Micah 4 — Coptic (Sahidic)

1 ⲁⲩⲱ ϥⲛⲁϣⲱⲡⲉ ϩⲛⲛⲉϩⲟⲟⲩ ⲛϩⲁⲉ ⲉϥⲟⲩⲟⲛϩ ⲉⲃⲟⲗ ⲛϭⲓⲡⲧⲟⲟⲩ ⲙⲡϫⲟⲉⲓⲥ ⲉϥⲥⲃⲧⲱⲧ ϩⲓϫⲙⲡⲕⲟⲟϩ ⲛⲛⲧⲟⲩⲉⲓⲏ ⲁⲩⲱ ϥⲛⲁϫⲓⲥⲉ ⲛϥⲣⲡⲉⲧⲡⲉ ⲛⲛⲃⲟⲩⲛⲟⲥ ⲁⲩⲱ ⲥⲉⲉⲣⲁⲧϥ ⲛϭⲓⲟⲩⲗⲁⲟⲥ

2 ⲛⲥⲉⲙⲟⲟϣⲉ ⲛϭⲓϩⲉⲛϩⲉⲑⲛⲟⲥ ⲉⲛⲁϣⲱⲟⲩ ⲛⲥⲉϫⲟⲟⲥ ϫⲉⲁⲙⲏⲓⲧⲛ ⲙⲁⲣⲟⲛ ⲉϩⲣⲁⲓ ⲉⲡⲧⲟⲟⲩ ⲙⲡϫⲟⲉⲓⲥ ⲁⲩⲱ ⲉϩⲣⲁⲓ ⲉⲡⲏⲓ ⲙⲡⲛⲟⲩⲧⲉ ⲛⲓⲁⲕⲱⲃ ⲛⲥⲉⲧⲁⲙⲟⲛ ⲉⲛⲉϥϩⲓⲟⲟⲩⲉ ⲁⲩⲱ ⲛⲧⲛⲃⲱⲕ ⲉϩⲣⲁⲓ ϩⲛⲛⲉϥⲙⲁ ⲙⲙⲟⲟϣⲉ ϫⲉⲉⲣⲉⲡⲛⲟⲙⲟⲥ ⲅⲁⲣ ⲛⲁⲉⲓ ⲉⲃⲟⲗϩⲛ ⲥⲓⲱⲛ ⲁⲩⲱ ⲡϣⲁϫⲉ ⲙⲡϫⲟⲉⲓⲥ ⲉⲃⲟⲗϩⲛ ⲧϩⲓⲉⲣⲟⲩⲥⲁⲗⲏⲙ

3 ⲛϥⲕⲣⲓⲛⲉ ⲛⲧⲙⲏⲧⲉ ⲛϩⲉⲛⲗⲁⲟⲥ ⲉⲛⲁϣⲱⲟⲩ ⲛϥϫⲡⲓⲟ ⲛϩⲉⲛϩⲉⲑⲛⲟⲥ ⲉⲩϫⲟⲟⲣ ϣⲁⲁⲣⲏϫϥ ⲙⲡⲕⲁϩ ⲁⲩⲱ ⲥⲉⲛⲁⲟⲩⲱⲧϩ ⲛⲛⲉⲩⲥⲏϥⲉ ⲉϩⲉⲛⲥⲓⲛⲉ ⲛⲥⲕⲁⲓ ⲁⲩⲱ ⲛⲉⲩⲙⲉⲣⲉϩ ⲉϩⲉⲛⲟϩⲥ ⲛⲧⲉⲧⲙϩⲉⲑⲛⲟⲥ ϭⲉ ϥⲓ ⲥⲏϥⲉ ⲉϫⲛϩⲉⲑⲛⲟⲥ ⲁⲩⲱ ⲛⲥⲉϭⲉ ⲉⲙⲓϣⲉ

4 ⲛⲧⲉⲡⲟⲩⲁ ⲛⲟⲩⲁ ⲙⲧⲟⲛ ⲙⲙⲟϥ ϩⲁⲣⲟⲥ ⲛⲧⲉϥⲃⲱ ⲛⲉⲗⲟⲟⲗⲉ ⲁⲩⲱ ⲡⲟⲩⲁ ⲡⲟⲩⲁ ϩⲁⲣⲟⲥ ⲛⲧⲉϥⲃⲱ ⲛⲕⲛⲧⲉ ⲛⲧⲉⲧⲙ ⲗⲁⲁⲩ ⲧϩⲣϣⲟⲩ ⲉⲃⲟⲗ ϫⲉⲧⲧⲁⲡⲣⲟ ⲙⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ⲧⲉ ⲛⲧⲁⲥϫⲉ ⲛⲁⲓ

5 ϫⲉⲛⲗⲁⲟⲥ ⲧⲏⲣⲟⲩ ⲥⲉⲛⲁⲙⲟⲟϣⲉ ⲡⲟⲩⲁ ⲡⲟⲩⲁ ϩⲓⲧⲉϥϩⲓⲏ ⲁⲛⲟⲛ ⲇⲉ ⲉⲛⲛⲁⲙⲟⲟϣⲉ ϩⲙⲡⲓⲣⲁⲛ ⲙⲡϫⲟⲉⲓⲥ ⲡⲉⲛⲛⲟⲩⲧⲉ ϣⲁⲉⲛⲉϩ ⲛⲉⲛⲉϩ

6 ϩⲙⲡⲉϩⲟⲟⲩ ⲉⲧⲙⲙⲁⲩ ⲡⲉϫⲉⲡϫⲟⲉⲓⲥ ϫⲉϯⲛⲁⲥⲱⲟⲩϩ ⲉϩⲟⲩⲛ ⲛⲧⲉⲛⲧⲁⲩⲟⲩⲟϣϥ ⲁⲩⲱ ⲧⲉⲛⲧⲁⲩⲛⲟϫⲥ ⲉⲃⲟⲗ ϯⲛⲁϣⲟⲡⲥ ⲉⲣⲟⲓ ⲁⲩⲱ ⲧⲉⲛⲧⲁⲩⲙⲟⲕϩⲥ

7 ⲁⲩⲱ ϯⲛⲁⲕⲱ ⲛⲧⲉⲛⲧⲁⲩⲟⲩⲟϣϥⲥ ⲉⲩⲥⲉⲉⲡⲉ ⲁⲩⲱ ⲧⲉⲛⲧⲁⲩⲛⲟϫⲥ ⲉⲃⲟⲗ ⲉⲩϩⲉⲑⲛⲟⲥ ⲉϥϫⲟⲟⲣ ⲛⲧⲉⲡϫⲟⲉⲓⲥ ⲣⲣⲣⲟ ⲉϩⲣⲁⲓ ⲉϫⲱⲟⲩ

8 ⲁⲩⲱ ⲛⲧⲟⲕ ⲡⲡⲩⲣⲅⲟⲥ ⲉⲧϣⲟⲃⲉ ⲙⲡⲟϩⲉ ⲛⲏⲥⲁⲩ ⲧϣⲉⲉⲣⲉ ⲛ ⲥⲛⲁⲉⲓ ⲉϩⲣⲁⲓ ⲉϫⲱⲕ ⲁⲩⲱ ⲛⲥⲉⲓ ⲉϩⲟⲩⲛ ⲛϭⲓⲧⲁⲣⲭⲏ ⲧϣⲟⲣⲡ ⲙⲙⲛⲧⲣⲣⲟ ⲉⲃⲟⲗ ϩⲛⲧⲃⲁⲃⲩⲗⲱⲛ ⲉϫⲛⲧϣⲉⲉⲣⲉ ⲛⲧϩⲓⲉⲣⲟⲩⲥⲁⲗⲏⲙ

9 ⲧⲉⲛⲟⲩ ⲉⲧⲃⲉⲟⲩ ⲁϯϩⲧⲏ ⲉϩⲉⲛⲡⲉⲧϩⲟⲟⲩ ⲙⲏ ⲉⲧⲉⲙⲛⲣⲣⲟ ϣⲟⲟⲡ ⲛⲉ ⲏ ⲡⲟⲩϣⲟϫⲛⲉ ⲁϥⲃⲱⲕ ⲛⲧⲟⲟⲧⲉ ϫⲉⲁϩⲉⲛⲛⲁⲁⲕⲉ ⲁⲙⲁϩⲧⲉ ⲙⲙⲟⲛⲧϩⲉ ⲛⲧⲉⲧⲛⲁⲙⲓⲥⲉ

10 ϯⲛⲁⲁⲕⲉ ⲛⲧⲉϭⲙϭⲟⲙ ⲛⲧⲉϩⲱⲛ ⲉϩⲟⲩⲛ ⲧϣⲉⲉⲣⲉ ⲛⲥⲓⲱⲛ ⲛⲧϩⲉ ⲛⲧⲉⲧⲛⲁⲙⲓⲥⲉ ⲉⲃⲟⲗ ϫⲉⲧⲉⲛⲟⲩ ⲧⲉⲛⲏⲩ ⲉⲃⲟⲗ ϩⲛⲧⲡⲟⲗⲓⲥ ⲛⲧⲉⲟⲩⲱϩ ϩⲛⲧⲥⲱϣⲉ ⲛⲧⲉⲡⲱϩ ϣⲁϩⲣⲁⲓ ⲉⲧⲃⲁⲃⲩⲗⲱⲛ ⲉⲓⲛⲁⲛⲁϩⲙⲉ ⲉⲃⲟⲗ ⲁⲩⲱ ⲉⲓⲛⲁⲥⲟⲧⲉ ⲉⲃⲟⲗ ϩⲙⲡⲙⲁ ⲉⲧⲙⲙⲁⲩ ⲡⲉϫⲉⲡϫⲟⲉⲓⲥ ⲡⲛⲟⲩⲧⲉ ⲛⲧⲟⲟⲧⲟⲩ ⲛⲛⲟⲩϫⲁϫⲉ

11 ⲁⲩⲱ ⲧⲉⲛⲟⲩ ⲁⲩⲥⲱⲟⲩϩ ⲉϫⲱ ⲛϭⲓϩⲉⲛϩⲉⲑⲛⲟⲥ ⲉⲛⲁϣⲱⲟⲩ ⲉⲩϫⲱ ⲙⲙⲟⲥ ϫⲉⲧⲛⲛⲁⲣⲁϣⲉ ⲛⲧⲛⲙⲉϩ ⲛⲥⲓⲱⲛ

12 ⲛⲧⲟⲟⲩ ⲇⲉ ⲙⲡⲟⲩⲥⲟⲩⲛ ⲡⲙⲉⲉⲩⲉ ⲙⲡϫⲟⲉⲓⲥ ⲁⲩⲱ ⲙⲡⲟⲩⲉⲓⲙⲉ ⲉⲡⲉϥϣⲟϫⲛⲉ ϫⲉⲁϥⲥⲟⲟⲩϩⲟⲩ ⲉϩⲟⲩⲛ ⲛⲧϩⲉ ⲛϩⲉⲛⲕⲛⲁⲩ ⲛϫⲛⲟⲟⲩ

13 ⲧⲱⲟⲩⲛⲉ ⲛⲧⲉϩⲓ ⲙⲙⲟⲟⲩ ⲧϣⲉⲉⲣⲉ ⲛⲥⲓⲱⲛ ϫⲉⲛⲟⲩⲧⲁⲡ ϯⲛⲁⲕⲁⲁⲩ ⲙⲡⲉⲛⲓⲡⲉ ⲁⲩⲱ ⲛⲟⲩⲉⲓⲉⲓⲃ ϯⲛⲁⲕⲁⲁⲩ ⲛϩⲟⲙⲛⲧ ⲛⲧⲉⲃⲱⲗ ⲉⲃⲟⲗ ⲛϩⲏⲧⲟⲩ ⲛⲛϩⲉⲑⲛⲟⲥ ⲛⲧⲉϣⲱϣ ⲛϩⲉⲛⲗⲁⲟⲥ ⲉⲛⲁϣ ⲛⲧⲉϯ ⲙⲡⲙ ⲁⲩⲱ ⲧⲉ ⲛⲧⲉⲧⲁ ⲙⲡϫⲟⲉⲓⲥ ⲙ ⲧⲏⲣϥ

14 ⲧⲉⲛⲟⲩ ⲥⲉⲛⲁⲱⲣⲃ ⲉϩⲟⲩⲛ ⲛⲧϣⲉⲉⲣⲉ ⲛⲉⲫⲣⲁⲓⲙ ⲁϥⲧⲉϣⲉⲟⲩⲙⲏⲏϣⲉ ⲉⲧⲣⲉϥⲉⲓ ⲉⲣⲱⲧⲛ ⲥⲉⲛⲁⲣⲱϩⲧ ϩⲛⲟⲩϭⲉⲣⲱⲃ ⲛⲛⲟⲩⲟϭⲉ ⲛⲛⲉⲫⲩⲗⲏ ⲙⲡⲓⲥⲣⲁⲏⲗ