Psalms 82 — Aramaic (Peshitta)

1 ܐܠܗܐ ܩܡ ܒܟܢܫܐ ܕܡܠܐ̈ܟܐ ܘܒܓܘ ܡܠܐ̈ܟܐ ܢܕܘܢ

2 ܥܕܡܐ ܠܐܡܬܝ ܕܝܢܝܢ ܐܢܬܘܢ ܥܘܠܐ ܘܒܐ̈ܦܐ ܕܪ̈ܫܝܥܐ ܢܣܒܝܢ ܐܢܬܘܢ

3 ܕܘܢܘ ܠܝܬ̈ܡܐ ܘܠܒܝܫ̈ܐ ܘܠܡܣ̈ܟܢܐ ܘܠܡ̈ܟܝܟܐ ܙܟܘ

4 ܦܨܘ ܠܡܣ̈ܟܢܐ ܘܠܒܝ̈ܫܐ ܡܢ ܐܝܕܐ ܕܪ̈ܫܝܥܐ

5 ܕܠܐ ܝܕܥܘ ܘܠܐ ܐܣܬܟܠܘ ܕܒܚܫܘܟܐ ܡܗܠܟܝܢ ܗܘܘ ܘܙܥ̈ܝ ܟܠܗܝܢ ܫܬܐ̈ܣܝܗ̇ ܕܐܪܥܐ

6 ܐܢܐ ܐܡܪܬ ܕܐ̈ܠܗܝܢ ܐܢܬܘܢ ܘܒܢ̈ܘܗܝ ܕܡܪܝܡܐ ܟܠܟܘܢ

7 ܡܟܝܠ ܐܝܟ ܒܢܝܢܫ̈ܐ ܬܡܘܬܘܢ ܘܐܝܟ ܚܕ ܡܢ ܪ̈ܘܪܒܢܐ ܬܦܠܘܢ

8 ܩܘܡ ܐܠܗܐ ܘܕܘܢܝܗ̇ ܠܐܪܥܐ ܡܛܠ ܕܐܢܬ ܬܐܪܬ ܠܟܠܗܘܢ ܥܡ̈ܡܐ