Genesis 9 — Coptic (Sahidic)

1 ⲁⲩⲱ ⲁⲡⲛⲟⲩⲧⲉ ⲥⲙⲟⲩ ⲉⲛⲱϩⲉ ⲙⲛⲛⲉϥϣⲏⲣⲉ ⲡⲉϫⲁϥ ⲛⲁⲩ ϫⲉⲁϣⲁⲓ ⲛⲧⲉⲧⲛⲛⲁⲁⲓⲁⲓ ⲛⲧⲉⲧⲛⲙⲉϩⲡⲕⲁϩ ⲛⲧⲉⲧⲛⲣϫⲟⲉⲓⲥ ⲉϫⲱϥ

2 ⲧⲉⲧⲛϩⲟⲧⲉ ⲙⲛⲡⲉⲧⲛⲥⲧⲱⲧ ⲉⲥⲉϣⲱⲡⲉ ⲉϩⲣⲁⲓ ⲉϫⲛⲛⲉⲑⲏⲣⲓⲟⲛ ⲧⲏⲣⲟⲩ ⲙⲡⲕⲁϩ ⲁⲩⲱ ⲉϫⲛⲛⲧⲃⲛⲟⲟⲩⲉ ⲛⲧⲥⲱϣⲉ ⲙⲛⲛϩⲁⲗⲁⲧⲉ ⲧⲏⲣⲟⲩ ⲛⲧⲡⲉ ⲁⲩⲱ ⲉϫⲛⲛⲉⲧⲕⲓⲙ ⲧⲏⲣⲟⲩ ϩⲓϫⲙⲡⲕⲁϩ ⲁⲩⲱ ⲉϫⲛⲛⲧⲃⲧ ⲧⲏⲣⲟⲩ ⲛⲧⲑⲁⲗⲁⲥⲥⲁ ⲁⲓϯ ⲙⲙⲟⲟⲩ ϩⲁⲛⲉⲧⲛϭⲓϫ

3 ⲁⲩⲱ ϫⲁⲧⲃⲉ ⲛⲓⲙ ⲉⲧⲟⲛϩ ⲉⲩⲉϣⲱⲡⲉ ⲛⲏⲧⲛ ⲉⲩⲟⲩⲱⲙ ⲛⲧϩⲉ ⲛⲛⲓⲟⲩⲟⲟⲧⲉ ⲛⲭⲟⲣⲧⲟⲥ ⲁⲓⲧⲁⲁⲩ ⲛⲏⲧⲛ ⲧⲏⲣⲟⲩ

4 ⲡⲗⲏⲛ ϣⲁⲧⲛ ⲁϥϥϩⲛⲟⲩⲥⲛⲟϥ ⲙⲯⲩⲭⲏ ⲛⲛⲉⲧⲛⲟⲩⲟⲙϥ

5 ⲕⲁⲓ ⲅⲁⲣ ⲡⲉⲥⲛⲟϥ ⲛⲛⲉⲧⲙⲯⲩⲭⲏ ϯⲛⲁϣⲓⲛⲉ ⲛⲥⲱϥ ⲉⲃⲟⲗ ϩⲛⲧϭⲓϫ ⲛⲛⲉⲑⲏⲣⲓⲟⲛ ⲧⲏⲣⲟⲩ ϯⲛⲁϣⲓⲛⲉ ⲛⲥⲁⲧⲉⲯⲩⲭⲏ ⲉⲃⲟⲗ ϩⲛⲧϭⲓϫ ⲙⲡⲉϥⲥⲟⲛ

6 ⲡⲉⲧⲛⲁⲡⲱϩⲧ ⲉⲃⲟⲗ ⲛⲟⲩⲥⲛⲟϥ ⲛⲣⲱⲙⲉ ⲥⲉⲛⲁⲡⲉϩⲉⲧⲡⲱϥ ⲉⲃⲟⲗ ⲉⲡⲉϥⲥⲛⲟϥ ϫⲛⲧⲁⲓⲧⲁⲙⲓⲉⲡⲣⲱⲙⲉ ϩⲛⲧϩⲓⲕⲱⲛ ⲙⲡⲛⲟⲩⲧⲉ

7 ⲛⲧⲱⲧⲛ ⲇⲉ ⲁϣⲁⲓ ⲛⲧⲉⲧⲛⲛⲁⲁⲓⲁⲓ ⲛⲧⲉⲧⲛⲙⲉϩⲡⲕⲁϩ ⲛⲧⲉⲧⲛⲣϫⲟⲉⲓⲥ ⲉϫⲱϥ

8 ⲡⲉϫⲁϥ ⲛϭⲓⲡⲛⲟⲩⲧⲉ ⲛⲛⲱϩⲉ ⲙⲛⲛⲉϥϣⲏⲣⲉ ⲛⲙⲙⲁϥ ⲉϥϫⲱ ⲙⲙⲟⲥ

9 ϫⲉⲉⲓⲥϩⲏⲏⲧⲉ ϩⲱ ϯⲛⲁⲥⲙⲓⲛⲉ ⲛⲧⲁⲇⲓⲁⲑⲏⲕⲏ ⲛⲙⲙⲏⲧⲛ ⲙⲛⲡⲉⲧⲛⲥⲡⲉⲣⲙⲁ ⲙⲛⲛⲥⲱⲧⲛ

10 ⲁⲩⲱ ⲯⲩⲭⲏ ⲛⲓⲙ ⲉⲧⲟⲛϩ ⲛⲙⲙⲏⲧⲛ ϫⲓⲛⲛϩⲁⲗⲁⲧⲉ ⲙⲛⲛⲧⲃⲛⲟⲟⲩⲉ ⲁⲩⲱ ⲛⲉⲑⲏⲣⲓⲟⲛ ⲧⲏⲣⲟⲩ ⲙⲡⲕⲁϩ ⲉⲧⲛⲙⲙⲏⲧⲛ ⲧⲏⲣⲟⲩ ⲉⲃⲟⲗ ϩⲛⲟⲩⲟⲛ ⲛⲓⲙ ⲛⲧⲁⲩⲉⲓ ⲉⲃⲟⲗ ϩⲛⲧⲕⲓⲃⲟⲩⲧⲟⲥ

11 ⲁⲩⲱ ϯⲛⲁⲥⲙⲓⲛⲉ ⲛⲧⲁⲇⲓⲁⲑⲏⲕⲏ ϣⲁⲣⲱⲧⲛ ⲁⲩⲱ ⲛⲛⲉⲥⲁⲣⲝ ⲛⲓⲙ ⲙⲟⲩ ϫⲓⲛⲉⲧⲉⲛⲟⲩ ⲉⲃⲟⲗ ϩⲙⲡⲙⲟⲟⲩ ⲙⲡⲕⲁⲧⲁⲕⲗⲏⲥⲙⲟⲥ ⲁⲩⲱ ⲛⲛⲉϥϣⲱⲡⲉ ϫⲓⲛⲉⲧⲉⲛⲟⲩ ⲛϭⲓⲕⲁⲧⲁⲕⲗⲏⲥⲙⲟⲥ ⲙⲙⲟⲟⲩ ⲉⲧⲁⲕⲉⲡⲕⲁϩ ⲧⲏⲣϥ

12 ⲡⲉϫⲉⲡϫⲟⲉⲓⲥ ⲡⲛⲟⲩⲧⲉ ⲛⲛⲱϩⲉ ϫⲉⲡⲁⲓ ⲡⲉ ⲡⲙⲁⲉⲓⲛ ⲛⲧⲁⲇⲓⲁⲑⲏⲕⲏ ⲡⲁⲓ ⲁⲛⲟⲕ ⲉϯⲛⲁⲧⲁⲁϥ ϩⲛⲧⲁⲙⲏⲧⲉ ⲙⲛⲧⲉⲧⲛⲙⲏⲧⲉ ⲁⲩⲱ ⲛⲧⲙⲏⲧⲉ ⲙⲯⲩⲭⲏ ⲛⲓⲙ ⲉⲧⲟⲛϩ ⲧⲁⲓ ⲉⲧⲛⲙⲙⲏⲧⲛ ⲉϩⲉⲛϫⲱⲙ ϣⲁⲉⲛⲉϩ

13 ϯⲛⲁⲕⲱ ⲛⲧⲁⲡⲓⲧⲉ ϩⲛⲧⲕⲗⲟⲟⲗⲉ ⲁⲩⲱ ⲥⲛⲁϣⲱⲡⲉ ⲉⲩⲙⲁⲉⲓⲛ ⲛⲇⲓⲁⲑⲏⲕⲏ ⲛϣⲁ ⲉⲛⲉϩ ϩⲛⲧⲁⲙⲏⲧⲉ ⲙⲛⲧⲙⲏⲧⲉ ⲙⲡⲕⲁϩ

14 ⲁⲩⲱ ⲉⲥⲉϣⲱⲡⲉ ⲉⲓϣⲁⲛϭⲉⲧⲉⲡⲧⲡⲉ ⲛⲕⲗⲟⲟⲗⲉ ⲉϫⲙⲡⲕⲁϩ ⲧⲁⲡⲓⲧⲉ ⲉⲥⲉⲟⲩⲱⲛϩ ⲉⲃⲟⲗ ϩⲛⲧⲕⲗⲟⲟⲗⲉ

15 ⲁⲩⲱ ϯⲛⲁⲉⲣⲡⲙⲉⲉⲩⲉ ⲛⲧⲁⲇⲓⲁⲑⲏⲕⲏ ⲧⲁⲓ ⲉⲧϩⲛⲧⲁⲙⲏⲧⲉ ⲙⲛⲧⲉⲧⲛⲙⲏⲧⲉ ⲁⲩⲱ ⲛⲧⲙⲏⲧⲉ ⲙⲯⲩⲭⲏ ⲛⲓⲙ ⲉⲧⲟⲛϩ ϩⲛⲥⲁⲣⲉⲝ ⲛⲓⲙ ⲁⲩⲱ ⲛⲛⲉⲡⲙⲟⲟⲩ ϣⲱⲡⲉ ϫⲓⲛⲉⲡⲓⲛⲁⲩ ⲉⲩⲕⲁⲧⲁⲕⲗⲏⲥⲙⲟⲥ ϩⲱⲥⲧⲉ ⲉⲃⲱⲧⲉ ⲉⲃⲟⲗ ⲛ ⲛⲓⲙ

16 ⲉⲣⲉⲧⲁⲡⲓⲧⲉ ϣⲱⲡⲉ ϩⲛⲧⲕⲗⲟⲟⲗⲉ ⲁⲩⲱ ϯⲛⲁⲛⲁⲩ ⲉⲡⲉⲣⲡ ⲛⲧⲁϯⲁⲑⲏⲕⲏ ϣⲁⲉⲛⲉϩ ϩⲛⲧⲁⲙⲏⲧⲉ ⲁⲩⲱ ϩⲛⲧⲙⲏⲧⲉ ⲙⲯⲩⲭⲏ ⲛⲓⲙ ⲉⲧⲟⲛϩ ϩⲛⲥⲁⲣⲉⲝ ⲛⲓⲙ ⲉⲧϩⲓϫⲛ ⲡⲕⲁϩ

17 ⲡⲉϫⲉⲡϫⲟⲉⲓⲥ ⲡⲛⲟⲩⲧⲉ ⲛⲛⲱϩⲉ ϫⲉⲡⲁⲓ ⲡⲉ ⲡⲙⲁⲉⲓⲛ ⲛⲧⲇⲓⲁⲑⲏⲕⲏ ⲉⲛⲧⲁⲓⲕⲁⲁⲥ ⲛⲧⲁⲙⲏⲧⲉ ⲁⲩⲱ ⲛⲧⲙⲏⲧⲉ ⲛⲥⲁⲣⲝ ⲛⲓⲙ ⲉⲧϩⲓϫⲙ ⲡⲕⲁϩ

18 ⲛϣⲏⲣⲉ ⲇⲉ ⲛⲛⲱϩⲉ ⲉⲛⲧⲁⲩⲉⲓ ⲉⲃⲟⲗ ϩⲛⲧⲕⲓⲃⲱⲧⲟⲥ ⲡⲉ ⲥⲏⲙ ⲭⲁⲙ ⲓⲁⲫⲉⲧ ⲭⲁⲙ ⲇⲉ ⲡⲉ ⲡⲉⲓⲱⲧ ⲛⲭⲁⲛⲁⲁⲛ

19 ⲛⲁⲓ ⲛⲉ ⲡϣⲟⲙⲧ ⲛϣⲏⲣⲉ ⲛⲛⲱϩⲉ ⲉⲃⲟⲗ ϩⲛⲛⲁⲓ ⲛⲧⲁⲩϫⲱⲱⲣⲉ ⲉⲃⲟⲗ ϩⲓϫⲙⲡⲕⲁϩ ⲧⲏⲣϥ

20 ⲛⲱϩⲉ ⲇⲉ ⲛⲉⲩⲣⲱⲙⲉ ⲛⲟⲩⲟⲉⲓⲏ ⲡⲉ ⲁϥⲁⲣⲭⲉⲓ ⲛⲧⲱϭⲉ ⲛⲟⲩⲙⲁ ⲛⲉⲗⲟⲟⲗⲉ

21 ⲁⲩⲱ ⲁϥⲥⲱ ⲉⲃⲟⲗ ϩⲙⲡⲉϥⲏⲣⲉⲡ ⲁϥϯϩⲉ ⲁϥⲕⲱⲕⲁϩⲏⲩ ϩⲛⲡⲉϥⲏⲓ

22 ⲁϥⲛⲁⲩ ⲇⲉ ⲛϭⲓⲭⲁⲙ ⲡⲉⲓⲱⲧ ⲛⲭⲁⲛⲁⲁⲛ ⲉⲡⲕⲱⲕⲁϩⲏⲩ ⲙⲡⲉϥⲉⲓⲱⲧ ⲁϥⲉⲓ ⲉⲃⲟⲗ ⲁϥϫⲟⲟⲥ ⲛⲡⲉϥⲥⲟⲛ ⲥⲛⲁⲩ ϩⲓⲃⲟⲗ

23 ⲁⲥⲏⲙ ⲙⲛⲓⲁⲫⲉⲑ ϫⲓ ⲛⲧⲉϣⲧⲏⲛ ⲁⲩⲧⲁⲗⲟⲥ ⲉϩⲣⲁⲓ ⲉϫⲛⲧⲉⲩϫⲓⲥⲉ ⲛⲡⲉⲥⲛⲁⲩ ⲁⲩⲙⲟⲟϣⲉ ⲉⲩⲉⲡⲁϩⲟⲩ ⲁⲩϩⲱⲃⲥ ⲙⲡⲕⲱⲕⲁϩⲏⲩ ⲙⲡⲉⲩⲉⲓⲱⲧ

24 ⲡⲉϥⲓ ⲛϣⲏⲣⲉ

25 ϫⲉⲡⲉ ⲭⲁⲛⲁⲁⲛ ⲉϥⲉϣⲱⲡⲉ ⲛϩⲙϩⲁⲗ ⲛⲛⲉϥⲥⲛⲏⲩ

26 ⲁⲩⲱ ⲡⲉϫⲁϥ ϫⲉϥⲥⲙⲁⲙⲁⲁⲧ ⲛϭⲓⲡϫⲟⲉⲓⲥ ⲡⲛⲟⲩⲧⲉ ⲛⲥⲏⲙ ... ϣⲱⲡⲉ ⲛⲁϥ ⲛϩⲙⲗ