1 ܟܕ ܐܗܡܝܬ̇ ܢܦܫܝ ܩ̣̇ܠܝ̣ܠ ܡ̣ܢ ܡܪܝܐ ܥܕ ܩܠܝ̣ܠ ܗ̇ܘܐ ܗ̇ܘܝܬ ܒܫܪ̈ܥܬܐ ܕܫ̣ܢܬܐ ܕܚܒ̇ܠܐ
2 ܘܟܕ ܐܪܚܩ̇ܬ ܡ̣ܢ ܡܪܝܐ ܥܕ ܩ̣̇ܠܝ̣ܠ ܡܬ̣ܐܫܕ̇ܐ ܗ̣ܘܬ̇ ܢܦܫܝ ܠܡܘܬܐ ܥܠ ܓܢܒ ܬܪ̈ܥܐ ܕܫܝܘ̇ܠ ܥܡ ܚ̈ܛܝܐ
3 ܘܟܕ ܐܬܪܟܢܬ̇ ܢܦܫܝ ܡ̣ܢ ܐܠܗܗ ܕܝ̣ܣܪܐܝܠ ܐܠܘܠܐ ܡܪܝܐ ܥܕܪܢܝ ܒܪ̈ܚܡ̣ܘܗܝ ܕܠܥ̇ܠܡ
4 ܕܩ̣ܪܢܝ ܐܝܟ ܙܩܘܬܐ ܕܣܘ̣ܣܝܐ ܠܥܝ̣ܪܘܬܗ ܦ̇ܪܘܩܝ ܘܡܥܕܪܢܝ ܒܟ̇ܠܙܒܢ ܗ̣ܘ ܐܚܢ̣ܝ
5 ܐ̇ܘܕܐ ܠܟ ܐܠܗܐ ܡܛܠ ܕܥܕܪܬܢܝ ܒܦܘܪܩܢܟ ܘܠܐ ܚܫܒ̣ܬܢܝ ܥܡ ܚܛ̈ܝܐ ܠܐܒܕܢܐ
6 ܠܐ ܬܪܚܩ ܪ̈ܚ̣ܡܝܟ ܡܢܝ ܐܠܗܐ ܘܠܐ ܢܥ̣ܢܕ ܕܘܟܪܢܟ ܡ̣ܢ ܠܒ̣ܝ ܥܕܡܐ ܠܡ̣ܘܬܐ
7 ܦܪܘܩܝܢܝ ܡܪܝܐ ܡ̣ܢ ܚܛܝ̣ܬܐ ܒܝ̣ܫܬܐ ܘܡ̣ܢ ܟ̇ܠ ܐܢܬܬܐ ܒܝ̣ܫܬܐ ܕܡܟܫܠܐ ܠܫܒ̇ܪܐ
8 ܘܠܐ ܢ̣̇ܫܪܥܢܝ ܫܘ̣ܦܪܗ̇ ܕܐܢܬܬܐ ܥܘܠܬܐ ܐܦܠܐ ܟ̇ܠ ܚܛܗܐ ܕܐܝ̣ܬ
9 ܘܐܬ̣ܩܢ ܥܒ̇ܕ ܐܝ̣̈ܕܝ ܩܕܡ̇ܝܟ ܘܗ̈ܠܟܬܝ ܢܛܪ ܒܕܘܟܪܢܟ
10 ܠܫ̣ܢܝ ܘܣ̣̈ܦܘܬܝ ܒܡ̣̈ܠܐ ܕܫܪܪܐ ܐܬ̣ܩܢ ܪܘܓܙܐ ܘܚ̣ܡܬܐ ܕܠܐ ܡܠ̣ܬܐ ܐܪܚ̣ܩ ܡ̣ܢܝ
11 ܪܛܢܐ ܘܙܥܘܪܘܬ ܢܦܫܐ ܒܐܘܠܨܢܐ ܐܪܚ̣ܩ ܡ̣ܢܝ ܐܢ ܓܝܪ ܐ̇ܚܛܐ ܟܕ ܪܕܝ̇ܬ ܠܬܝܒܘܬܐ
12 ܒܨ̣ܒܝܢܐ ܕܝܢ ܕܚܕܘܬܐ ܫܪܪ ܢ̣ܦܫܝ ܘܟܕ ܕܝܢ ܬܚܝܠ ܠܢܦܫܝ ܢܣ̣ܦܩ ܠܝ̣ ܡܕܡ ܕܐܬܝ̣ܗܒ
13 ܡܛܠ ܕܐܢ ܓܝܪ ܠܐ ܬܚܝܠܢܝ ܡܢܘ̣ ܢܣܝܒܪ ܡ̣̇ܪܕܘܬܐ ܒܡܣܟܢܘܬܐ
14 ܟܕ ܬܬܟܘܢ ܢܦܫܐ ܒܒ̣ܣܪܗ ܘܒܐܘܠܨܢܐ ܕܡܣܟܢܘܬܗ
15 ܘܟܕ ܢܣܝܒܪ ܙܕܝܩܐ ܒܗܠܝܢ ܢܗ̣ܘܘܢ ܥܠܘܗܝ ܪ̈ܚ̣ܡܐ ܡ̣ܢ ܡܪܝܐ
Psalms of Solomon 15 · Psalms of Solomon 17 · Greek (Septuagint / SBLGNT)