Read Psalms 151 side by side with translations · The Final Bible
1 ⲛⲉⲯⲁⲗⲙⲟⲥ ⲛⲇⲁⲩⲉⲓⲇ ⲡⲉⲓⲯⲁⲗⲙⲟⲥ ⲛⲧⲁⲇⲁⲩⲉⲓⲇ ⲥⲁϩϥ ⲉⲧⲟⲟⲧϥ ⲉϥⲙⲡⲃⲟⲗ ⲛⲧⲏⲡⲉ ⲛⲧⲉⲣⲉϥⲙⲓϣⲉ ⲙⲛⲅⲟⲗⲓⲁⲑ ⲛⲉⲁⲛⲅ ⲟⲩⲕⲟⲩⲓ ϩⲛⲛⲁⲥⲛⲏⲩ ⲉⲓⲥⲟⲃⲕ ϩⲙⲡⲏⲓ ⲙⲡⲁⲉⲓⲱⲧ ⲉⲓⲙⲟⲟⲛⲉ ⲛⲛⲉⲥⲟⲟⲩ ⲙⲡⲁⲉⲓⲱⲧ
2 ⲛⲁϭⲓϫ ⲁⲩⲧⲁⲙⲓⲟ ⲛⲟⲩⲟⲣⲅⲁⲛⲟⲛ ⲛⲁⲧⲏⲏⲃⲉ ⲁⲩⲧⲱϣ ⲛⲟⲩⲯⲁⲗⲧⲏⲣⲓⲟⲛ
3 ⲛⲓⲙ ⲡⲉⲧⲛⲁϫⲓⲡⲟⲩⲱ ⲙⲡϫⲟⲉⲓⲥ ⲛⲧⲟϥ ⲡⲉ ⲡϫⲟⲉⲓⲥ ⲛⲧⲟϥ ⲉⲧⲥⲱⲧⲙ
4 ⲛⲧⲟϥ ⲡⲉⲛⲧⲁϥⲧⲛⲛⲟⲟⲩ ⲙⲡⲉϥⲁⲅⲅⲉⲗⲟⲥ ⲁϥϥⲓⲧⲧ ϩⲛⲛⲉⲥⲟⲟⲩ ⲙⲡⲁⲉⲓⲱⲧ ⲁϥⲧⲁϩⲥⲧ ⲙⲡⲛⲉϩ ⲙⲡⲉϥⲧⲱϩⲥ
5 ⲛⲁⲥⲛⲏⲩ ⲛⲉϩⲉⲛⲛⲟϭ ⲛⲉ ⲉⲛⲉⲥⲱⲟⲩ ⲁⲩⲱ ⲙⲡⲉⲡϫⲟⲉⲓⲥ ⲟⲩⲁϣⲟⲩ
6 ⲁⲓⲉⲓ ⲉⲃⲟⲗ ⲉⲧⲱⲙⲛⲧ ⲉⲡⲁⲗⲗⲟⲫⲩⲗⲟⲥ ⲁⲩⲱ ⲁϥⲥⲁϩⲟⲩ ⲙⲙⲟⲓ ϩⲛⲛⲉϥⲉⲓⲇⲱⲗⲟⲛ
7 ⲁⲛⲟⲕ ⲇⲉ ⲁⲓⲧⲉⲕⲙⲧⲉϥⲥⲏϥⲉ ⲛⲧⲟⲟⲧϥ ⲁⲓϥⲓ ⲛⲧⲉϥⲁⲡⲉ ⲁⲩⲱ ⲁⲓϥⲓ ⲛⲟⲩⲛⲟϭⲛⲉϭ ⲉⲃⲟⲗ ϩⲛⲛϣⲏⲣⲉ ⲙⲡⲓⲥⲣⲁⲏⲗ ⲡϫⲱⲱⲙⲉ ⲛⲛⲉⲯⲁⲗⲙⲟⲥ