Read Isaiah 4 side by side with translations · The Final Bible
1 ܘܢܐ̈ܚܕܢ ܫܒܥ ܢܫ̈ܝܢ ܠܓܒܪܐ ܚܕ ܒܝܘܡܐ ܗ̇ܘ ܘܢܐܡܪ̈ܢ ܠܗ ܠܚܡܢ ܢܐܟܘܠ ܘܢܚ̈ܬܝܢ ܢܬܟܣܐ ܒܠܚܘܕ ܫܡܟ ܢܬܩܪܐ ܥܠܝܢ ܘܐܥܒܪ ܚܣܕܢ
2 ܒܗ ܒܝܘܡܐ ܗ̇ܘ ܢܗܘܐ ܕܢܚܗ ܕܡܪܝܐ ܠܫܘܒܚܐ ܘܠܐܝܩܪܐ ܘܦܐܪ̈ܐ ܕܐܪܥܐ ܠܓܐܝܘܬܐ ܘܠܫܘܒܚܐ ܠܡܕܡ ܕܐܫܬܚܪ ܡܢ ܐܝܣܪܝܠ
3 ܘܢܗܘܐ ܡ̇ܢ ܕܡܫܬܚܪ ܒܨܗܝܘܢ ܘܡ̇ܢ ܕܡܫܬܚܪ ܒܐܘܪܫܠܡ ܩܕܝܫܐ ܢܬܩܪܐ ܟܠ ܕܟܬܝܒ ܒܐܘܪܫܠܡ ܠܚ̈ܝܐ
4 ܘܢܫܝܓ ܡܪܝܐ ܨܐܬܐ ܕܒܢ̈ܬ ܨܗܝܘܢ ܘܕܡܐ ܢܪܚܩ ܡܢ ܓܘܗ̇ ܕܐܘܪܫܠܡ ܒܪܘܚܐ ܕܕܝܢܐ ܘܒܪܘܚܐ ܝܩܝܕܬܐ
5 ܘܢܒܪܐ ܡܪܝܐ ܥܠ ܟܠܗ ܡܬܩܢܐ ܠܛܘܪܐ ܕܨܗܝܘܢ ܥܠ ܚܕܪ̈ܝܗ̇ ܥܢܢܐ ܒܐܝܡܡܐ ܘܬܢܢܐ ܘܙܗܪܐ ܕܫܠܗܒܝܬܐ ܕܢܘܪܐ ܒܠܠܝܐ ܡܛܠ ܕܥܠ ܟܠ ܐܝܩܪ ܬܛܠ
6 ܘܣܬܪܐ ܢܗܘܐ ܠܛܠܠܐ ܕܝܘܡܐ ܡܢ ܫܘܒܐ ܠܡܟܣܝܘ ܘܠܡܣܬܪܘ ܡܢ ܙܪܝܦܬܐ ܘܡܢ ܡܛܪܐ
Isaiah 3 · Isaiah 5 · Hebrew (Masoretic) · Greek (Septuagint / SBLGNT) · Latin (Vulgate) · Coptic (Sahidic)