Read Judith 4 side by side with translations · The Final Bible
1 ...
2 ...
3 ...
4 ...
5 ...
6 ⲙⲡϩⲟⲧ ⲉⲃⲟⲗ ⲛⲧⲥⲱϣⲉ ⲉⲧϩⲏⲛ ⲉⲇⲱⲑⲁⲉⲓⲙ
7 ⲉϥϫⲱ ⲙⲙⲟⲥ ⲛⲁⲩ ⲉⲧⲣⲉⲩⲁⲙⲁϩⲧⲉ ⲛⲙⲙⲁⲛⲉⲓⲉϩⲣⲁⲓ ⲛⲧⲟⲣⲓⲛⲏ ϫⲉⲛⲉⲣⲉⲧⲉϩⲓⲏ ⲛⲉⲓⲉϩⲟⲩⲛ ⲉϯⲓⲟⲩⲇⲁⲓⲁ ϣⲟⲟⲡ ϩⲓⲧⲟⲟⲧⲟⲩ ⲁⲩⲱ ⲛⲉⲣⲉⲡϩⲱⲃ ⲛⲟⲧⲙ ⲉⲕⲱⲗⲩ ⲙⲙⲟⲟⲩ ⲉⲃⲱⲕ ⲛⲁⲩ ⲉⲣⲉⲧⲉϩⲓⲏ ⲙⲡⲱⲣϣ ⲉϩⲟⲩⲛ ϭⲏⲩ ⲉⲣⲱⲙⲉ ⲥⲛⲁⲩ
8 ⲁⲩⲱ ⲁⲩⲉⲓⲣⲉ ⲛϭⲓⲛϣⲏⲣⲉ ⲙⲡⲓⲥⲣⲁⲏⲗ ⲕⲁⲧⲁⲧϩⲉ ⲉⲛⲧⲁϥϩⲱⲛ ⲉⲧⲟⲟⲧⲟⲩ ⲛϭⲓⲓⲱⲁⲕⲓⲙ ⲡⲛⲟϭ ⲛⲟⲩⲏⲏⲃ ⲁⲩⲱ ⲛⲛϩⲗⲗⲟⲓ ⲙⲡⲇⲏⲙⲟⲥ ⲧⲏⲣϥ ⲙⲡⲓⲥⲣⲁⲏⲗ ⲛⲁⲓ ⲉⲛⲉⲩϩⲙⲟⲟⲥ ϩⲛⲧϩⲓⲉⲣⲟⲩⲥⲁⲗⲏⲙ
9 ⲁⲩϫⲓϣⲕⲁⲕ ⲇⲉ ⲉⲃⲟⲗ ⲉϩⲣⲁⲓ ⲉⲡϫⲟⲉⲓⲥ ⲛϭⲓⲣⲱⲙⲉ ⲛⲓⲙ ⲛⲧⲉⲡⲓⲥⲣⲁⲏⲗ ϩⲛⲟⲩⲛⲟϭ ⲛⲥⲟⲡⲥ ⲁⲩⲱ ⲁⲩⲑⲃⲃⲓⲟ ⲛⲛⲉⲩⲯⲩⲭⲏ ⲉⲙⲁⲧⲉ ⲉⲙⲁⲧⲉ
10 ⲛⲧⲟⲟⲩ ⲙⲛⲛⲉⲩϩⲓⲟⲙⲉ ⲙⲛⲛⲉⲩϣⲏⲣⲉ ⲕⲟⲩⲓ ⲙⲛⲛⲉⲩⲧⲃⲛⲟⲟⲩⲉ ⲁⲩⲱ ⲣⲙⲛϭⲟⲓⲗⲉ ⲛⲓⲙ ⲙⲛⲛⲉⲩϫⲁⲓⲃⲉⲕⲉ ⲙⲛⲛⲉⲩϣⲱⲡ ϩⲁϩⲟⲙⲛⲧ ⲁⲩⲕⲱ ⲛϩⲉⲛϭⲟⲟⲩⲛⲉ ϩⲓϫⲛⲛⲉⲩϯⲡⲉ
11 ⲁⲩⲱ ⲣⲱⲙⲉ ⲛⲓⲙ ϩⲓⲥϩⲓⲙⲉ ϩⲓϣⲏⲣⲉ ⲕⲟⲩⲓ ⲛⲉⲧⲟⲩⲏϩ ϩⲛⲧϩⲓⲉⲣⲟⲩⲥⲁⲗⲏⲙ ⲁⲩⲡⲁϩⲧⲟⲩ ⲙⲡⲉⲙⲧⲟ ⲉⲃⲟⲗ ⲙⲡⲉⲣⲡⲉ ⲁⲩϣⲉϣⲕⲣⲙⲥ ⲉϫⲛⲛⲉⲩⲁⲡⲏⲩⲉ ⲁⲩⲡⲱⲣϣ ⲛⲛⲉⲩϭⲟⲟⲩⲛⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ
12 ⲁⲩⲱ ⲡⲉⲑⲩⲥⲓⲁⲥⲧⲏⲣⲓⲟⲛ ⲁⲩϭⲟⲟⲗⲉϥ ⲛⲟⲩϭⲟⲟⲩⲛⲉ ⲁⲩϫⲓϣⲕⲁⲕ ⲉⲃⲟⲗ ⲉϩⲣⲁⲓ ⲉⲡⲛⲟⲩⲧⲉ ⲙⲡⲓⲥⲣⲁⲏⲗ ϩⲓⲟⲩⲥⲟⲡ ⲉⲧⲙϯ ⲛⲛⲉⲩϣⲏⲣⲉ ⲕⲟⲩⲓ ⲉⲩⲧⲱⲣⲡ ⲁⲩⲱ ⲛⲉⲩϩⲓⲟⲙⲉ ⲉⲩϣⲱⲗ ⲁⲩⲱ ⲙⲡⲟⲗⲓⲥ ⲛⲧⲉⲩⲕⲗⲏⲣⲟⲛⲟⲙⲓⲁ ⲉⲩⲧⲁⲕⲟ ⲁⲩⲱ ⲛⲉⲩⲙⲁ ⲉⲧⲟⲩⲁⲁⲃ ⲉⲩϫⲱϩⲙ ⲙⲛⲟⲩⲛⲟϭⲛⲉϭ ⲉⲧⲣⲉⲛϩⲉⲑⲛⲟⲥ ⲣⲁϣⲉ ⲙⲙⲟⲟⲩ
13 ⲁⲡϫⲟⲉⲓⲥ ⲥⲱⲧⲙ ⲉⲡⲉⲩϩⲣⲟⲟⲩ ⲁⲩⲱ ⲁϥⲛⲁⲩ ⲉⲧⲉⲩⲑⲗⲩⲯⲓⲥ ⲛⲉⲣⲉⲡⲗⲁⲟⲥ ⲇⲉ ⲧⲏⲣϥ ⲡⲉ ⲛⲏⲥⲧⲉⲩⲉ ⲛϩⲉⲛϩⲣⲟⲟⲩ ⲉⲛⲁϣⲱⲟⲩ ϩⲛϯⲓⲟⲩⲇⲁⲓⲁ ⲧⲏⲣⲥ ⲙⲛⲧϩⲓⲉⲣⲟⲩⲥⲁⲗⲏⲙ ⲙⲡⲉⲙⲧⲟ ⲉⲃⲟⲗ ⲙⲡⲡⲉⲧⲟⲩⲁⲁⲃ ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ
14 ⲁⲩⲱ ⲓⲱⲁⲕⲓⲙ ⲡⲛⲟϭ ⲛⲟⲩⲏⲏⲃ ⲙⲛⲟⲩⲏⲏⲃ ⲛⲓⲙ ⲉⲧⲁϩⲉⲣⲁⲧⲟⲩ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲙⲛⲛⲉⲧϣⲙϣⲉ ⲙⲡϫⲟⲉⲓⲥ ⲉⲩϭⲟⲟⲗⲉ ⲛϩⲉⲛϭⲟⲟⲩⲛⲉ ⲉϫⲛⲛⲉⲩϯⲡⲉ ⲛⲉⲩⲧⲁⲗⲟⲟⲩ ⲡⲉ ⲉϩⲣⲁⲓ ⲙⲡⲉϭⲗⲓⲗ ⲙⲡⲙⲟⲩⲛ ⲉⲃⲟⲗ ⲁⲩⲱ ⲛⲉⲣⲏⲧ ⲙⲛⲛⲉⲧⲉϣⲁⲣⲉⲡⲗⲁⲟⲥ ⲧⲁⲁⲩ ϩⲁⲣⲟϥ
15 ⲁⲩⲱ ⲛⲉⲣⲉⲟⲩⲕⲣⲙⲥ ϩⲓϫⲛⲛⲉⲩϭⲓⲇⲁⲣⲓⲥ ⲁⲩϫⲓϣⲕⲁⲕ ⲉⲃⲟⲗ ⲉϩⲣⲁⲓ ⲉⲡϫⲟⲉⲓⲥ ϩⲛⲧⲉⲩϭⲟⲙ ⲧⲏⲣⲥ ⲉϭⲙⲡϣⲓⲛⲉ ⲙⲡⲏⲓ ⲙⲡⲓⲥⲣⲁⲏⲗ ⲉⲩⲡⲉⲧⲛⲁⲛⲟⲩϥ
Judith 5 · Greek (Septuagint / SBLGNT) · Aramaic (Peshitta) · Latin (Vulgate)