Read Job 35 side by side with translations · The Final Bible
1 ܘܥܢܐ ܐܠܝܗܘ ܘܐܡܪ
2 ܒܗܕܐ ܐܬܚܫܒܬ ܒܕܝܢܐ ܕܐܡܪܬ ܐܙܕܕܩܬ ܡܢ ܐܠܗܐ
3 ܐܢ ܐܡ̇ܪ ܐܢܬ ܡܢܐ ܡܘܬܪ ܐܢܬ ܥܠ ܢܦܫܟ ܘܡܢܐ ܝܘܬܪܢܐ ܕܐܚܝܒܟ
4 ܐܢܐ ܐܬܝܒܟ ܡ̈ܠܐ ܘܐܦ ܠܪ̈ܚܡܝܟ ܥܡܟ
5 ܚܘܪ ܒܫܡܝܐ ܘܐܬܒܩܐ ܒܥ̈ܢܢܐ ܕܪ̈ܡܢ ܡܢܟ
6 ܐܢ ܚ̇ܛܐ ܐܢܬ ܡܢܐ ܥ̇ܒܕ ܐܢܬ ܠܗ ܘܐܢ ܣ̇ܓܐ ܥܘܠܟ ܡܢܐ ܬܥܒܕ ܠܗ
7 ܘܐܢ ܗܘ̇ܐ ܐܢܬ ܙܕܝܩ ܡܢܐ ܡܘܬܪ ܐܢܬ ܠܗ ܐܘ ܡܢܐ ܢ̇ܣܒ ܡܢܟ
8 ܠܢܦܫܟ ܗܘ ܪܘܫܥܟ ܘܠܢܦܫܟ ܗܝ ܙܕܝܩܘܬܟ
9 ܡܢ ܣܘܓܐܐ ܕܛܠܘܡܝܐ ܡܝܠܠܝܢ ܘܓܥܝܢ ܡܢ ܥܘܠܐ ܣ̈ܓܝܐܐ
10 ܘܠܐ ܐܡܪܘ ܐܝܟܘ ܐܠܗܐ ܕܥܒܕܢ ܕܝܗܒ ܡܚܫܒܬܐ ܒܠܠܝܐ
11 ܡܢ ܩܕܡ ܚܝܘܬܐ ܕܐܪܥܐ ܘܡܢ ܦܪܚܬܐ ܕܫܡܝܐ ܚܟܡܢ
12 ܬܡܢ ܓܥܝܢ ܘܠܐ ܥܢ̇ܐ ܠܗܘܢ ܡܛܠ ܓܐܝܘܬܐ ܕܒܝ̈ܫܐ
13 ܣܪܝܩܐܝܬ ܠܐ ܫܡ̇ܥ ܐܠܗܐ ܐܦ ܠܐ ܐܠܗܐ ܡܫܒܚ ܠܗ
14 ܘܐܦܢ ܐܡܪܬ ܠܐ ܬܫܒܚܝܘܗܝ ܕܘܢ ܩܕܡܘܗܝ ܘܐܬܟܫܦ ܠܗ
15 ܕܗܫܐ ܠܐ ܦܩ̇ܕ ܪܘܓܙܗ ܘܠܐ ܡܒܐܫ ܠܢܦܫܐ
16 ܘܐܝܘܒ ܣܪܝܩܐܝܬ ܦܬܚ ܦܘܡܗ ܘܕܠܐ ܒܝܕܥܬܐ ܡܣܓܐ ܡ̈ܠܐ
Job 34 · Job 36 · Hebrew (Masoretic) · Greek (Septuagint / SBLGNT) · Latin (Vulgate) · Coptic (Sahidic)