bible
11 ⲉⲛⲁϣⲱⲟⲩ ⲁⲩⲱ ⲙⲡⲉⲕⲁⲓⲧⲉⲓ ⲛⲟⲩⲙⲛⲧⲣⲙⲙⲁⲟ ⲟⲩⲧⲉ ⲙⲡⲉⲕⲁⲓⲧⲉⲓ ⲛⲛⲉⲯⲩⲭⲏ ⲛⲛⲉⲕϫⲁϫⲉ ⲁⲗⲗⲁ ⲁⲕⲁⲓⲧⲉⲓ ⲛⲁⲕ ⲛⲟⲩⲙⲛⲧⲣⲙⲛϩⲏⲧ ⲉⲧⲣⲉⲕⲉϣⲥⲱⲧⲙ ⲉⲩϩⲁⲡ ⲉⲧⲁⲁϥ
12 ⲉⲓⲥ ϩⲏⲏⲧⲉ ⲁⲓⲉⲓⲣⲉ ⲙⲡⲉⲕϣⲁϫⲉ ⲉⲓⲥ ϩⲏⲏⲧⲉ ⲁⲓϯ ⲛⲁⲕ ⲛⲟⲩϩⲏⲧ ⲛⲥⲁⲃⲉ ⲉⲛⲉⲥⲃⲱⲱϥ ⲉⲙⲡⲉⲟⲩⲟⲛ ⲛⲧⲉⲕⲙⲓⲛⲉ ϣⲱⲡⲉ ϩⲁⲧⲉⲕϩⲏ ⲁⲩⲱ ⲙⲛⲛⲥⲱⲕ ⲙⲛⲟⲩⲟⲛ ⲛⲁⲛⲉϩⲥⲉ ⲉϥⲧⲛⲧⲱⲛ ⲉⲣⲟⲕ
13 ⲁⲩⲱ ⲛⲉⲧⲉⲙⲡⲉⲕⲁⲓⲧⲉⲓ ⲙⲙⲟⲟⲩ ⲁⲓⲧⲁⲁⲩ ⲛⲁⲕ ⲟⲩⲙⲛⲧⲣⲙⲙⲁⲟ ⲙⲛⲟⲩⲉⲟⲟⲩ ⲉⲙⲡⲉⲣⲱⲙⲉ ⲛⲧⲉⲕⲙⲓⲛⲉ ϣⲱⲡⲉ ⲉϥⲧⲛⲧⲱⲛ ⲉⲣⲟⲕ ϩⲛⲛⲉⲣⲣⲱⲟⲩ ⲧⲏⲣⲟⲩ
14 ⲁⲩⲱ ⲉⲕϣⲁⲛⲙⲟⲟϣⲉ ϩⲛⲧⲁϩⲓⲏ ⲉϩⲁⲣⲉϩ ⲉⲛⲁⲉⲛⲧⲟⲗⲏ ⲙⲛⲛⲁⲡⲣⲟⲥⲧⲁⲅⲙⲁ ⲛⲧϩⲉ ⲉⲛⲧⲁⲡⲉⲕⲉⲓⲱⲧ ⲇⲁⲩⲉⲓⲇ ⲙⲟⲟϣⲉ ⲛϩⲏⲧⲟⲩ ϯⲛⲁⲧⲁϣⲟ ⲡⲉ ⲛⲛⲉⲕϩⲟⲟⲩ
15 ⲥⲟⲗⲟⲙⲱⲛ ⲇⲉ ⲁϥⲛⲉϩⲥⲉ ⲉϩⲣⲁⲓ ϩⲛⲡⲣⲁⲥⲟⲩ ⲁⲩⲱ ⲉⲓⲥ ϩⲏⲏⲧⲉ ⲛⲉ ⲟⲩⲣⲁⲥⲟⲩ ⲧⲉ ⲙⲙⲉ ⲁϥⲧⲱⲟⲩⲛϥ ⲇⲉ ⲁϥⲃⲱⲕ ⲉϩⲣⲁⲓ ⲉⲧϩⲓⲉⲣⲟⲩⲥⲁⲗⲏⲙ ⲁϥϩⲉ ⲉⲣⲁⲧϥ ϩⲓϩⲏ ⲙⲡⲉⲑⲩⲥⲓⲁⲥⲧⲏⲣⲓⲟⲛ ⲡⲉⲧⲙⲡⲉⲙⲧⲟ ⲉⲃⲟⲗ ⲛⲧⲕⲓⲃⲱⲧⲟⲥ ⲛⲧⲇⲓⲁⲑⲏⲕⲏ ⲙⲡϫⲟⲉⲓⲥ ϩⲛⲥⲓⲱⲛ ⲁⲩⲱ ⲁϥⲧⲁⲗⲟ ⲉϩⲣⲁⲓ ⲛϩⲉⲛϭⲗⲓⲗ ⲙⲛϩⲉⲛⲑⲩⲥⲓⲁ ⲛⲉⲓⲣⲏⲛⲓⲕⲟⲛ ⲁⲩⲱ ⲁϥⲉⲓⲣⲉ ⲛⲟⲩⲛⲟϭ ⲛϩⲟⲡ ⲉⲣⲟϥ ⲁⲩⲱ ⲉⲛⲉϥϩⲙϩⲁⲗ ⲧⲏⲣⲟⲩ
1 Kings 2 · 1 Kings 4 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)