Read Job 3 side by side with translations · The Final Bible
1 ⲙⲛⲛⲥⲁⲛⲁⲓ ⲇⲉ ⲁⲓⲱⲃ ⲟⲩⲱⲛ ⲛⲣⲱϥ ⲁϥⲥϩⲟⲩⲣ ⲡⲉϥϩⲟⲟⲩ
2 ⲉϥϫⲱ ⲙⲙⲟⲥ
3 ϫⲉⲉⲣⲉⲡⲉϩⲟⲟⲩ ϩⲉ ⲉⲃⲟⲗ ⲛⲧⲁⲩϫⲡⲟⲓ ⲛϩⲏⲧϥ ⲁⲩⲱ ⲧⲉⲩϣⲏ ⲛⲧⲁⲩϫⲟⲟⲥ ϫⲉⲟⲩϣⲉⲣϩⲟⲟⲩⲧ ⲡⲉ
4 ⲉⲣⲉⲧⲉⲩϣⲏ ⲉⲧⲙⲙⲁⲩ ⲣⲕⲁⲁⲕⲉ ⲛⲛⲉⲡϫⲟⲉⲓⲥ ϣⲓⲛⲉ ⲛⲥⲱⲥ ϩⲛⲧⲡⲉ ⲛⲛⲉⲟⲩⲉⲓⲛ ⲉⲓ ⲉϩⲣⲁⲓ ⲉⲣⲟⲥ
5 ⲉⲣⲉⲡⲕⲁⲕⲉ ϫⲓⲧⲥ ⲙⲛⲧϩⲁⲓⲃⲉⲥ ⲙⲡⲙⲟⲩ ⲉⲣⲉⲟⲩ ϭⲟⲥⲙ ⲉⲓ ⲉϫⲱⲥ ⲡⲉϩⲟⲟⲩ ⲉⲧⲙⲙⲁⲩ ⲥϩⲟⲩⲟⲣⲧ
6 ⲙⲛⲧⲉⲩϣⲏ ⲉⲧⲙⲙⲁⲩ ⲉⲣⲉⲡⲕⲁⲕⲉ ϫⲓⲧϥ ⲛⲛⲉϥϣⲱⲡⲉ ⲉϩⲟⲟⲩ ⲛⲣⲟⲙⲡⲉ ⲛⲛⲉⲩⲟⲡϥ ⲉϩⲟⲟⲩ ⲛⲉⲃⲟⲧ
7 ⲁⲗⲗⲁ ⲉⲣⲉⲧⲉⲩϣⲏ ⲉⲧⲙⲙⲁⲩ ϣⲱⲡⲉ ⲙⲙⲟⲕϩⲥ ⲛⲛⲉⲟⲩⲛⲟϥ ⲉⲓ ⲉⲣⲟⲥ ⲟⲩⲇⲉ ⲣⲁϣⲉ
8 ⲁⲗⲗⲁ ⲉϥⲛⲁⲥϩⲟⲩⲱⲣⲥ ⲛϭⲓⲡⲉⲧⲛⲁⲥϩⲟⲩⲣ ⲡⲉϩⲟⲟⲩ ⲉⲧⲙⲙⲁⲩ ⲡⲉⲧⲛⲁⲕⲁⲕⲉ ⲡⲛⲟϭ ⲛⲕⲏⲧⲟⲥ
9 ⲉⲣⲉⲛⲥⲓⲟⲩ ⲛⲧⲉⲩϣⲏ ⲉⲧⲙⲙⲁⲩ ⲣⲕⲁⲕⲉ ⲁⲩⲱ ⲛⲛⲉⲩϩⲩⲡⲟⲙⲓⲛⲉ ⲛⲛⲉⲩⲉⲓ ⲉⲡⲟⲩⲉⲓⲛ ⲛⲛⲉⲥⲛⲁⲩ ⲉⲡⲥⲟⲩⲛϩⲧⲟⲟⲩⲉ ⲉϥⲛⲁϣⲁ
10 ϫⲉⲙⲡⲉⲥϣⲧⲁⲙ ⲉⲣⲛ ⲙⲡⲩⲗⲏ ⲛϩⲏⲧⲥ ⲛⲧⲁⲙⲁⲁⲩ ⲛⲉⲥⲛⲁⲧⲁⲗϭⲉⲛⲉⲓϩⲓⲥⲉ ⲅⲁⲣ ⲛⲛⲁϩⲣⲁⲓ ⲡⲉ
11 ⲉⲧⲃⲉⲟⲩ ⲅⲁⲣ ⲙⲡⲓⲙⲟⲩ ϩⲛⲧϩⲏ ⲛⲧⲉⲣⲓⲉⲓ ⲉⲃⲟⲗ ϩⲛⲧϩⲏ ⲙⲡⲓⲧⲁⲕⲟ ⲛⲧⲉⲩⲛⲟⲩ
12 ⲉⲧⲃⲉⲟⲩ ⲇⲉ ⲁⲛⲁⲡⲉⲓⲁⲧ ϫⲱⲥ ⲉⲧⲃⲉⲟⲩ ⲇⲉ ⲁⲓϫⲓⲉⲕⲓⲃⲉ
13 ⲛⲉⲓⲛⲁⲱⲃϣ ⲡⲉ ⲛⲧⲁⲙⲧⲟⲛ
14 ⲙⲛⲛⲉⲣⲱⲟⲩ ⲛⲃⲟⲗⲏⲩⲧⲏⲥ ⲙⲡⲕⲁϩ ⲛⲁⲓ ⲛⲧⲁⲩϫⲓⲥⲉ ⲙⲙⲟⲟⲩ ⲉϫⲛⲛⲉⲩⲥⲏϥⲉ
15 ⲏ ⲙⲛⲛⲁⲣⲭⲱⲛ ⲉⲧⲉⲣⲉⲡⲉⲩⲛⲟⲩⲃ ⲟϣ ⲛⲁⲓ ⲛⲧⲁⲩⲙⲉϩⲛⲉⲩⲏⲓ ⲛϩⲁⲧ
16 ⲛⲧϩⲉ ⲛⲟⲩϩⲟⲩϩⲉ ⲉϥⲛⲏⲩ ⲉⲃⲟⲗϩⲓ ⲧⲟⲟⲧϥ ⲛⲧⲉϥⲙⲁⲁⲩ ⲏ ⲛⲧϩⲉ ⲛⲛⲉⲓϣⲏⲣⲉ ϣⲏⲙ ⲉⲧⲉⲙⲡⲟⲩⲛⲁⲩ ⲉⲡⲟⲩⲟⲉⲓⲛ
17 ⲛⲧⲁⲛⲁⲥⲉⲃⲏⲥ ⲧⲙϩⲉ ⲡϭⲱⲛⲧ ⲛⲧⲉⲩⲟⲣⲅⲏ ⲙⲙⲁⲩ ⲛⲧⲁⲛⲉⲧϩⲟⲥⲉ ϩⲙⲡⲉⲩⲥⲱⲙⲁ ⲙⲧⲟⲛ ⲙⲙⲟⲟⲩ ⲙⲙⲁⲩ
18 ⲛϣⲁⲉⲛⲉϩ ⲇⲉ ϩⲓⲟⲩⲥⲟⲡ ⲉⲙⲡⲟⲩⲥⲱⲧⲙ ⲉⲧⲉⲥⲙⲏ ⲛⲣⲉϥϫⲓϣⲱⲙ
19 ⲉⲣⲉⲡⲕⲟⲩⲓ ⲙⲛⲡⲛⲟϭ ⲙⲙⲁⲩ ⲁⲩⲱ ⲡϩⲙϩⲁⲗ ⲉⲧⲣϩⲟⲧⲉ ϩⲏⲧϥ ⲙⲡⲉϥϫⲟⲉⲓⲥ
20 ⲉⲧⲃⲉⲟⲩ ⲅⲁⲣ ⲁⲩϯⲡⲟⲩⲟⲉⲓⲛ ⲛⲛⲉⲧϩⲛ ϩⲉⲛϩⲓⲥⲉ ⲁⲩⲱ ⲡⲱⲛϩ ⲛⲛⲉⲯⲩⲭⲏ ⲛⲛⲉⲧϩⲛ ⲙⲙⲟⲕϩⲥ
21 ⲛⲁⲓ ⲉⲧⲟⲩⲉϣⲡⲙⲟⲩ ⲙⲡⲟⲩϩⲉ ⲉⲣⲟϥ ⲉⲩϣⲓⲕⲉ ⲛⲥⲱϥ ⲛⲧϩⲉ ⲛϩⲉⲛⲁϩⲱⲣ
22 ϣⲁⲩⲣⲁϣⲉ ⲇⲉ ⲉⲩϣⲁⲛϩⲉ ⲉⲣⲟϥ
23 ⲡⲙⲟⲩ ⲅⲁⲣ ⲟⲩⲙⲧⲟⲛ ⲙⲡⲣⲱⲙⲉ ⲡⲉ ⲁⲡⲛⲟⲩⲧⲉ ⲅⲁⲣ ϣⲧⲟⲙ ⲉⲣⲱϥ
24 ϩⲁⲧϩⲏ ⲅⲁⲣ ⲛⲧⲁϩⲣⲉ ⲁⲩⲁϣⲁϩⲟⲙ ⲉⲓ ⲛⲁⲓ ϯⲣⲓⲙⲉ ⲇⲉ ⲁⲛⲟⲕ ⲉⲓϣⲟⲟⲡ ϩⲛⲟⲩϩⲟⲧⲉ
25 ⲧϩⲟⲧⲉ ⲅⲁⲣ ⲉⲛⲓϥⲉⲓ ⲙⲡⲉⲥⲣⲟⲟⲩϣ ⲁⲥⲓ ⲛⲁⲓ ⲁⲩⲱ ⲡⲉⲧⲓⲣϩⲟⲧⲉ ϩⲏⲧϥ ⲁϥⲧⲱⲙⲛⲧ ⲉⲣⲟⲓ
26 ⲙⲡⲓⲣⲉⲓⲣⲏ ⲛⲏⲙⲡⲉⲓⲕⲁⲣⲱⲓ ⲙⲡⲉⲓⲙⲧⲟⲛ ⲁⲩⲟⲣⲅⲏ ⲇⲉ ⲉⲓ ⲛⲁⲓ
Job 2 · Job 4 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)