Read Sirach 44 side by side with translations · The Final Bible
1 ⲙⲁⲣⲛⲥⲙⲟⲩ ⲉⲛⲣⲱⲙⲉ ⲉⲧⲧⲁⲉⲓⲏⲩ ......ⲡⲧⲁⲉⲓⲟ
2 ⲡⲛⲟⲩⲧⲉ ⲁϥⲥⲛⲧⲟⲩⲛⲟϭ ⲛⲉⲟⲟⲩ ⲛⲧⲉϥⲙⲛⲧⲛⲟϭ ϫⲓⲛⲉⲛⲉϩ
3 ⲉⲩⲟ ⲛϫⲟⲉⲓⲥ ϩⲛⲧⲉⲩⲙⲛⲧⲣⲣⲟ ⲁⲩⲱ ϩⲛⲣⲱⲙⲉ ⲛⲥⲟⲉⲓⲧ ⲛⲉ ϩⲛⲧⲉⲩϭⲟⲙ ⲉⲩⲟ ⲛⲣⲣⲟ ϩⲛⲧⲉⲩⲙⲛⲧⲣⲙⲛϩⲏⲧ ⲉⲩϣⲁϫⲉ ⲉⲣⲟⲟⲩ ϩⲛⲛⲉⲡⲣⲟⲫⲏⲧⲏⲥ
4 ⲉⲩⲟ ⲛⲁⲡⲉ ⲉϩⲛⲗⲁⲟⲥ ϩⲛⲛⲉⲩϣⲟϫⲛⲉ ⲉⲩⲟ ⲛⲅⲣⲁⲙⲙⲁⲧⲉⲩⲥ ⲙⲡⲗⲁⲟⲥ ϩⲛⲛⲉⲩⲙⲛⲧⲣⲙⲛϩⲏⲧ ϩⲛϣⲁϫⲉ ⲛⲥⲁⲃⲉ ⲛⲉⲧϩⲛ ⲧⲉⲩⲥⲃⲱ
5 ⲉⲩϣⲓⲛⲉ ⲛⲥⲁϩⲛⲟⲩⲗⲗⲉ ⲙⲙⲟⲩⲥⲓⲕⲟⲛ ⲉⲩϫⲱ ⲛϩⲉⲛϣⲁϫⲉ ϩⲛⲟⲩⲥϩⲁⲓ
6 ϩⲛⲣⲱⲙⲉ ⲛⲣⲙⲙⲁⲟ ⲛⲉ ⲉⲩⲙⲉϩ ⲛϭⲟⲙ ⲉⲩⲟ ⲛⲉⲓⲣⲏⲛⲏ ϩⲛⲛⲉⲩⲙⲁⲛϣⲱⲡⲉ
7 ⲁⲛⲁⲓ ⲧⲏⲣⲟⲩ ϫⲓⲉⲟⲟⲩ ϩⲛⲛⲉⲩⲅⲉⲛⲉⲁ ⲁⲩⲱ ⲁⲩϣⲱⲡⲉ ⲛϣⲟⲩϣⲟⲩ ϩⲛⲛⲉⲩϩⲟⲟⲩ
8 ⲟⲩⲛⲟⲩⲟⲛ ⲛϩⲏⲧⲟⲩ ⲉⲁⲩⲕⲱ ⲙⲛⲛⲥⲱⲟⲩ ⲙⲡⲉⲩⲣⲁⲛ ⲉϫⲱ ⲛⲛⲉⲩⲧⲁⲉⲓⲟ
9 ⲁⲩⲱ ⲟⲩⲟⲛ ⲛϩⲏⲧⲟⲩ ⲉⲙⲛⲧϥⲣⲡⲙⲉⲉⲩⲉ ⲁⲩⲱ ⲁⲩⲧⲁⲕⲟ ⲛⲧϩⲉ ⲛⲛⲉⲧⲉⲛⲥⲉϣⲟⲟⲡ ⲁⲛ ⲁⲩⲱ ⲁⲩⲣⲧϩⲉ ⲛⲛⲉⲧⲉⲙⲡⲟⲩϣⲱⲡⲉ ⲁⲩⲱ ⲛⲉⲩϣⲏⲣⲉ ⲙⲛⲛⲥⲱⲟⲩ
10 ⲁⲗⲗⲁ ⲛⲁⲓ ϩⲛⲣⲱⲙⲉ ⲛⲛⲁⲁ ⲛⲉ ⲛⲁⲓ ⲉⲧⲉⲙⲡⲟⲩⲣⲡⲱⲃϣ ⲛⲛⲉⲩⲇⲓⲕⲁⲓⲟⲥⲩⲛⲏ
11 ⲥⲛⲁϣⲱⲡⲉ ⲙⲛⲡⲉⲩ...... ⲛⲁⲛⲟⲩⲧⲉⲕⲗⲏⲣⲟⲛⲟⲙⲓⲁ [ ... ]
12 ⲁⲡⲉⲩⲥⲡⲉⲣⲙⲁ ⲁϩⲉⲣⲁⲧϥ ϩⲛⲛⲇⲓⲁⲑⲏⲕⲏ
13 ⲡⲉⲩⲥⲡⲉⲣⲙⲁ ϣⲟⲟⲡ ϣⲁⲛⲓⲉⲛⲉϩ ⲁⲩⲱ ⲡⲉⲩⲉⲟⲟⲩ ⲛⲁϥⲱⲧⲉ ⲉⲃⲟⲗ ⲁⲛ
14 ⲁⲩⲧⲱⲙⲥ ⲛⲛⲉⲩⲥⲱⲙⲁ ϩⲛⲟⲩⲉⲓⲣⲏⲛⲏ ⲁⲩⲱ ⲡⲉⲩⲣⲁⲛ ⲟⲛϩ ϣⲁϩⲛϫⲱⲙ ⲛϫⲱⲙ
15 (b) ⲁⲩⲱ ⲟⲩⲛⲟⲩⲥⲟⲟⲩϩⲥ ⲛⲁϫⲱ ⲙⲡⲉⲩⲧⲁⲉⲓⲟ
16 ⲁⲉⲛⲱⲭ ⲣⲁⲛⲁϥ ⲙⲡϫⲟⲉⲓⲥ ⲁϥⲡⲟⲟⲛⲉϥ ⲉⲃⲟⲗ ⲛⲥⲙⲟⲧ ⲛ⟨ⲣ⟩ϩⲏⲧ ⲛⲛⲅⲉⲛⲉⲁ
17 ⲁⲩϭⲛⲛⲱϩⲉ ⲛⲧⲉⲗⲓⲟⲥ ⲛⲇⲓⲕⲁⲓⲟⲥ ⲁϥϣⲱⲡⲉ ⲛϣⲃⲃⲓⲱ ϩⲙⲡⲉⲟⲩⲟⲉⲓϣ ⲛⲧⲟⲣⲅⲏ ⲉⲧⲃⲉⲡⲁⲓ ⲁⲡⲕⲁⲧⲁⲕⲗⲩⲥⲙⲟⲥ ϣⲱⲡⲉ ϩⲓⲧⲛⲡⲁⲓ ⲛⲧⲁⲩϣⲱϫⲡ ϣⲱⲡⲉ ϩⲙⲡⲕⲁϩ
18 ⲁⲩⲥⲙⲓⲛⲉ ⲛⲙⲙⲁϥ ⲛⲟⲩⲇⲓⲁⲑⲏⲕⲏ ⲛϣⲁⲉⲛⲉϩ ϫⲉⲕⲁⲁⲥ ⲛⲛⲉⲩϥⲉⲧⲥⲁⲣⲝ ⲛⲓⲙ ⲉⲃⲟⲗ ϩⲛⲟⲩⲕⲁⲧⲁⲕⲗⲩⲥⲙⲟⲥ
19 ⲁⲃⲣⲁϩⲁⲙ ⲡⲛⲟϭ ⲛⲉⲓⲱⲧ ⲛⲟⲩⲙⲏⲏϣⲉ ⲛϩⲉⲑⲛⲟⲥ ⲁⲩⲱ ⲙⲡⲟⲩϩⲉ ⲉⲡⲉⲧⲉⲓⲛⲉ ⲙⲙⲟϥ ϩⲙⲡⲉϥⲉⲟⲟⲩ
20 ⲡⲁⲓ ⲉⲛⲧⲁϥⲁⲣⲉϩ ⲉⲡⲛⲟⲙⲟⲥ ⲙⲡⲉⲧϫⲟⲥⲉ ...... ⲇⲓⲁⲑⲏⲕⲏ ⲛⲉⲙⲁϥ ...ⲇⲓⲁⲑⲏⲕⲏ ⲉⲣⲁⲧϥ ϩⲛⲧⲉϥⲥⲁⲣⲝ ⲁⲩⲱ ⲁⲩϩⲉ ⲉⲣⲟϥ ⲙⲡⲓⲥⲧⲟⲥ ϩⲙⲡⲡⲉⲓⲣⲁⲥⲙⲟⲥ
21 ⲉⲧⲃⲉⲡⲁⲓ ⲁϥⲧⲁϩⲟϥ ⲛⲁϥ ⲛⲟⲩⲁⲛⲁϣ ⲉⲧⲣⲉⲛϩⲉⲑⲛⲟⲥ ϫⲓⲥⲙⲟⲩ ϩⲛⲡⲉϥⲥⲡⲉⲣⲙⲁ ⲉⲧⲁϣⲟϥ ⲛⲧϩⲉ ⲙⲡϣⲟⲉⲓϣ ⲙⲡⲕⲁϩ ⲁⲩⲱ ⲉⲧⲁϩⲉⲡⲉϥⲥⲡⲉⲣⲙⲁ ⲉⲣⲁⲧϥ ⲛⲧϩⲉ ⲛⲛⲥⲓⲟⲩ ⲉⲧⲣⲉⲩⲕⲗⲏⲣⲟⲛⲟⲙⲉⲓ ϫⲓⲛⲑⲁⲗⲁⲥⲥⲁ ϣⲁⲧϩⲁⲗⲁⲥⲥⲁ ⲁⲩⲱ ϫⲓⲛⲡⲓⲉⲣⲟ ϣⲁⲁⲣⲏϫϥ ⲙⲡⲕⲁϩ
22 ⲁϥⲧⲁϩⲟϥ ⲉⲣⲁⲧϥ ϩⲓⲛⲁⲓ ϩⲛⲓⲥⲁⲁⲕ ⲉⲧⲃⲉⲁⲃⲣⲁϩⲁⲙ ⲡⲉϥⲉⲓⲱⲧ
23 ⲡⲉⲥⲙⲟⲩ ⲛⲣⲱⲙⲉ ⲛⲓⲙ ⲙⲛⲧⲇⲓⲁⲑⲏⲕⲏ ⲁⲩⲟⲩⲱⲙ ⲉϫⲛⲧⲁⲡⲉ ⲛⲓⲁⲕⲱⲃ ⲁϥⲥⲟⲩⲱⲛϥ ϩⲛⲛⲉϥⲥⲙⲟⲩ ⲁⲩⲱ ⲁϥϯ ⲛⲁϥ ⲛⲟⲩⲕⲗⲏⲣⲟⲛⲟⲙⲓⲁ ⲁⲩⲱ ⲁϥⲧⲱϣ ⲛⲛⲉϥⲙⲉⲣⲓⲥ ⲁϥⲡⲟϣⲟⲩ ⲉⲙⲛⲧⲥⲛⲟⲟⲩⲥ ⲙⲫⲩⲗⲏ
Sirach 43 · Sirach 45 · Greek (Septuagint / SBLGNT) · Aramaic (Peshitta) · Latin (Vulgate)