Read Psalms 137 side by side with translations · The Final Bible
1 ⲡⲁⲍⲁⲭⲁⲣⲓⲁⲥ ⲉⲇⲁⲩⲉⲓⲇ ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ⲡϫⲟⲉⲓⲥ ϩⲙⲡⲁϩⲏⲧ ⲧⲏⲣϥ ϫⲉⲁⲕⲥⲱⲧⲙ ⲉⲛϣⲁϫⲉ ⲛⲧⲁⲧⲁⲡⲣⲟ ⲁⲩⲱ ϯⲛⲁⲯⲁⲗⲗⲉⲓ ⲉⲣⲟⲕ ⲙⲡⲉⲙⲧⲟ ⲉⲃⲟⲗ ⲛⲛⲁⲅⲅⲉⲗⲟⲥ
2 ϯⲛⲁⲟⲩⲱϣⲧ ⲛⲛⲁϩⲣⲙⲡⲉⲕⲣⲡⲉ ⲉⲧⲟⲩⲁⲁⲃ ϯⲛⲁⲟⲩⲱⲛϩ ⲉⲃⲟⲗ ⲙⲡⲉⲕⲣⲁⲛ ⲉϩⲣⲁⲓ ⲉϫⲙⲡⲉⲕⲛⲁ ⲙⲛⲧⲉⲕⲙⲉ ϫⲉⲁⲕϫⲁⲥⲧⲡⲉⲕⲣⲁⲛ ⲉⲧⲟⲩⲁⲁⲃ ⲉϫⲛⲟⲩⲟⲛ ⲛⲓⲙ
3 ⲙⲡⲉϩⲟⲟⲩ ⲉϯⲛⲁⲱϣ ⲉϩⲣⲁⲓ ⲉⲣⲟⲕ ϭⲉⲡⲏ ⲛⲅⲥⲱⲧⲙ ⲉⲣⲟⲓ ⲕⲛⲁⲧⲁϣⲟⲓ ϩⲛⲧⲁⲯⲩⲭⲏ ϩⲛⲟⲩϭⲟⲙ ⲉⲛⲁϣⲱⲥ
4 ⲙⲁⲣⲉⲛⲉⲣⲣⲱⲟⲩ ⲧⲏⲣⲟⲩ ⲙⲡⲕⲁϩ ⲟⲩⲱⲛϩ ⲛⲁⲕ ⲉⲃⲟⲗ ⲡϫⲟⲉⲓⲥ ϫⲉⲁⲩⲥⲱⲧⲙ ⲉⲛϣⲁϫⲉ ⲛⲧⲁⲧⲁⲡⲣⲟ
5 ⲁⲩⲱ ⲙⲁⲣⲟⲩϫⲱ ⲛⲛⲱⲇⲏ ⲙⲡϫⲟⲉⲓⲥ ϫⲉⲟⲩⲛⲟϭ ⲡⲉ ⲡⲉⲟⲟⲩ ⲙⲡϫⲟⲉⲓⲥ
6 ϫⲉⲡϫⲟⲉⲓⲥ ϫⲟⲥⲉ ⲁⲩⲱ ϥϭⲱϣⲧ ⲉϫⲛⲛⲉⲧⲑⲃⲃⲓⲏⲩ ⲁⲩⲱ ϥⲛⲁⲩ ⲉⲛⲉⲧϫⲟⲥⲉ ⲙⲡⲟⲩⲉ
7 ⲉⲓϣⲁⲛⲃⲱⲕ ⲉⲧⲙⲏⲧⲉ ⲛⲧⲉⲑⲗⲓⲯⲓⲥ ⲕⲛⲁⲧⲁⲛϩⲟⲓ ⲁⲕⲥⲟⲟⲩⲧⲛ ⲛⲧⲉⲕϭⲓϫ ⲉⲧⲟⲣⲅⲏ ⲛⲛⲉⲕϫⲁϫⲉ ⲁⲩⲱ ⲁⲧⲉⲕⲟⲩⲛⲁⲙ ⲧⲁⲛϩⲟⲓ
8 ⲡϫⲟⲉⲓⲥ ⲛⲁϯ ϩⲁⲣⲟⲓ ⲡϫⲟⲉⲓⲥ ⲡⲉⲕⲛⲁ ϣⲟⲟⲡ ϣⲁⲉⲛⲉϩ ⲙⲡⲣⲕⲱ ⲛⲥⲱⲕ ⲛⲛⲉϩⲃⲏⲩⲉ ⲛⲛⲉⲕϭⲓϫ
Psalms 136 · Psalms 138 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)