Read Proverbs 21 side by side with translations · The Final Bible
1 ⲛⲧϩⲉ ⲙⲡⲟⲩⲟⲓ ⲛⲟⲩⲙⲟⲟⲩ ⲧⲁⲓ ⲧⲉ ⲧϩⲉ ⲉⲧⲉⲣⲉⲡϩⲏⲧ ⲙⲡⲣⲣⲟ ϩⲛⲧϭⲓϫ ⲙⲛⲟⲩⲧⲉ ⲁⲩⲱ ⲡⲙⲁ ⲉⲧϥⲟⲩⲉϣⲧⲣⲉϥϭⲱϣⲧ ⲉⲣⲟϥ ϣⲁϥⲣⲁⲕⲧϥ ⲉⲣⲟϥ
2 ⲉⲣⲉⲣⲱⲙⲉ ⲛⲓⲙ ⲧⲙⲁⲓⲏⲩ ⲛⲁϥ ⲟⲩⲁⲁϥ ⲡⲛⲟⲩⲧⲉ ⲇⲉ ⲡⲉⲧⲥⲟⲟⲩⲧⲛ ⲛⲛϩⲏⲧ
3 ⲉⲣⲧⲙⲉ ⲁⲩⲱ ⲉϫⲉⲧⲙⲉ ⲥⲉⲥⲟⲧⲡ ⲛⲛⲁϩⲣⲙⲡⲛⲟⲩⲧⲉ ⲛϭⲓⲙⲙⲛⲧⲙⲉ ⲉϩⲟⲩⲉⲟⲩⲥⲛⲟϥ ⲛⲑⲩⲥⲓⲁ
4 ⲟⲩⲣⲱⲙⲉ ⲧⲛϫⲁⲥⲓϩⲏⲧ ⲉϫⲛⲟⲩⲥⲱϣ ⲟⲩⲛⲁϣⲧϩⲏⲧ ⲡⲉ ⲛⲟⲩⲟⲉⲓⲛ ⲇⲉ ⲛⲛⲁⲥⲉⲃⲏⲥ ⲛⲉ ⲛⲛⲟⲃⲉ
6 ⲛⲉⲧϯϭⲟⲙ ⲛϩⲉⲛⲥⲟⲟⲩϩⲥ ϩⲛⲟⲩⲗⲁⲥ ⲛϣⲟⲗ ⲉϥⲡⲏⲧ ⲛⲥⲁϩⲉⲛⲡⲉⲧϣⲟⲩⲉⲓⲧ ⲁⲩⲱ ϥⲛⲏⲩ ⲉϫⲛⲙⲡⲁϣ ⲙⲡⲙⲟⲩ
7 ⲡⲧⲁⲕⲟ ⲛⲁϭⲟⲓⲗⲉ ⲉⲛⲁⲥⲉⲃⲏⲥ ⲛⲥⲉⲟⲩⲱϣ ⲅⲁⲣ ⲁⲛ ⲉⲣⲧⲙⲉ
8 ⲡϫⲟⲉⲓⲥ ⲛⲁϫⲟⲟⲩ ⲛⲛϩⲓⲟⲟⲩⲉ ⲉⲩϭⲟⲟⲙⲉ ⲛⲛⲉⲧϭⲟⲟⲙⲉ ⲛⲉϥϩⲃⲏⲩⲉ ⲇⲉ ⲧⲃⲃⲏⲩ ⲁⲩⲱ ⲥⲉⲥⲟⲩⲧⲱⲛ
9 ⲛⲁⲛⲟⲩⲟⲩⲱϩ ϩⲛⲟⲩⲕⲗϫⲉ ⲛⲟⲩϫⲉⲛⲉⲡⲱⲣ ϩⲛⲟⲩⲇⲓⲕⲁⲓⲟⲛ ⲉϩⲟⲩⲉⲟⲩⲱϩ ϩⲛϩⲉⲛⲙⲁ ⲉⲩϫⲏϩ ⲙⲛⲟⲩⲏⲓ ⲛⲃⲑⲣⲣⲉ ϩⲛⲟⲩϣⲟⲛⲧ
10 ⲙⲙⲛⲗⲁⲁⲩ ⲣⲁⲛⲁ ⲛⲧⲉⲯⲩⲭⲏ ⲙⲡⲁⲥⲉⲃⲏⲥ ⲏ ⲛⲉⲧⲛⲁⲛⲁⲩ ⲉⲣⲟⲥ
11 ⲉⲣⲉⲡⲉⲧⲁⲙⲁϩⲧⲉ ϯⲟⲥⲉ ⲡⲃⲁⲗϩⲏⲧ ⲛⲁⲥⲃⲟ ⲛϩⲟⲩⲟ ⲡⲥⲟⲫⲟⲥ ⲇⲉ ⲉⲧⲉⲓⲙⲉ ⲛⲁϣⲱⲡ ⲉⲣⲟϥ ⲙⲡⲥⲟⲟⲩⲛ
12 ⲡⲛⲟⲩⲧⲉ ⲛⲁⲧⲁⲕⲟ ⲛⲛϩⲏⲧ ⲛⲛⲁⲥⲉⲃⲏⲥ ⲁⲩⲱ ϣⲁϥⲥⲱϣϥ ⲛⲛⲁⲥⲉⲃⲏⲥ ϩⲛϩⲉⲛⲡⲉⲧϩⲟⲟⲩ
13 ⲡⲉⲧϣⲧⲁⲙ ⲛⲛⲉϥⲙⲁⲁϫⲉ ⲉⲧⲙⲥⲱⲧⲙ ⲉⲩϩⲏⲕⲉ ⲡⲁⲓ ⲛⲁⲱϣ ⲉϩⲣⲁⲓ ⲉⲡⲛⲟⲩⲧⲉ ⲛϥⲧⲙⲥⲱⲧⲙ ⲉⲣⲟϥ
14 ϣⲁⲣⲉⲟⲩϯ ϩⲛⲟⲩϩⲱⲡ ⲕⲧⲟ ⲉⲃⲟⲗ ⲛⲛⲟⲣⲅⲏ ⲡⲉⲧϯⲥⲟ ⲇⲉ ⲉϯⲇⲱⲣⲟⲛ ⲛⲁⲧⲟⲩⲛⲉⲥⲟⲩϭⲱⲛⲧ ⲉϥⲛⲁϣⲧ
15 ⲡⲟⲩⲛⲟϥ ⲛⲛⲇⲓⲕⲁⲓⲟⲥ ⲡⲉ ⲣⲡϩⲁⲡ ⲡⲉⲧⲧⲃⲃⲏⲩ ⲇⲉ ϫⲁϩⲙ ⲛⲧⲛⲛⲛⲣⲉϥⲣⲡⲉⲧϩⲟⲟⲩ ⲡⲣⲱⲙⲉ ⲙⲡⲁⲣⲁⲛⲟⲙⲟⲥ ⲛⲁϩⲉ ⲉϩⲣⲁⲓ ⲉϩⲉⲛⲡⲉⲧϩⲟⲟⲩ
16 ⲡⲣⲱⲙⲉ ⲇⲉ ⲉⲧⲥⲟⲣⲙ ϩⲛⲛⲉϩⲓⲟⲟⲩⲉ ⲛⲧⲇⲓⲕⲁⲓⲟⲥⲩⲛⲏ ϥⲛⲁϣⲱⲡⲉ ϩⲛⲧⲥⲟⲟⲩϩⲥ ⲛⲛϫⲱⲱⲣⲉ
17 ⲡⲣⲱⲙⲉ ⲉⲧϣⲁⲁⲧ ⲙⲉ ⲛⲟⲩⲟⲩⲛⲟϥ ⲡⲉⲧⲙⲉ ⲇⲉ ⲛⲟⲩⲇⲱⲣⲟⲛ ⲙⲛⲟⲩⲙⲛⲧⲣⲙⲙⲁⲟ ⲉⲛⲟϫⲥ ⲉⲧⲱⲱⲙⲉ ⲟⲩⲁⲥⲉⲃⲏⲥ ⲡⲉ
18 ⲙⲡⲁⲣⲁⲛⲟⲙⲟⲥ ⲥⲟϣϥ ⲛⲧⲙⲡⲇⲓⲕⲁⲓⲟⲥ
19 ⲛⲁⲛⲟⲩⲟⲩⲱϩ ϩⲓⲡϫⲁⲓⲉ ⲉϩⲟⲩⲉⲟⲩⲱϩ ⲙⲛⲟⲩⲥϩⲓⲙⲉ ⲛⲣⲉϥⲙⲓϣⲉ ⲁⲩⲱ ⲛⲣⲉϥϭⲱⲛⲧ
20 ⲟⲩⲛⲟⲩⲁϩⲟ ⲉϥⲥⲟⲧⲡ ⲛⲁϣⲱⲡⲉ ϩⲓⲣⲛⲧⲧⲁⲡⲣⲟ ⲛⲛⲥⲟⲫⲟⲥ ⲛⲣⲱⲙⲉ ⲇⲉ ⲛⲁⲧϩⲏⲧ ⲛⲁⲟⲙⲕϥ
21 ⲧⲉϩⲓⲏ ⲛⲧⲇⲓⲕⲁⲓⲟⲥⲩⲛⲏ ⲙⲛⲧⲙⲛⲧⲛⲁ ⲛⲁⲧⲁϩⲉⲡⲱⲛϩ ⲙⲛⲡⲉⲟⲟⲩ ϩⲛⲟⲩⲉⲓⲣⲏⲛⲏ
22 ⲁⲡⲥⲟⲫⲟⲥ ⲁⲗⲉ ⲉϫⲛⲙⲡⲟⲗⲓⲥ ⲉⲧϫⲟⲥⲉ ⲁⲩⲱ ⲁϥϣⲟⲣϣⲣ ⲙⲡϫⲓⲥⲉ ⲉⲧⲉⲣⲉⲛⲁⲥⲉⲃⲏⲥ ⲕⲱ ⲛϩⲧⲏⲩ ⲉⲣⲟϥ
23 ⲡⲉⲧϩⲁⲣⲉϩ ⲣⲱϥ ⲙⲛⲡⲉϥⲗⲁⲥ ⲉϥϩⲁⲣⲉϩ ⲉⲧⲉϥⲯⲩⲭⲏ
24 ⲡⲛⲁϣⲧⲉⲓⲙⲙⲉ ⲙⲛⲡⲃⲁⲃⲉⲣⲱⲙⲉ ⲡⲗⲟⲓⲙⲟⲥ ⲉⲣⲛⲧϥ ⲡⲣⲉϥⲙⲉⲥⲡⲉⲧϩⲟⲟⲩ ⲇⲉ ⲟⲩⲡⲁⲣⲁⲛⲟⲙⲟⲥ ⲡⲉ
25 ϣⲁⲣⲉⲛⲉⲡⲓⲑⲩⲙⲓⲁ ⲙⲉⲩⲧⲡⲣⲉϥϫⲛⲁⲁⲩ ⲛⲛⲉϥⲥⲟⲩⲧⲛⲧⲟⲟⲧϥ ⲅⲁⲣ ⲉⲃⲟⲗ ⲉⲣⲗⲁⲁⲩ
26 ⲡⲁⲥⲉⲃⲏⲥ ⲉⲡⲓⲑⲩⲙⲉⲓ ⲉϩⲉⲛⲉⲡⲓⲑⲩⲙⲓⲁ ⲉⲩϩⲟⲟⲩ ⲙⲡⲉϩⲟⲟⲩ ⲧⲏⲣϥ ⲡⲇⲓⲕⲁⲓⲟⲥ ⲇⲉ ⲛⲁⲁⲩⲱ ϥϣⲛϩⲧⲏϥ ⲁϫⲛⲱϫⲛ
27 ⲧⲃⲟⲧⲉ ⲙⲡϫⲟⲉⲓⲥ ⲧⲉ ⲧⲉⲑⲩⲥⲓⲁ ⲛⲛⲁⲥⲉⲃⲏⲥ ⲕⲁⲓ ⲅⲁⲣ ⲉⲩⲧⲁⲗⲟ ⲙⲙⲟⲟⲩ ⲉϩⲣⲁⲓ ϩⲛⲟⲩⲙⲛⲧⲁⲧϩⲁⲡ
28 ⲡⲙⲛⲧⲣⲉ ⲛϭⲟⲗ ⲛⲁⲧⲁⲕⲟ ⲡⲣⲱⲙⲉ ⲇⲉ ⲛⲥⲙⲏⲧ ⲛⲁϣⲁϫⲉ ⲉϥϯϩⲧⲏϥ
29 ⲡⲣⲱⲙⲉ ⲛⲁⲥⲉⲃⲏⲥ ϣⲁϥⲧⲁϩⲉⲡⲉϥϩⲟ ⲉⲣⲁⲧϥ ϩⲛⲟⲩⲙⲛⲧⲁⲧϣⲓⲡⲉ ⲡⲉⲧⲥⲟⲩⲧⲱⲛ ⲇⲉ ⲉⲓⲙⲉ ⲉⲛⲉϥϩⲓⲟⲟⲩⲉ
30 ⲡⲉⲧⲉⲙⲛⲧϥⲧⲥⲟⲫⲓⲁ ⲟⲩⲇⲉ ⲙⲛⲧϥⲧⲙⲛⲧϫⲱⲱⲣⲉ ⲟⲩⲇⲉ ⲙⲛⲧϥϣⲟϫⲛⲉ ⲉⲃⲟⲗ ϩⲓⲧⲙⲡⲛⲟⲩⲧⲉ
31 ⲉϣⲁⲩⲥⲃⲧⲉⲟⲩϩⲧⲟ ⲉⲩϩⲟⲟⲩ ⲑⲙⲡⲟⲗⲉⲙⲟⲥ ⲉⲣⲉⲧⲃⲟⲏⲑⲓⲁ ⲇⲉ ⲛⲧⲙⲡⲛⲟⲩⲧⲉ
Proverbs 20 · Proverbs 22 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)