Read Jeremiah 25 side by side with translations · The Final Bible
1 ⲡϣⲁϫⲉ ⲉⲛⲧⲁϥϣⲱⲡⲉ ϣⲁⲓⲉⲣⲏⲙⲓⲁⲥ ⲉϫⲙⲡⲗⲁⲟⲥ ⲧⲏⲣϥ ⲛⲧⲉⲓⲟⲩⲇⲁ ϩⲛⲧⲙⲉϩϥⲧⲟ ⲛⲣⲟⲙⲡⲉ ⲛⲓⲱⲁⲕⲉⲓⲙ ⲡϣⲏⲣⲉ ⲛⲓⲱⲥⲉⲓⲁⲥ ⲡⲣⲣⲟ ⲛⲓⲟⲩⲇⲁ
2 ⲡⲁⲓ ⲉⲛⲧⲁϥϫⲟⲟϥ ⲛⲛⲁϩⲣⲙⲡⲗⲁⲟⲥ ⲧⲏⲣϥ ⲛⲧⲉⲓⲟⲩⲇⲁ ⲙⲛⲛⲉⲧϣⲟⲟⲡ ϩⲛⲧϩⲓⲉⲣⲟⲩⲥⲁⲗⲏⲙ ...
14 ⲥⲉⲇⲉⲕⲓⲁⲥ ⲡⲣⲣⲟ ⲛⲓⲟⲩⲇⲁ ⲉϥϫⲱ ⲙⲙⲟⲥ ϫⲉ
15 ⲛⲁⲓ ⲛⲉⲧⲉⲣⲉⲡϫⲟⲉⲓⲥ ⲛⲛϭⲟⲙ ϫⲱ ⲙⲙⲟⲟⲩ ⲁⲣⲓⲟⲩⲱϣϥ ⲛⲧⲡⲓⲧⲉ ⲛⲁⲓⲗⲁⲙ ⲧⲁⲣⲭⲏ ⲛⲧⲉⲩϭⲟⲙ
16 ϯⲛⲁⲉⲓⲛⲉ ⲉϫⲛⲁⲓⲗⲁⲙ ⲛϥⲧⲟⲟⲩ ⲛⲧⲏⲩ ⲉⲃⲟⲗ ϩⲛⲛⲉϥⲧⲟⲟⲩ ⲛⲕⲟⲟϩ ⲛⲧⲡⲉ ⲛⲧⲁϫⲟⲟⲣⲟⲩ ⲉⲃⲟⲗ ϩⲛⲛⲧⲏⲩ ⲧⲏⲣⲟⲩ ⲛⲧⲡⲉ ⲁⲩⲱ ⲛⲧⲉⲧⲙϩⲉⲑⲛⲟⲥ ϣⲱⲡⲉ ⲉϥⲛⲟⲩⲉ ⲁⲛ ⲉⲓ ⲙⲙⲁⲩ ⲛⲉⲧⲛⲁϫⲟⲟⲣⲟⲩ ⲉⲁⲓⲗⲁⲙ
17 ϯⲛⲁϣⲧⲣⲧⲱⲣⲟⲩ ⲙⲡⲉⲙⲧⲟ ⲉⲃⲟⲗ ⲛⲛⲉⲩⲛⲉⲧⲕⲱⲧⲉ ⲛⲥⲁⲧⲉⲩⲯⲩⲭⲏ ⲁⲩⲱ ϯⲛⲁⲉⲓⲛⲉ ⲉϩⲣⲁⲓ ⲉϫⲱⲟⲩ ⲛⲧⲟⲣⲅⲏ ⲙⲡⲁϭⲱⲛⲧ ϯⲛⲁϫⲟⲟⲩ ⲛⲧⲁⲥⲏϥⲉ ϩⲓⲡⲁϩⲟⲩ ⲙⲙⲟⲟⲩ ϣⲁⲛⲧⲓϥⲟⲧⲟⲩ ⲉⲃⲟⲗ
18 ⲁⲩⲱ ϯⲛⲁⲕⲱ ⲙⲡⲁⲑⲣⲟⲛⲟⲥ ϩⲛⲁⲓⲗⲁⲙ ⲁⲩⲱ ϯⲛⲁϫⲟ ⲛⲟⲩⲣⲣⲟ ⲉⲃⲟⲗ ϩⲙⲡⲙⲁ ⲉⲧⲙⲙⲁⲩ ⲙⲛⲛϩⲉⲛⲙⲉⲅⲓⲥⲧⲁⲛⲟⲥ
19 ⲁⲩⲱ ⲥⲛⲁϣⲱⲡⲉ ϩⲛⲧϩⲁⲉ ⲛⲛⲉϩⲟⲟⲩ ϯⲛⲁⲕⲧⲟ ⲛⲧⲁⲓⲭⲙⲁⲗⲱⲥⲓⲁ ⲛ ⲁⲓⲗⲁⲙ ⲡⲉϫⲉⲡϫⲟⲉⲓⲥ
Jeremiah 24 · Jeremiah 26 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)