Psalms 121 — Coptic (Sahidic)

1 ⲧⲱⲇⲏ ⲛⲛⲧⲱⲣⲧⲣ ⲁⲓⲉⲩⲫⲣⲁⲛⲉ ⲉϫⲛⲛⲉⲛⲧⲁⲩϫⲟⲟⲥ ⲛⲁⲓ ϫⲉⲧⲛⲛⲁⲃⲱⲕ ⲉⲡⲏⲓ ⲙⲡϫⲟⲉⲓⲥ

2 ⲛⲉⲣⲉⲛⲉⲛⲟⲩⲉⲣⲏⲧⲉ ⲁϩⲉⲣⲁⲧⲟⲩ ϩⲛⲛⲟⲩⲁⲩⲗⲏ ⲧϩⲓⲉⲣⲟⲩⲥⲁⲗⲏⲙ

3 ⲧϩⲓⲉⲣⲟⲩⲥⲁⲗⲏⲙ ⲉⲩⲕⲱⲧ ⲙⲙⲟⲥ ⲛⲧϩⲉ ⲛⲟⲩⲡⲟⲗⲓⲥ ⲉⲣⲉⲧⲉⲥⲙⲉⲧⲟⲭⲏ ϩⲓⲛⲉⲥⲉⲣⲏⲩ

4 ⲛⲧⲁⲛⲉⲫⲩⲗⲏ ⲅⲁⲣ ⲃⲱⲕ ⲉϩⲣⲁⲓ ⲙⲙⲁⲩ ⲛⲉⲫⲩⲗⲏ ⲙⲡϫⲟⲉⲓⲥ ⲡⲙⲛⲧⲣⲉ ⲙⲡⲓⲥⲣⲁⲏⲗ ⲉⲟⲩⲱⲛϩ ⲉⲃⲟⲗ ⲙⲡⲉⲕⲣⲁⲛ ⲡϫⲟⲉⲓⲥ

5 ϫⲉⲛⲧⲁⲩϩⲙⲟⲟⲥ ⲙⲙⲁⲩ ⲛϭⲓϩⲉⲛⲑⲣⲟⲛⲟⲥ ⲉⲩϩⲁⲡ ϩⲉⲛⲑⲣⲟⲛⲟⲥ ⲉⲡⲏⲓ ⲛⲇⲁⲩⲉⲓⲇ

6 ϣⲓⲛⲉ ⲛⲥⲁⲛⲉⲧϣⲟⲟⲡ ⲉⲩⲉⲓⲣⲏⲛⲏ ⲛⲧϩⲓⲉⲣⲟⲩⲥⲁⲗⲏⲙ ⲁⲩⲱ ⲟⲩⲟⲩⲣⲟⲧ ⲛⲛⲉⲧⲙⲉ ⲙⲙⲟⲕ

7 ⲙⲁⲣⲉⲟⲩⲉⲓⲣⲏⲛⲏ ϣⲱⲡⲉ ϩⲛⲧⲉⲕϭⲟⲙ ⲁⲩⲱ ⲟⲩⲟⲩⲣⲟⲧ ϩⲛⲛⲉⲕⲟⲩⲟⲙⲧⲉ

8 ⲉⲧⲃⲉⲛⲁⲥⲛⲏⲩ ⲙⲛⲛⲉⲧϩⲓⲧⲟⲩⲱⲓ ⲛⲉⲓϫⲱ ⲇⲉ ⲛⲟⲩⲉⲓⲣⲏⲛⲏ ⲉⲧⲃⲏⲏⲧⲕ

9 ⲉⲧⲃⲉⲡⲏⲓ ⲙⲡϫⲟⲉⲓⲥ ⲡⲉⲛⲛⲟⲩⲧⲉ ⲁⲓϣⲓⲛⲉ ⲛⲥⲁϩⲉⲛⲁⲅⲁⲑⲟⲛ