Read Psalms 14 side by side with translations · The Final Bible
1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡϫⲟⲉⲓⲥ ⲛⲓⲙ ⲡⲉⲧⲛⲁⲟⲩⲱϩ ϩⲙⲡⲉⲕⲙⲁ ⲛϣⲱⲡⲉ ⲏ ⲛⲓⲙ ⲡⲉⲧⲛⲁⲙⲧⲟⲛ ⲙⲙⲟϥ ϩⲙⲡⲉⲕⲧⲟⲟⲩ ⲉⲧⲟⲩⲁⲁⲃ
2 ⲡⲉⲧⲙⲟⲟϣⲉ ⲡⲉ ⲉⲧⲟⲩⲁⲁⲃ ⲉⲧⲣϩⲱⲃ ⲉⲧⲇⲓⲕⲁⲓⲟⲥⲩⲛⲏ ⲉϥϣⲁϫⲉ ⲛⲧⲙⲉ ϩⲙⲡⲉϥϩⲏⲧ
3 ⲡⲁⲓ ⲉⲧⲉⲙⲡϥⲣⲕⲣⲟϥ ϩⲙⲡⲉϥⲗⲁⲥ ⲟⲩⲇⲉ ⲙⲡϥⲣⲡⲉⲧϩⲟⲟⲩ ⲙⲡⲉⲧϩⲓⲧⲟⲩⲱϥ ⲟⲩⲇⲉ ⲙⲡϥⲛⲟϭⲛⲉϭ ⲛⲛⲉⲧϩⲏⲛ ⲉⲣⲟϥ
4 ⲟⲩⲟⲛ ⲛⲓⲙ ⲉⲧⲟ ⲙⲡⲟⲛⲏⲣⲟⲥ ⲥⲟϣϥ ⲙⲡⲉϥⲙⲧⲟ ⲉⲃⲟⲗ ⲉϥϯⲉⲟⲟⲩ ⲇⲉ ⲛⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲉϥⲱⲣⲕ ⲙⲡⲉⲧϩⲓⲧⲟⲩⲱϥ ⲉⲛϥϥⲱϭⲉ ⲙⲙⲟϥ ⲁⲛ
5 ⲙⲡϥϯ ⲙⲡⲉϥϩⲁⲧ ⲉⲙⲏⲥⲉ ⲙⲡϥϫⲓⲇⲱⲣⲟⲛ ⲉϫⲛⲛⲉⲧⲟⲩⲁⲁⲃ ⲡⲉⲧⲉⲓⲣⲉ ⲛⲛⲁⲓ ⲛϥⲛⲁⲕⲓⲙ ⲁⲛ ϣⲁⲉⲛⲉϩ
Psalms 13 · Psalms 15 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)