Read Psalms 143 side by side with translations · The Final Bible
1 ⲡⲁⲇⲁⲩⲉⲓⲇ ⲛⲁϩⲣⲛ ⲅⲟⲗⲓⲁⲑ ϥⲥⲙⲁⲙⲁⲁⲧ ⲛϭⲓⲡϫⲟⲉⲓⲥ ⲡⲁⲛⲟⲩⲧⲉ ⲡⲉⲧⲧⲥⲁⲃⲟ ⲛⲛⲁϭⲓϫ ⲉⲡⲉⲙⲗⲁϩ ⲛⲁⲧⲏⲏⲃⲉ ⲉⲩⲡⲟⲗⲉⲙⲟⲥ
2 ⲡⲁⲛⲁ ⲙⲛⲡⲁⲙⲁ ⲛⲡⲱⲧ ⲡⲁⲣⲉϥϣⲟⲡⲧ ⲉⲣⲟϥ ⲁⲩⲱ ⲡⲁⲛⲟⲩϩⲙ ⲧⲁⲛⲁϣⲧⲉ ⲡⲉ ⲛⲧⲁⲓⲕⲁϩⲧⲏⲓ ⲉⲣⲟϥ ⲡⲉⲧϩⲩⲡⲟⲧⲁⲥⲥⲉ ⲙⲡⲗⲁⲟⲥ ϩⲁⲣⲁⲧⲧ
3 ⲡϫⲟⲉⲓⲥ ⲟⲩ ⲡⲉ ⲡⲣⲱⲙⲉ ϫⲉⲁⲕⲟⲩⲟⲛϩⲕ ⲛⲁϥ ⲉⲃⲟⲗ ⲏ ⲡϣⲏⲣⲉ ⲙⲡⲣⲱⲙⲉ ϫⲉⲕⲱⲡ ⲙⲙⲟϥ
4 ⲉⲣⲉⲡⲣⲱⲙⲉ ⲟ ⲛⲧϩⲉ ⲛϩⲉⲛⲡⲉⲧϣⲟⲩⲉⲓⲧ ⲉⲣⲉⲛⲉϥϩⲟⲟⲩⲟⲩ ⲉⲓⲛⲉ ⲛⲧϩⲉ ⲛϩⲉⲛϩⲁⲓⲃⲉⲥ
5 ⲡϫⲟⲉⲓⲥ ⲣⲉⲕⲧ ⲉⲧⲡⲉ ⲛⲅⲉⲓ ⲉⲡⲉⲥⲏⲧ ϫⲱϩ ⲉⲛⲧⲟⲟⲩ ⲛⲥⲉϯⲕⲁⲡⲛⲟⲥ
6 ϩⲱⲟⲩ ⲛϩⲉⲛⲃⲃⲣⲏϭⲉ ⲛⲅϫⲟⲟⲣⲟⲩ ⲉⲃⲟⲗ ⲧⲃⲕⲉⲛⲉⲕⲥⲟⲧⲉ ⲛⲅϣⲧⲣⲧⲱⲣⲟⲩ
7 ⲙⲁⲧⲛⲛⲟⲟⲩ ⲛⲧⲉⲕϭⲓϫ ⲉⲃⲟⲗ ϩⲙⲡϫⲓⲥⲉ ⲙⲁⲧⲟⲩϫⲟⲓ ⲛⲅⲛⲁϩⲙⲉⲧ ⲉϩⲉⲛⲙⲟⲟⲩ ⲉⲛⲁϣⲱⲟⲩ ⲁⲩⲱ ⲉⲧϭⲓϫ ⲛⲛϣⲏⲣⲉ ⲛⲛϣⲙⲙⲟ
8 ⲧⲉⲩⲧⲁⲡⲣⲟ ⲁⲥϫⲱ ⲛϩⲉⲛⲡⲉⲧϣⲟⲩⲉⲓⲧ ⲁⲩⲱ ⲧⲉⲩⲟⲩⲛⲁⲙ ⲟⲩⲟⲩⲛⲁⲙ ⲛϫⲓⲛϭⲟⲛⲥ ⲧⲉ
9 ⲡⲛⲟⲩⲧⲉ ϯⲛⲁϫⲱ ⲉⲣⲟⲕ ⲛⲟⲩϫⲱ ⲛⲃⲣⲣⲉ ϯⲛⲁⲯⲁⲗⲗⲉⲓ ⲉⲣⲟⲕ ϩⲛⲟⲩⲯⲁⲗⲧⲏⲣⲓⲟⲛ ⲙⲙⲏⲧ ⲛⲕⲁⲡ
10 ⲡⲉⲧϯ ⲛⲟⲩⲟⲩϫⲁⲓ ⲛⲛⲉⲣⲣⲱⲟⲩ ⲡⲉⲧⲥⲱⲧⲉ ⲛⲇⲁⲩⲉⲓⲇ ⲡⲉϥϩⲙϩⲁⲗ ⲉⲃⲟⲗ ϩⲛⲟⲩⲥⲏϥⲉ ⲉⲥϩⲟⲟⲩ
11 ⲛⲁϩⲙⲉⲧ ⲛⲅⲧⲟⲩϫⲟⲓ ⲉⲃⲟⲗ ϩⲛⲟⲩϣⲏⲣⲉ ⲛϣⲙⲙⲟ ⲁⲧⲉⲩⲧⲁⲡⲣⲟ ϫⲉⲡⲉⲧϣⲟⲩⲉⲓⲧ ⲧⲉⲩⲟⲩⲛⲁⲙ ⲟⲩⲟⲩⲙⲁⲙ ⲛϫⲓⲛϭⲟⲛⲥ ⲧⲉ
12 ⲛⲁⲓ ⲉⲣⲉⲛⲉⲩϣⲏⲣⲉ ⲟ ⲛⲧϩⲉ ⲛⲛⲓⲧⲱϭⲉ ⲛⲃⲣⲣⲉ ⲉⲛⲧⲁⲩⲧⲱⲕ ϩⲛⲧⲉⲩⲙⲛⲧⲕⲟⲩⲓ ⲉⲣⲉⲛⲉⲩϣⲉⲉⲣⲉ ⲧⲥⲁⲛⲏⲩ ⲉⲩⲧⲁⲙⲓⲏⲩ ⲛⲧϩⲉ ⲛⲛⲓⲣⲡⲉ
13 ⲉⲣⲉⲛⲉⲩⲧⲁⲙⲉⲓⲟⲛ ⲙⲉϩ ⲉⲩⲡⲏⲛ ⲉⲃⲟⲗ ϩⲙⲡⲁⲓ ⲉⲡⲁⲓ ⲛⲉⲩⲉⲥⲟⲟⲩ ⲉⲩϫⲡⲉϩⲁϩ ⲉⲩⲟϣ ϩⲛⲛⲉⲩⲙⲁ ⲛⲉⲓⲉⲃⲟⲗ
14 ⲉⲣⲉⲛⲉⲩⲉϩⲟⲟⲩ ⲧⲏⲕ ⲙⲛⲧⲟⲩϩⲉ ⲛϫⲟ ⲟⲩⲇⲉ ϩⲓⲏ ⲛⲃⲱⲕ ⲉϩⲟⲩⲛ ⲉⲃⲟⲗ ⲟⲩⲇⲉ ⲙⲛⲁϣϣⲕⲁⲕ ϩⲛⲛⲉⲩⲡⲗⲁϯⲁ
15 ⲁⲩⲙⲁⲕⲁⲣⲓⲍⲉ ⲙⲡⲗⲁⲟⲥ ⲉⲧⲉⲟⲩⲛⲧϥ ⲛⲁⲓ ⲛⲁⲓⲁⲧϥ ⲙⲡⲗⲁⲟⲥ ⲉⲧⲉⲡϫⲟⲉⲓⲥ ⲡⲉ ⲡⲉϥⲛⲟⲩⲧⲉ
Psalms 142 · Psalms 144 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)