Psalms 8 — Aramaic (Peshitta)

2 ܡܪܝܐ ܡܪܢ ܡܐ ܡܫܒܚ ܫܡܟ ܒܟܠܗ̇ ܐܪܥܐ ܕܝܗܒܬ ܫܘܒܚܟ ܥܠ ܫܡܝܐ

3 ܡܢ ܦܘܡܐ ܕܥ̈ܠܝܡܐ ܘܕܛ̈ܠܝܐ ܬܩܢܬ ܬܫܒܘܚܬܟ ܡܛܠ ܒ̈ܥܠܕܒܒܝܟ ܢܬܒܛܠ ܒܥܠܕܒܒܐ ܕܡܬܢܩܡ

4 ܡܛܠ ܕܚܙܘ ܫܡ̈ܝܟ ܥܒܕܐ ܕܨܒ̈ܥܬܟ ܣܗܪܐ ܘܟܘܟ̈ܒܐ ܬܩܢܬ

5 ܡܢܘ ܓܒܪܐ ܕܐܬܕܟܪܬܝܗܝ ܘܒܪܢܫܐ ܕܦܩܕܬܝܗܝ

6 ܒܨܪܬܝܗܝ ܩܠܝܠ ܡܢ ܡܠܐ̈ܟܐ ܒܐܝܩܪܐ ܘܒܫܘܒܚܐ ܐܥܛܦܬܝܗܝ

7 ܘܐܫܠܛܬܝܗܝ ܒܥܒܕܐ ܕܐ̈ܝܕܝܟ ܟܠ ܣܡܬ ܬܚܝܬ ܪ̈ܓܠܘܗܝ

8 ܥܢܐ ܘܒܩܪ̈ܐ ܟܠܗܝܢ ܐܦ ܚܝܘܬܐ ܕܕܒܪܐ

9 ܘܨܦܪ̈ܐ ܕܒܫܡܝܐ ܘܢܘ̈ܢܐ ܕܝܡܐ ܕܥܒܪܝܢ ܒܫܒ̈ܝܠܐ ܕܝܡ̈ܡܐ

10 ܡܪܝܐ ܡܪܢ ܡܐ ܡܫܒܚ ܫܡܟ ܒܟܠܗ̇ ܐܪܥܐ