Sirach 7 — Coptic (Sahidic)

1 ⲙⲡⲣⲣⲡⲉⲧϩⲟⲟⲩ ⲁⲩⲱ ⲙⲛⲡⲉⲧϩⲟⲟⲩ ⲛⲁⲧⲁϩⲟⲕ

2 ⲥⲁϩⲱⲕ ⲉⲃⲟⲗ ⲙⲡϫⲓⲛϭⲟⲛⲥ ⲧⲁⲣⲉϥⲥⲁϩⲱϥ ⲉⲃⲟⲗ ⲙⲙⲟⲕ

3 ⲡⲁϣⲏⲣⲉ ⲙⲡⲣϫⲟ ⲉϫⲛⲛⲉⲧⲗⲟⲟⲙ ⲙⲡϫⲓⲛϭⲟⲛⲥ ϫⲉⲛⲛⲉⲕⲟϩⲥⲟⲩ ⲛⲥⲁϣϥ ⲛⲕⲱⲃ

4 ⲙⲡⲣϣⲓⲛⲉ ⲛⲥⲁⲟⲩⲙⲛⲧⲛⲟϭ ⲉⲃⲟⲗ ϩⲓⲧⲛⲡϫⲟⲉⲓⲥ ⲁⲩⲱ ⲟⲩⲕⲁⲑⲉⲇⲣⲁ ⲛⲉⲟⲟⲩ ⲉⲃⲟⲗ ϩⲓⲧⲛⲟⲩⲣⲣⲟ

5 ⲙⲡⲣⲧⲙⲁⲓⲟⲕ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ

6 ⲙⲡⲣⲣϩⲟⲧⲉ ϩⲛⲧϥ... ......ⲉϩⲟⲩⲛ ⲉⲡⲉⲕ...

7 ⲙⲡⲣⲣⲛⲟⲃⲉ ⲉϩⲟⲩⲛ ⲉⲡⲙⲏⲏϣⲉ ⲛⲟⲩⲡⲟⲗⲓⲥ

8 ⲙⲡⲣⲣⲟⲩⲛⲟⲃⲉ ⲛⲥⲉⲡ ⲥⲛⲁⲩ ⲛⲅⲛⲁ.........

9 ⲙⲡⲣϫⲟ...... ⲁⲩⲱ ⲉⲓϣⲁⲛ ⲉϩⲣⲁⲓ ⲙⲡⲛⲟⲩⲧⲉ ⲡⲉⲧϫⲟⲥⲉ ϥⲛⲁϫⲓⲧⲟⲩ ⲛ

10 ⲙⲡⲣⲣⲕⲟⲩⲓ ⲛϩⲏⲧ ϩⲙⲡⲉⲕϣⲗⲏⲗ ⲁⲩⲱ ⲙⲛⲧⲛⲁ

11 ⲙⲡⲣⲥⲱⲃⲉ ⲛⲥⲁⲟⲩⲣⲱⲙⲉ ⲉϥϥϣⲟⲟⲡ ⲅⲁⲣ ⲛϭⲓ.....................

12 ⲙⲡⲣⲥⲕⲁⲓϭⲟⲗ ⲉⲡⲉⲕⲥⲟⲛ ⲟⲩⲇⲉ ⲙⲡⲣⲣⲡⲁⲓ ⲙⲡⲉⲕϣⲃⲏⲣ

13 ⲙⲡⲣⲟⲩⲱϣ ⲉϫⲓϭⲟⲗ ϩⲛϭⲟⲗ ⲛⲁⲛⲟⲩϥ ⲁⲛ

14 ⲙⲡⲣⲣⲧϩⲉ ⲛⲛⲉⲧϫⲓϩⲣⲁⲩ ⲟⲩⲉϩⲙⲟⲩϣⲁϫⲉ ⲉⲕ

15 ⲙⲡⲣⲙⲉⲥⲧⲉⲟⲩϩⲱⲃ ⲉϥϩⲟⲥⲉ ⲁⲩⲱ ⲧⲙⲛⲧⲟⲩⲟⲉⲓⲏ ⲉⲛⲧⲁⲩⲥⲟⲛⲧⲥ ϩⲓⲧⲙⲡⲉⲧϫⲟⲥⲉ

16 ⲙⲡⲣⲟⲡⲕ ϩⲙⲡⲙⲏϣⲉ ⲛⲛⲣⲉϥⲣⲛⲟⲃⲉ ⲁⲣⲓⲡⲙⲉⲉⲩⲉ ϫⲉⲧⲟⲣⲅⲏ [ ]

17 ⲑⲃⲃⲓⲉ ⲧⲉⲕⲯⲩⲭⲏ ⲉⲙⲁⲧⲉ ϫⲉⲡⲕⲱϩⲧ ⲅⲁⲣ ⲛⲙⲡϥⲛⲧ ⲡⲉ ⲡϫⲓⲕⲃⲁ ⲙⲡⲁⲥⲉⲃⲏⲥ

18 ⲙⲡⲣϣⲓⲃⲉ ⲙⲡⲉⲕϣⲃⲏⲣ ⲉⲧⲃⲉⲟⲩⲙⲛⲧⲙⲁⲓϣⲓⲃⲉ ⲁⲩⲱ ⲟⲩⲥⲟⲛ ⲉⲛⲁⲛⲟⲩϥ ⲉⲧⲃⲉⲟⲩⲛⲟⲩⲃ ⲛⲥⲟⲩⲫⲓⲣ

19 ⲙⲡⲣⲕⲱⲛⲥ ⲉⲟⲩⲥϩⲓⲙⲉ ⲛⲥⲁⲃⲏ ⲁⲩⲱ ⲉⲛⲁⲛⲟⲩⲥ ⲡⲉⲥϩⲙⲟⲧ ⲅⲁⲣ ⲥⲟⲧⲡ ⲉⲡⲛⲟⲩⲃ

20 ⲙⲡⲣ... ⲁⲩⲱ ⲟⲩϫⲁⲓⲃⲉⲕⲉ ⲉϥϯ ⲙⲡⲉϥϩⲏⲧ

21 ⲟⲩϩⲙϩⲁⲗ ⲧⲉⲕⲯⲩⲭⲏ

22 ⲟⲩⲛⲧⲕ... ⲁⲩⲱ ϣⲁⲛ...

23 ⲟⲩⲛⲧⲕϣⲏⲣⲉ ⲙⲙⲁⲩ ...(?) ϯⲥⲃⲱ ⲛⲁⲩ ⲕⲱⲗϫ ⲙⲡⲉⲩⲙⲁⲕϩ ϫⲓⲛⲧⲉⲩⲙⲛⲧⲕⲟⲩⲓ

24 ⲟⲩⲛⲧⲉⲕϣⲉⲉⲣⲉ ⲙⲙⲁⲩ ϯ ϩⲧⲏⲕ ⲉⲡⲉⲩⲥⲱⲙⲁ ⲁⲩⲱ ⲙⲡⲣ... ⲉⲡⲉⲕϩⲟ ⲉϩⲟⲩⲛ

25 ⲁⲩⲱ ϯⲧⲉⲕϣⲉⲉⲣⲉ ⲧⲁⲣⲉⲕϫⲉⲕⲧⲟⲟⲧⲥ ⲉⲃⲟⲗ ⲛⲛⲟⲩⲛⲟϭ ⲛϩⲱⲃ ⲧⲁⲁⲥ ϫⲉⲛⲛⲟⲩϩⲁⲓ ⲛⲣⲙⲛϩⲏⲧ ⲟⲩⲙⲉⲥ...

26 ⲟⲩⲛⲧⲕⲟⲩⲥϩⲓⲙⲉ ⲙⲙⲁⲩ ⲕⲁⲧⲁⲡⲉⲕϩⲏⲧ ⲙⲡⲣⲛⲟϫⲥ ⲉⲃⲟⲗ

27 ϩⲙⲡⲉⲕϩⲏⲧ ⲧⲏⲣϥ ϯⲉⲟⲟⲩ ⲙⲡⲉⲕⲉⲓⲱⲧ ⲁⲩⲱ ⲛⲛⲁⲁⲕⲉ ⲛⲧⲉⲕⲙⲁⲁⲩ ⲙⲡⲣⲣⲡⲉⲩⲱⲃϣ

28 ⲁⲣⲓⲡⲙⲉⲉⲩⲉ ϫⲉⲛⲥⲁⲃⲗⲗⲁⲩ ⲛⲉⲕⲛⲁϣⲱⲡⲉ ⲁⲛ ⲡⲉ: ⲁⲩⲱ ⲉⲅⲛⲁϯⲟⲩ ⲛⲁⲩ ⲛⲧϩⲉ ⲛⲧⲁⲩϯ ⲛⲁⲕ

29 ϩⲛⲧⲉⲕⲯⲩⲭⲏ ⲧⲏⲣⲥ ⲁⲣⲓϩⲟⲧⲉ ϩⲏⲧϥ ⲙⲡϫⲟⲉⲓⲥ ⲁⲩⲱ ⲛⲅϯⲉⲟⲟⲩ ⲛⲛⲉϥⲟⲩⲏⲏⲃ

30 ϩⲛⲧⲉⲕϭⲟⲙ ⲧⲏⲣⲥ ⲙⲉⲣⲉⲡⲉⲛⲧⲁϥⲧⲁⲙⲓⲟⲕ ⲁⲩⲱ ⲙⲡⲣⲕⲱ ⲛⲥⲱⲕ ⲛⲛⲉⲧϣⲙϣⲉ ⲛⲁϥ

31 ⲁⲣⲓϩⲟⲧⲉ ϩⲏⲧϥ ⲙⲡϫⲟⲉⲓⲥ ⲛⲅϯⲉⲟⲟⲩ ⲛⲛⲉϥⲟⲩⲏⲏⲃ ⲛⲅϯ ⲛⲁϥ ⲛⲛⲉϥⲧⲟ ⲕⲁⲧⲁⲧϩⲉ ⲉⲛⲧⲁϥϩⲱⲛ ⲉⲧⲟⲟⲧⲕ ⲧⲁⲡⲁⲣⲭⲏ ⲁⲩⲱ ⲡϯϩⲁⲛⲟⲃⲉ ⲙⲛⲡⲉϭⲃⲟⲓ ⲙⲛⲧⲉⲑⲩⲥⲓⲁ ⲙⲡⲧⲃⲃⲟ ⲙⲛⲧⲁⲡⲁⲣⲭⲏ ⲛⲛⲉⲧⲟⲩⲁⲁⲃ

32 ⲁⲩⲱ ⲛⲅⲥⲟⲟⲩⲧⲛ ⲛⲧⲉⲕϭⲓϫ ⲉⲡϩⲏⲕⲉ ϫⲉⲉⲣⲉⲡⲉⲕⲥⲙⲟⲩ ϫⲱⲕ ⲉⲃⲟⲗ

33 ⲧⲉⲭⲁⲣⲓⲥ ⲙⲛⲟⲩⲧⲁⲉⲓⲟ ⲙⲡⲉⲙⲧⲟ ⲉⲃⲟⲗ ⲛⲣⲱⲙⲉ ⲛⲓⲙ ⲙⲡⲣⲕⲱⲗⲩ ⲛⲟⲩϩⲙⲟⲧ ϩⲓⲟⲩⲣⲉϥⲙⲟⲟⲩⲧ

34 ⲣⲓⲙⲉ ⲙⲛⲛⲉⲧⲣⲓⲙⲉ ⲁⲣⲓϩⲏⲃⲉ ⲙⲛⲛⲉⲧⲣϩⲏⲃⲉ

35 ⲙⲡⲣϫⲛⲁⲁⲩ ⲉϭⲙⲡϣⲓⲡⲉ ⲛⲛⲉⲧϣⲱⲛⲉ ⲉⲩⲛⲁⲙⲉⲣⲓⲧⲕ ⲅⲁⲣ ϩⲙⲡⲁⲓ

36 ϩⲛⲛⲉⲕϣⲁϫⲉ ⲧⲏⲣⲟⲩ ⲁⲣⲓⲡⲙⲉⲉⲩⲉ ⲛⲧⲉⲕϩⲁⲏ ⲁⲩⲱ ⲛⲅⲛⲁⲣⲛⲟⲃⲉ ⲁⲛ ⲡⲉ ⲛϣⲁⲉⲛⲉϩ