Judith 1 — Coptic (Sahidic)

1 ϩⲣⲁⲓ ϩⲛⲧⲙⲉϩⲙⲛⲧⲥⲛⲟⲟⲩⲥ ⲛⲣⲟⲙⲡⲉ ⲛⲧⲙⲛⲧⲣⲣⲟ ⲛⲁⲃⲟⲩⲭⲟⲇⲟⲛⲟⲥⲟⲣ ⲡⲁⲓ ⲉⲛⲧⲁϥⲣⲣⲣⲟ ⲉϫⲛⲛⲁⲥⲥⲩⲣⲓⲟⲥ ϩⲛⲛⲓⲛⲉⲩⲏ ⲧⲛⲟϭ ⲙⲡⲟⲗⲓⲥ ϩⲛⲛⲉϩⲟⲟⲩ ⲛⲁⲣⲫⲁⲝⲁⲇ ⲉⲛⲧⲁϥⲣⲣⲣⲟ ⲉϫⲛⲙⲙⲏⲇⲟⲥ ϩⲛⲛⲉⲕⲃⲁⲇⲁⲛⲟⲥ

2 ⲁϥⲕⲱⲧ ⲛⲧⲉⲕⲃⲁⲇⲁⲛⲟⲥ ⲛϩⲉⲛⲥⲟⲃⲧ ⲉⲩⲕⲱⲧⲉ ⲛϩⲉⲛⲱⲛⲉ ⲉⲩⲕⲉϩⲕⲱϩ ⲉⲩⲉⲓⲣⲉ ⲛϣⲟⲙⲛⲧ ⲙⲙⲁϩⲉ ⲛⲟⲩⲱⲥϣⲥ ⲁⲩⲱ ⲥⲟⲟⲩ ⲙⲙⲁϩⲉ ⲛϣⲓⲏ ⲁϥϫⲉⲥⲧⲡⲥⲟⲃⲧ ⲛϣⲃⲉ ⲙⲙⲁϩⲉ ⲁⲩⲱ ⲡⲉϥⲟⲩⲱϣⲥ ⲛⲧⲁⲉⲓⲟⲩ ⲙⲙⲁϩⲉ

3 ⲁϥⲕⲁⲛⲉⲥⲡⲩⲣⲅⲟⲥ ⲉϫⲛⲛⲉⲥⲡⲩⲗⲏ ⲉⲩⲉⲓⲣⲉ ⲛϣⲉ ⲙⲙⲁϩⲉ ⲧⲥⲛⲧⲉ ⲙⲡⲉⲥⲟⲩⲱϣⲥ ⲡⲉ ⲥⲉⲙⲙⲁϩⲉ

4 ⲁϥⲕⲱⲧ ⲛⲛⲉⲥⲡⲩⲗⲏ ⲉⲩϫⲟⲥⲉ ⲛϣⲃⲉ ⲙⲙⲁϩⲉ ⲁⲩⲱ ⲡⲉⲥⲟⲩⲱϣⲥ ⲛϩⲙⲉ ⲙⲙⲁϩⲉ ⲉⲡⲉⲓⲉⲃⲟⲗ ⲛⲧⲉϥϭⲟⲙ ⲙⲛⲧⲉϥⲧⲓⲁⲥⲧⲁⲥⲓⲥ ⲙⲛⲛⲉϥⲧⲣⲓⲥⲧⲁⲧⲏⲥ ⲙⲛⲛⲉϥⲧⲱϣ ⲛⲛⲉϥⲣⲙⲣⲁⲧⲟⲩ

5 ⲁϥⲉⲓⲣⲉ ⲛⲟⲩⲛⲟϭ ⲙⲡⲟⲗⲉⲙⲟⲥ ϩⲛⲛⲉϩⲟⲟⲩ ⲉⲧⲙⲙⲁⲩ ⲛϭⲓⲡⲣⲣⲟ ⲛⲁⲃⲟⲩⲭⲟⲇⲟⲛⲟⲥⲟⲣ ⲛⲛⲁϩⲣⲛⲁⲣⲫⲁⲝⲁⲇ ⲡⲣⲣⲟ ϩⲛⲧⲛⲟϭ ⲛⲥⲱϣⲉ ⲉⲧⲉⲡⲁⲓ ⲡⲉ ϩⲛⲛⲧⲟϣ ⲛϩⲣⲁⲅⲁⲩ

6 ⲁⲩⲧⲱⲙⲛⲧ ⲉⲣⲟϥ ⲛϭⲓⲛⲉⲧⲟⲩⲏϩ ⲧⲏⲣⲟⲩ ϩⲛⲧⲟⲣⲓⲛⲏ ⲙⲛⲛⲉⲧⲟⲩⲏϩ ϩⲙⲡⲉⲩⲫⲣⲁⲇⲏⲥ ⲙⲛⲧⲓⲅⲣⲓⲥ ⲁⲩⲱ ϩⲩⲇⲁⲥⲡⲏⲥ ⲙⲛⲛⲥⲱϣⲉ ⲛⲁⲣⲓⲱⲭ ⲡⲣⲣⲟ ⲛⲉⲗⲉⲙⲉⲱⲛ ⲁⲩⲉⲓ ⲛϭⲓⲛϩⲉⲑⲛⲟⲥ ⲉⲩⲛⲟϭ ⲙⲡⲁⲣⲁⲇⲁⲝⲓⲥ ⲉⲛⲁϣⲱⲥ ⲉϫⲛⲛϣⲏⲣⲉ ⲛⲭⲉⲗⲉⲟⲩⲗ

7 ⲁϥϫⲟⲟⲩ ⲛϭⲓⲛⲁⲃⲟⲩⲭⲟⲇⲟⲛⲟⲥⲟⲣ ⲡⲣⲣⲟ ⲛⲛⲁⲥⲥⲩⲣⲓⲟⲥ ⲛⲥⲁⲟⲩⲟⲛ ⲛⲓⲙ ⲉⲧⲟⲩⲏϩ ϩⲙⲡⲉⲩⲫⲣⲁⲧⲏⲥ ⲙⲛⲟⲩⲟⲛ ⲛⲓⲙ ⲉⲧⲟⲩⲏϩ ϩⲛⲙⲡⲉⲣⲥⲏⲥ ⲙⲛⲟⲩⲟⲛ ⲛⲓⲙ ⲉⲧϣⲟⲟⲡ ϩⲙⲡⲉⲙⲛⲧ ⲙⲛⲛⲉⲧϣⲟⲟⲡ ϩⲛⲧⲕⲓⲗⲓⲕⲓⲁ ⲙⲛⲇⲁⲙⲁⲥⲕⲟⲥ ⲙⲛⲡⲗⲓⲃⲁⲛⲟⲥ ⲙⲛⲡⲁⲛⲧⲓⲗⲓⲃⲁⲛⲟⲥ ⲙⲛⲟⲩⲟⲛ ⲛⲓⲙ ⲉⲧⲟⲩⲏϩ ⲙⲡⲉⲙⲧⲟ ⲉⲃⲟⲗ ⲛⲧⲡⲁⲣϩⲁⲗⲓⲁ

8 ⲙⲛⲛⲛϩⲉⲑⲛⲟⲥ ⲉⲧϩⲙⲡⲕⲁⲣⲙⲏⲗⲟⲥ ⲙⲛⲧⲅⲁⲗⲁⲁⲇ ⲙⲛⲧⲅⲁⲗⲓⲗⲁⲓⲁ ⲉⲧϩⲛⲧⲡⲉ ⲙⲛⲧⲛⲟϭ ⲛⲥⲱϣⲉ ⲛⲛⲉⲥⲣⲏⲙ

9 ⲙⲛⲟⲩⲟⲛ ⲛⲓⲙ ⲉⲧϩⲛⲧⲥⲁⲙⲁⲣⲓⲁ ⲙⲛⲛⲉⲥⲡⲟⲗⲓⲥ ⲁⲩⲱ ⲡⲓⲕⲣⲟ ⲙⲡⲓⲟⲣⲇⲁⲛⲏⲥ ϣⲁⲧϩⲓⲉⲣⲟⲩⲥⲁⲗⲏⲙ ⲙⲛⲃⲉⲇⲁⲛⲏ ⲙⲛⲭⲉⲗⲗⲟⲩⲥ ⲙⲛⲕⲁⲇⲏⲥ ⲁⲩⲱ ⲡⲣⲣⲟ ⲛⲕⲏⲙⲉ ⲧⲁⲫⲛⲁⲥ ⲙⲛϩⲣⲁⲙⲉⲥⲥⲏ ⲁⲩⲱ ⲅⲉⲥⲥⲉⲙ ⲧⲏⲣϥ

10 ϣⲁⲛⲧϥⲉⲓ ⲉϩⲣⲁⲓ ⲉⲧϫⲁⲁⲛⲉ ⲙⲛⲙⲛϥⲉ ⲁⲩⲱ ⲟⲩⲟⲛ ⲛⲓⲙ ⲉⲧϣⲟⲟⲡ ϩⲛⲕⲏⲙⲉ ϣⲁⲛⲧϥⲉⲓ ⲉϩⲣⲁⲓ ⲉϫⲛⲛⲧⲟϣ ⲛⲛⲉϭⲟⲟϣ

11 ⲁⲩⲱ ⲛⲉⲧⲟⲩⲏϩ ϩⲙⲡⲕⲁϩ ⲧⲏⲣϥ ⲁⲩⲥⲱϣϥ ⲙⲡϣⲁϫⲉ ⲛⲁⲃⲟⲩⲭⲟⲇⲟⲛⲟⲥⲟⲣ ⲡⲣⲣⲟ ⲛⲁⲥⲥⲩⲣⲓⲟⲥ ⲙⲡⲟⲩⲉⲓⲛ ⲛⲙⲙⲁϥ ⲉⲡⲡⲟⲗⲉⲙⲟⲥ ⲉⲃⲟⲗ ϫⲉⲙⲡⲟⲩⲣϩⲟⲧⲉ ϩⲏⲧϥ ⲁⲗⲗⲁ ⲛⲉϥϣⲟⲟⲡ ⲙⲡⲉⲩⲙⲧⲟ ⲉⲃⲟⲗ ⲛⲧϩⲉ ⲛⲟⲩⲣⲱⲙⲉ ⲛⲟⲩⲱⲧ ⲁⲩⲧⲥⲧⲟ ⲉⲃⲟⲗ ⲛⲛⲉϥϥⲁⲓϣⲓⲛⲉ ϩⲛⲟⲩⲥⲱϣϥ ⲙⲡⲉⲩⲙⲧⲟ ⲉⲃⲟⲗ

12 ⲛⲁⲃⲟⲩⲭⲟⲇⲟⲛⲟⲥⲟⲣ ⲁϥϭⲱⲛⲧ ⲉϫⲙⲡⲉⲓⲕⲁϩ ⲧⲏⲣϥ ⲁϥⲱⲣⲕ ⲙⲡⲉⲑⲣⲟⲛⲟⲥ ⲛⲧⲉϥⲙⲛⲧⲣⲣⲟ ⲉϥϫⲱ ⲙⲙⲟⲥ ϫⲉϯⲛⲁⲉⲓⲣⲉ ⲙⲡⲁⲕⲃⲁ ϩⲙⲡⲧⲟϣ ⲛⲧⲗⲓⲗⲓⲕⲓⲁ ⲙⲛⲇⲁⲙⲁⲥⲕⲟⲥ ⲙⲛⲧⲥⲩⲣⲓⲁ ⲉⲧⲣⲉⲧⲁⲥⲏϥⲉ ⲧⲁⲕⲟⲟⲩ ⲙⲛⲟⲩⲟⲛ ⲛⲓⲙ ⲉⲧⲟⲩⲏϩ ϩⲙⲙⲱⲁⲃ ⲙⲛⲛϣⲏⲣⲉ ⲛⲁⲙⲙⲱⲛ ⲙⲛⲇⲓⲓⲟⲩⲇⲁⲓⲁ ⲧⲏⲣⲥ ⲙⲛⲟⲩⲟⲛ ⲛⲓⲙ ⲉⲧⲟⲩⲏϩ ϩⲛⲕⲏⲙⲉ ϣⲁⲛⲧϥⲉⲓ ⲉϩⲣⲁⲓ ⲉϫⲛⲛⲧⲟϣ ⲛⲧⲑⲁⲗⲁⲥⲥⲁ ⲥⲛⲧⲉ

13 ⲁϥⲥⲣⲙⲙⲗⲁϩ ⲉⲃⲟⲗ ⲛⲛⲁϩⲣⲛⲁⲣⲫⲁⲝⲁⲇ ⲡⲣⲣⲟ ϩⲣⲁⲓ ϩⲛⲧⲙⲉϩⲙⲛⲧⲥⲁϣϥⲉ ⲛⲣⲟⲙⲡⲉ ⲁϥⲁⲙⲁϩⲧⲉ ϩⲙⲡⲉϥⲡⲟⲗⲉⲙⲟⲥ ⲁϥⲕⲧⲟ ⲛⲧϭⲟⲙ ⲧⲏⲣⲥ ⲛⲁⲣⲫⲁⲝⲁⲇ ⲙⲛⲛⲉϥϩⲧⲱⲱⲣ ⲙⲛⲛⲉϥϩⲁⲣⲙⲁ ⲧⲏⲣⲟⲩ

14 ⲁϥⲣϫⲟⲉⲓⲥ ⲉϫⲛⲛⲉϥⲡⲟⲗⲓⲥ ⲁϥⲧⲁϩⲟϥ ϣⲁⲛⲉⲕⲃⲁⲇⲁⲛⲟⲥ ⲁϥⲁⲙⲁϩⲧⲉ ⲙⲡⲉⲥⲡⲩⲣⲅⲟⲥ ⲁϥϣⲱⲗ ⲛⲛⲉⲥⲡⲗⲁϯⲁ ⲡⲉⲥⲕⲟⲥⲙⲟⲥ ⲁϥⲕⲁⲁϥ ⲛⲁⲥ ⲉⲩⲛⲟϭⲛⲉϭ

15 ⲁϥϫⲓ ⲛⲁⲣⲫⲁⲝⲁⲇ ϩⲙⲡⲧⲟⲟⲩ ⲛϩⲣⲁⲅⲁⲩ ⲁϥⲕⲟⲛⲥϥ ϩⲣⲁⲓ ϩⲛⲛⲉϥϫⲉⲃⲏⲗ ⲁⲩⲱ ⲁϥⲃⲟⲧϥ ⲉⲃⲟⲗ ϣⲁϩⲣⲁⲓ ⲉⲡⲉϩⲟⲟⲩ ⲉⲧⲙⲙⲁⲩ

16 ⲁϥⲕⲧⲟϥ ⲛⲙⲙⲁⲩ ⲛⲧⲟϥ ⲙⲛⲧⲉϥⲁϥϣⲏ ⲛⲛⲣⲱⲙⲉ ⲛⲛⲣⲉϥⲙⲓϣⲉ ⲉⲧⲛⲁϣⲱⲟⲩ ⲉⲙⲁⲧⲉ ⲁⲩⲱ ⲛⲉϥϩⲙ ⲡⲙⲁ ⲉⲧⲙⲙⲁⲩ ⲉϥϯ ⲙⲙⲟϥ ⲛⲧⲙⲛⲧϣⲛⲁ ⲙⲛⲡⲟⲩⲛⲟϥ ϩⲙⲡⲥⲱ ⲙⲡⲏⲣⲡ ⲙⲛⲡⲉϥⲙⲏⲏϣⲉ ⲛⲁⲁϣⲉϫⲟⲩⲱⲧ ⲛϩⲟⲟⲩ