Read Job 34 side by side with translations · The Final Bible
1 ⲁⲉⲗⲓⲟⲩⲥ ⲇⲉ ⲟⲩⲱϣϥ ⲡⲉϫⲁϥ
2 ϫⲉⲥⲱⲧⲙ ⲉⲣⲟⲓ ⲛⲥⲟⲫⲟⲥ ⲛⲉⲧⲥⲟⲟⲩⲛ ⲛϫⲓⲥⲙⲏ ⲉⲡⲡⲉⲧⲛⲁⲛⲟⲩϥ ϫⲉⲁⲓⲱⲃ ϫⲟⲟⲥ ϫⲉⲁⲛⲅ ⲟⲩϭ ⲇⲓⲕⲁⲓⲟⲥ ⲁⲡϫⲟⲉⲓⲥ ⲇⲉ ⲕⲱ ⲛⲥⲱϥ ⲙⲡⲁϩⲁⲡ
6 ⲁϥϫⲓϭⲟⲗ ⲇⲉ ⲉⲡⲁⲕⲣⲓⲙⲁ
8 ⲙⲡⲓⲣⲛⲟⲃⲉ ⲁⲩⲱ ⲙⲡⲉⲓⲣϣⲁⲛⲧⲉ ⲙⲡⲓⲕⲟⲓⲛⲱⲛⲉⲓ ⲉⲧⲉϩⲓⲏ ⲙⲛⲛⲉⲧⲉⲓⲣⲉ ⲛⲛⲁⲛⲟⲙⲟⲛ ⲉⲧⲣⲁⲃⲱⲕ ⲙⲛⲛⲁⲥⲉⲃⲏⲥ
9 ⲙⲡⲣϫⲟⲟⲥ ⲅⲁⲣ ϫⲉⲙⲛϭⲙⲡϣⲓⲛⲉ ϣⲟⲟⲡ ⲙⲡⲣⲱⲙⲉ ⲁⲩⲱ ϭⲙⲡϣⲓⲛⲉ ⲉⲃⲟⲗ ϩⲓⲧⲙⲡⲉϥϫⲟⲉⲓⲥ
10 ⲉⲧⲃⲉⲡⲁⲓ ⲛⲥⲟⲫⲟⲥ ϩⲙⲡⲉⲩϩⲏⲧ ⲥⲱⲧⲙ ⲉⲣⲟⲓ ⲛⲛⲉⲥϣⲱⲡⲉ ⲉⲧⲣⲁⲣⲛⲟⲃⲉ ⲙⲡⲙⲧⲟ ⲉⲃⲟⲗ ⲙⲡϫⲟⲉⲓⲥ ⲁⲩⲱ ⲉϣⲧⲟⲣⲧⲣ ⲛⲧⲙⲛⲧⲙⲉ ⲙⲡⲙⲧⲟ ⲉⲃⲟⲗ ⲙⲡⲡⲁⲛⲧⲟⲕⲣⲁⲧⲱⲣ
11 ⲁⲗⲗⲁ ⲉϥϯ ⲙⲡⲣⲱⲙⲉ ⲕⲁⲧⲁⲧϩⲉ ⲉⲧⲉⲣⲉⲡⲟⲩⲁ ⲡⲟⲩⲁ ⲉⲓⲣⲉ ⲙⲙⲟⲥ
12 ⲉⲕⲙⲉⲉⲩⲉ ⲇⲉ ϫⲉⲉⲣⲉⲡϫⲟⲉⲓⲥ ⲛⲁⲣ ⲛⲉⲧⲉⲙⲉϣϣⲉ ⲏ ϫⲉⲡⲡⲁⲛⲧⲟⲕⲣⲁⲧⲱⲣ ⲛⲁϣⲧⲣⲧⲣ ⲡϩⲁⲡ
13 ⲡⲉⲛⲧⲁϥⲧⲁⲙⲓⲉ ⲧⲡⲉ ⲙⲛⲡⲕⲁϩ ⲛⲓⲙ ⲡⲉⲛⲧⲁϥⲧⲁⲙⲉⲓⲉⲧⲡⲉⲙⲛ ⲡⲕⲁϩ ⲙⲛⲛⲉⲧⲛϩⲏⲧϥ ⲧⲏⲣⲟⲩ
14 ⲉϥϣⲁⲛⲟⲩⲱϣ ⲅⲁⲣ ⲉⲙⲁϩⲧⲉ ⲁⲩⲱ ⲉⲕⲁⲡⲉⲡⲛⲁ ϩⲁϩⲧⲏϥ
15 ⲥⲁⲣⲝ ⲛⲓⲙ ⲛⲁⲙⲟⲩ ϩⲓⲟⲩⲥⲟⲡ ⲣⲱⲙⲉ ⲇⲉ ⲛⲓⲙ ⲛⲁⲕⲧⲟϥ ⲉⲡⲕⲁϩ ⲡⲙⲁ ⲛⲧⲁⲩⲡⲗⲁⲥⲥⲉ ⲙⲙⲟϥ ⲛϩⲏⲧϥ
16 ⲉϣϫⲉ ⲛⲅⲛⲁϫⲓⲥⲃⲱ ⲁⲛ ⲉⲥⲱⲧⲙ ⲉⲛⲁⲓ ϫⲓⲥⲙⲏ ⲉⲡⲉϩⲣⲟⲟⲩ ⲛϩⲉⲛϣⲁϫⲉ
17 ⲉϣϫⲉ ⲛⲧⲟⲕ ⲕⲣϣⲁⲛⲧⲉ ⲉⲡⲉⲧⲙⲟⲥⲧⲉ ⲙⲡⲛⲟⲃⲉ ⲁⲩⲱ ⲡⲉⲧⲧⲁⲕⲟ ⲛⲙⲡⲟⲛⲉⲣⲟⲥ ⲉⲩϣⲁⲉⲛⲉϩ ⲡⲉ ⲛⲇⲓⲕⲁⲓⲟⲥ
18 ⲡⲉⲧϫⲱ ⲙⲙⲟⲥ ⲛⲟⲩⲣⲣⲟ ϫⲉⲉⲕⲡⲁⲣⲁⲛⲟⲙⲉⲓ
19 ⲡⲁⲓ ⲉⲧⲉⲙⲉϥϣⲓⲡⲉ ϩⲏⲧϥ ⲙⲡϩⲟ ⲙⲡⲉⲧⲧⲁⲓⲏⲩ ⲁⲩⲱ ⲛϥⲥⲟⲟⲩⲛ ⲁⲛ ⲛϯⲧⲁⲉⲓⲟ ⲛⲛϫⲱⲱⲣⲉ ⲣϣⲡⲏⲣⲉ ⲛⲛⲉⲩϩⲟ ϩⲉⲛⲡⲉⲧϣⲟⲩⲉⲓⲧ ⲅⲁⲣ ⲛⲉ ⲛⲉⲧϣⲟⲟⲡ ⲙⲙⲟⲟⲩ ϩⲙⲡⲉⲣⲏⲩϫⲓϣⲕⲁⲕ ⲉⲃⲟⲗ ⲁⲩⲱ ⲉⲧⲉⲃϩ ⲣⲱⲙⲉ .
20 ⲁⲩⲣϩⲱⲃ ⲅⲁⲣ ⲡⲁⲣⲁⲡⲛⲟⲙⲟⲥ ϩⲙⲡϩⲟϫϩϫ ⲛⲛϭⲱⲃ
21 ϥⲛⲁⲩ ⲅⲁⲣ ⲛⲧⲟϥ ⲉⲛⲉϩⲃⲏⲩⲉ ⲛⲛⲣⲱⲙⲉ ⲙⲛⲗⲁⲁⲩ ⲇⲉ ⲟⲃϣ ⲉⲣⲟϥ ⲛⲛⲉⲧⲟⲩⲉⲓⲣⲉ ⲙⲙⲟⲟⲩ
22 ⲁⲩⲱ ⲙⲛⲙⲁ ⲛϣⲱⲡⲉ ⲉⲧⲣⲉⲛⲣⲉϥⲣⲛⲟⲃⲉ ϩⲟⲡⲟⲩ
23 ⲡϫⲟⲉⲓⲥ ⲅⲁⲣ ⲛⲁⲩ ⲉⲟⲩⲟⲛ ⲛⲓⲙ
24 ⲡⲉⲧⲧⲁϩⲟ ⲛⲛⲉⲓⲁⲧⲁ ⲣⲏϫⲛⲟⲩ ⲛⲉⲧϩⲁⲉⲟⲟⲩ ⲁⲩⲱ ⲛⲉⲓϣⲡⲏⲣⲉ ⲉⲧⲉⲙⲛⲧⲟⲩⲏⲡⲉ
25 ⲡⲉⲧⲉⲓⲙⲉ ⲉⲛⲉⲩϩⲃⲏⲩⲉ ⲧⲏⲣⲟⲩ
26 ⲁϥⲱϣⲙ ⲇⲉ ⲛⲛⲁⲥⲉⲃⲏⲥ ⲥⲉⲟⲩⲟⲛϩ ⲇⲉ ⲉⲃⲟⲗ ⲙⲡⲉϥⲙⲧⲟ ⲉⲃⲟⲗ
27 ϫⲉⲁⲩⲣⲁⲕⲧⲟⲩ ⲉⲃⲟⲗ ⲙⲡⲛⲟⲙⲟⲥ ⲙⲡⲛⲟⲩⲧⲉ ⲁⲩⲱ ⲙⲡⲟⲩⲥⲟⲩⲛ ⲛⲉϥⲇⲓⲕⲁⲓⲱⲙⲁ
34 ⲉⲧⲃⲉⲡⲁⲓ ⲛⲥⲁⲃⲉ ϩⲙⲡⲉⲩϩⲏⲧ ⲛⲁϫⲉ ⲛⲁⲓ ⲁⲩⲣⲱⲙⲉ ⲛⲥⲟⲫⲟⲥ ⲥⲱⲧⲙ ⲉⲡⲁϣⲁϫⲉ
35 ⲙⲡⲉⲓⲱⲃ ⲇⲉ ϣⲁϫⲉ ϩⲛⲟⲩⲙⲛⲧⲣⲙⲛⲧϩⲏⲧ ⲁⲩⲱ ⲛⲉϥϣⲁϫⲉ ϩⲛⲟⲩⲙⲛⲧⲥⲁⲃⲉ ⲁⲛ
36 ⲙⲙⲟⲛ ⲇⲉ ⲁⲗⲗⲁ ⲉⲓⲙⲉ ⲓⲱⲃ ⲙⲡⲣⲟⲩⲱϣⲃ ⲇⲉ ⲛⲧϩⲉ ⲛⲛⲉⲓⲁⲧϩⲏⲧ
37 ϫⲉⲛⲛⲉⲛⲟⲩⲱϩ ⲉϫⲛⲛⲉⲛⲛⲟⲃⲉ ⲛϥⲱⲡ ⲉⲣⲟⲛ ⲉⲩⲛⲟⲃⲉ ⲉⲛⲣϩⲁϩ ⲛϣⲁϫⲉ ⲙⲡⲙⲧⲟ ⲉⲃⲟⲗ ⲙⲡϫⲟⲉⲓⲥ
Job 33 · Job 35 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)