Psalms 76 — Aramaic (Peshitta)

2 ܝܕܝܥ ܒܝܗܘܕܐ ܐܠܗܐ ܘܒܐܝܣܪܝܠ ܪܒ ܫܡܗ

3 ܢܗܘܐ ܒܫܠܝܡ ܡܛܠܠܗ ܘܡܥܡܪܗ ܒܨܗܝܘܢ

4 ܬܡܢ ܬܒܪ ܕܪ̈ܥܐ ܕܩܫ̈ܬܬܐ ܙܝܢܐ ܘܣܝܦܐ ܒܩܪܒܐ

5 ܢܗܝܪ ܐܢܬ ܘܡܫܝܚ ܡܢ ܛܘܪܟ ܥܫܝܢܐ

6 ܐܬܕܠܚܘ ܟܠܗܘܢ ܣܟ̈ܠܝ ܠܒܐ ܘܕܡܟܘ ܫܢܬܗܘܢ ܓܒܪ̈ܐ ܚܝ̈ܠܬܢܐ ܘܠܐ ܐܫܟܚܘ ܐ̈ܝܕܝܗܘܢ

7 ܡܢ ܟܐܬܟ ܐܠܗܗ ܕܝܥܩܘܒ ܢܡܘ ܪ̈ܟܒܝ ܪ̈ܟܫܐ

8 ܘܐܢܬ ܕܚܝܠ ܐܢܬ ܡܢܘ ܢܩܘܡ ܩܕܡܝܟ ܒܗܢܐ ܪܘܓܙܐ

9 ܡܢ ܫܡܝܐ ܫܡܥܬ ܕܝܢܐ ܐܪܥܐ ܚܙܬ ܘܕܚܠܬ

10 ܡܐ ܕܩܐܡ ܐܠܗܐ ܠܡܕܢ ܘܠܡܦܪܩ ܠܟܠܗܘܢ ܡܣܟ̈ܢܐ ܕܐܪܥܐ

11 ܡܛܠ ܕܬܪܥܝܬܗ ܕܒܪܢܫܐ ܬܘܕܐ ܠܟ ܘܫܪܟܐ ܕܚܡܬܗ ܬܦܪܩ ܪܘܓܙܐ

12 ܢܕܘܪܘ ܘܫܠܡܘ ܠܡܪܝܐ ܐܠܗܟܘܢ ܟܘܠ ܕܚܕܝܪ̈ܝܢ ܠܗ ܢܘܒܠܘܢ ܩܘܪ̈ܒܢܐ ܠܕܚܝܠܐ

13 ܕܡܡܟܟ ܪܘܚܐ ܕܫ̈ܠܝܛܢܐ ܘܕܚܝܠ ܥܠ ܡ̈ܠܟܐ ܕܐܪܥܐ