Read Job 40 side by side with translations · The Final Bible
8 .. ⲛⲅⲙⲉϩⲛⲉⲩϩⲟ ⲛϣⲓⲡⲉ
9 ⲧⲁϩⲟⲙⲟⲗⲟⲅⲉⲓ ϫⲉⲟⲩⲛϭⲟⲙ ⲛⲧⲉⲕⲟⲩⲛⲁⲙ ⲛⲧⲁⲛϩⲟ
10 ⲁⲗⲗⲁ ⲉⲓⲥ ⲟⲩⲑⲏⲣⲓⲟⲛ ϩⲁⲧⲏⲕ ⲉϥⲟⲩⲉⲙⲭⲟⲣⲧⲟⲥ ⲛⲧϩⲉ ⲛⲟⲩⲙⲁⲥⲉ
11 ⲉⲓⲥ ϩⲏⲏⲧⲉ ⲉⲣⲉⲧⲉϥϭⲟⲙ ϩⲓⲧⲉϥϯⲡⲉ ⲁⲩⲱ ⲉⲣⲉⲧⲉϥⲛⲟⲙⲧⲉ ϩⲓϫⲛⲧϩⲉⲗⲡⲉ ⲛϩⲏⲧϥ
12 ⲁϥⲧⲁϩⲉⲡⲉϥⲥⲉⲓⲁⲧ ⲉⲣⲁⲧϥ ⲛⲧϩⲉ ⲛⲟⲩⲕⲩⲣⲓⲥⲥⲟⲥ ⲁⲩⲱ ⲛⲉϥⲙⲟⲩⲧⲉ ϭⲗⲙⲗⲱⲙ
13 ϩⲉⲛⲥⲡⲓⲣⲟⲟⲩⲉ ⲙⲡⲉⲛⲓⲡⲉ ⲛⲉ ⲛⲉϥⲥⲡⲓⲣⲟⲟⲩⲉ ⲁⲩⲱ ⲟⲩⲡⲉⲛⲓⲡⲉ ⲛⲟⲩⲱⲧϩ ⲡⲉ ⲡⲕⲁⲥ ⲛⲧⲉϥϫⲓⲥⲉ
14 ⲉⲧⲉⲡⲁⲓ ⲡⲉ ⲡⲉϩⲟⲩⲉⲓⲧ ⲙⲡⲗⲁⲥⲙⲁ ⲙⲡϫⲟⲉⲓⲥ ⲛⲧⲁϥⲧⲁⲙⲓⲟϥ ⲉⲥⲱⲃⲉ ⲙⲙⲟϥ ⲉⲃⲟⲗ ϩⲓⲧⲛⲛⲉϥⲁⲅⲅⲉⲗⲟⲥ
15 ⲁϥⲁⲗⲉ ⲉϫⲛⲟⲩⲧⲟⲟⲩ ⲛⲕⲟⲟϩ ⲁϥⲉⲓⲣⲉ ⲛⲟⲩⲣⲁϣⲉ ϩⲛⲛⲧⲃⲛⲟⲟⲩⲉ ϩⲛⲁⲙⲛⲧⲉ
16 ⲉϥⲛⲕⲟⲧⲕ ϩⲁϣⲏⲛ ⲛⲓⲙ ϩⲁⲧⲛⲟⲩϫⲟⲟⲩϥ ⲙⲛⲟⲩⲕⲁϣ ⲙⲛⲟⲩⲧⲣⲃⲏⲓⲛ
17 ⲥⲉϫⲓϩⲁⲓⲃⲉⲥ ⲛϩⲏⲧϥ ⲥⲉϫⲓϩⲁⲓⲃⲉⲥ ⲛϩⲏⲧϥ ⲛϭⲓⲛⲛⲟϭ ⲛϣⲏⲛ ⲙⲛⲛⲉⲩⲧⲁⲣ ⲁⲩⲱ ⲛϣⲗϩ ⲙⲡϣⲏⲧⲥ
18 ⲉⲣϣⲁⲛⲧⲉⲙⲏⲣⲉ ⲇⲉ ϣⲱⲡ ⲉⲙⲉϥⲁⲓⲥⲑⲁⲛⲉ
20 ⲕⲛⲁⲉⲓⲛⲉ ⲇⲉ ⲙⲡⲉⲇⲣⲁⲕⲱⲛ ϩⲛⲟⲩⲟⲉⲓⲙⲉ ⲕⲛⲁϯ ⲇⲉ ⲛⲟⲩϣⲧⲟⲃ ⲉⲣⲛ ϣⲁⲁⲛⲧϥ
21 ⲕⲛⲁⲟⲩⲱⲧϥ ⲇⲉ ⲙⲡⲉϥⲥⲡⲟⲧⲟⲩ ϩⲛⲟⲩϩⲁⲗⲁⲕ
22 ϥⲛⲁϫⲱ ⲇⲉ ⲛⲁⲕ ⲛⲟⲩⲥⲟⲡⲥ ⲛⲕⲱⲣϣ ϩⲛⲟⲩⲑⲃⲃⲓⲟ
23 ϥⲛⲁⲥⲙⲓⲛⲉ ⲇⲉ ⲛⲙⲙⲁⲕ ⲛⲟⲩⲇⲓⲁⲑⲏⲕⲏ ⲕⲛⲁϫⲓⲧϥ ⲇⲉ ⲛϩⲙϩⲁⲗ ϣⲁⲉⲛⲉϩ
24 ⲕⲛⲁⲥⲱⲃⲉ ⲇⲉ ⲙⲙⲟϥ ⲛⲧϩⲉ ⲛⲟⲩϩⲁⲗⲏⲧ ⲏ ⲕⲛⲁⲙⲟⲣϥ ⲛⲧϩⲉ ⲛⲟⲩϫⲁϫ ⲉⲧⲟⲟⲧϥ ⲛⲟⲩϣⲏⲣⲉ ϣⲏⲙ
25 ⲉⲣⲉⲛϩⲉⲑⲛⲟⲥ ⲥⲁⲁⲛϣ ⲛϩⲏⲧϥ ⲉⲣⲉⲛϩⲉⲑⲛⲟⲥ ⲛⲛⲉⲫⲟⲓⲛⲓⲝ ⲡⲱϣ ⲙⲙⲟϥ
26 ⲉⲣϣⲁⲛϫⲟⲉⲓ ⲇⲉ ⲛⲓⲙ ⲉⲓ ⲉⲩⲙⲁ ⲛⲟⲩⲱⲧ ⲛⲛⲉⲩⲉϣϥⲓ ϩⲁⲟⲩϣⲛϥⲉ ⲛⲟⲩⲱⲧ ⲙⲡⲉϥⲥⲉⲓⲁⲧ
27 ⲕⲛⲁⲧⲁⲗⲟ ⲛⲧⲉⲕϭⲓϫ ⲉϫⲱϥ ⲉⲁⲕⲣⲡⲙⲉⲉⲩⲉ ⲙⲡⲡⲟⲗⲉⲙⲟⲥ ⲉⲧϣⲟⲟⲡ ϩⲙⲡⲉϥⲥⲱⲙⲁ ⲉⲧⲙⲧⲣⲉϥⲥⲱⲧ ⲉϣⲱⲡⲉ
Job 39 · Job 41 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)