Home › Reader › Joel › Joel 3 › Coptic (Sahidic)
Read Joel 3 side by side with translations · All chapters of Joel
1 ⲁⲩⲱ ⲥⲛⲁϣⲱⲡⲉ ⲙⲛⲛⲥⲁⲛⲁⲓ ϯⲛⲁⲡⲱϩⲧ ⲉⲃⲟⲗ ϩⲙⲡⲁⲡⲛⲉⲩⲙⲁ ⲉϫⲛⲥⲁⲣⲝ ⲛⲓⲙ ⲛⲥⲉⲡⲣⲟⲫⲏⲧⲉⲩⲉ ⲛϭⲓⲛⲉⲧⲛϣⲏⲣⲉ ⲙⲛⲛⲉⲧⲛϣⲉⲉⲣⲉ ⲁⲩⲱ ⲛⲉⲧⲛϩⲗⲗⲟ ⲥⲉⲛⲁⲡⲱⲱⲣⲉ ⲛϩⲉⲛⲣⲁⲥⲟⲩ ⲁⲩⲱ ⲛⲉⲧⲛϩⲣϣⲓⲣⲉ ⲥⲉⲛⲁⲛⲁⲩ ⲉϩⲉⲛϩⲟⲣⲁⲥⲓⲥ
2 ⲛⲁⲕⲉϩⲙϩⲁⲗ ⲛϩⲟⲟⲩⲧ ⲙⲛⲛⲁⲕⲉϩⲙϩⲁⲗ ⲛⲥϩⲓⲙⲉ ϩⲛⲛⲉϩⲟⲟⲩ ⲉⲧⲙⲙⲁⲩ ϯⲛⲁⲡⲱϩⲧ ⲉϫⲱⲟⲩ ⲉⲃⲟⲗ ϩⲙⲡⲁⲡⲛⲉⲩⲙⲁ ⲛⲥⲉⲡⲣⲟⲫⲏⲧⲉⲩⲉ
3 ⲛⲧⲁϯ ⲛϩⲉⲛϣⲡⲏⲣⲉ ϩⲛⲧⲡⲉ ⲛⲧⲡⲉ ⲁⲩⲱ ϩⲉⲛⲙⲁⲉⲓⲛ ⲙⲡⲉⲥⲏⲧ ϩⲓϫⲙⲡⲕⲁϩ ⲉⲟⲩⲥⲛⲟϥ ⲙⲛⲟⲩⲕⲱϩⲧ ⲙⲛⲟⲩⲗϩⲱⲃ ⲛⲕⲁⲡⲛⲟⲥ
4 ⲡⲣⲏ ⲛⲁⲕⲟⲧϥ ⲉⲩⲕⲁⲕⲉ ⲁⲩⲱ ⲡⲟⲟϩ ⲉⲩⲥⲛⲟϥ ⲉⲙⲡⲁⲧⲉϥⲓ ⲛϭⲓⲡⲛⲟϭ ⲛϩⲟⲟⲩ ⲙⲡϫⲟⲉⲓⲥ ⲉⲧⲟⲩⲱⲛϩ ⲉⲃⲟⲗ
5 ⲁⲩⲱ ⲥⲛⲁϣⲱⲡⲉ ⲟⲩⲟⲛ ⲛⲓⲙ ⲉⲧⲛⲁⲉⲡⲓⲕⲁⲗⲉⲓ ⲙⲡⲣⲁⲛ ⲙⲡϫⲟⲉⲓⲥ ϥⲛⲁⲟⲩϫⲁⲓ ϫⲉϥⲛⲁϣⲱⲡⲉ ⲛϭⲓⲡⲉⲧⲛⲁⲟⲩϫⲁⲓ ϩⲙⲡⲧⲟⲟⲩ ⲛⲥⲓⲱⲛ ⲁⲩⲱ ϩⲛⲧϩⲓⲉⲣⲟⲩⲥⲁⲗⲏⲙ ⲉⲃⲟⲗ ϫⲉⲁⲡϫⲟⲉⲓⲥ ϫⲟⲟⲥ ⲁⲩⲱ ⲡⲉⲧⲉⲩⲁⲅⲅⲉⲗⲓⲍⲉ ⲛⲛⲉⲛⲧⲁⲡϫⲟⲉⲓⲥ ⲧⲁϩⲙⲟⲩ
← Joel 2 · Joel 4 → · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)