Psalms 14 — Aramaic (Peshitta)

1 ܐܡܪ ܥܘܠܐ ܒܠܒܗ ܕܠܝܬ ܐܠܗܐ ܐܬܚܒܠܘ ܘܐܬܛܢܦܘ ܒܨܢ̈ܥܬܗܘܢ ܘܠܝܬ ܕܥܒܕ ܛܒܬܐ

2 ܡܪܝܐ ܐܕܝܩ ܡܢ ܫܡܝܐ ܥܠ ܒܢܝܢܫ̈ܐ ܕܢܚܙܐ ܐܢ ܐܝܬ ܕܣܟܘܠܬܢ ܘܒܥܐ ܠܐܠܗܐ

3 ܟܠܗܘܢ ܣܛܘ ܐܝܟ ܚܕܐ ܘܐܣܬܠܝܘ ܘܠܝܬ ܕܥܒܕ ܛܒܬܐ ܐܦ ܠܐ ܚܕ

4 ܘܠܐ ܝܕܥܘ ܟܠ ܥܒ̈ܕܝ ܥܘܠܐ ܐ̈ܟܠܝ ܠܥܡܝ ܡܐܟܠ ܠܚܡܐ ܘܠܡܪܝܐ ܠܐ ܩܪܘ

5 ܬܡܢ ܕܚܠܘ ܕܚܠܬܐ ܡܛܠ ܕܐܠܗܐ ܒܕܪܐ ܗܘ ܕܙܕܝܩ̈ܐ

6 ܬܪܥܝܬܗ ܕܡܣܟܢܐ ܐܒܗܬܘ ܡܛܠ ܕܡܪܝܐ ܗܘ ܬܘܟܠܢܗ

7 ܡܢ ܢܬܠ ܡܢ ܨܗܝܘܢ ܦܘܪܩܢܐ ܠܐܝܣܪܝܠ ܡܐ ܕܡܗܦܟ ܡܪܝܐ ܫܒܝܬܐ ܕܥܡܗ ܢܕܘܨ ܝܥܩܘܒ ܘܢܚܕܐ ܐܝܣܪܝܠ