Read Ezekiel 37 side by side with translations · The Final Bible
1 ⲧϭⲓϫ ⲙⲡϫⲟⲉⲓⲥ ⲁⲥϣⲱⲡⲉ ϩⲓϫⲱⲓ ⲁⲥⲉⲓⲛⲉ ⲙⲙⲟⲓ ⲉⲃⲟⲗ ϩⲙⲡⲉⲡⲛⲉⲩⲙⲁ ⲙⲡϫⲟⲉⲓⲥ ⲁⲥⲕⲁⲁⲧ ϩⲛⲧⲙⲏⲧⲉ ⲛⲧⲥⲱϣⲉ ⲁⲩⲱ ⲧⲁⲓ ⲛⲉⲥⲙⲉϩ ⲛⲕⲉⲉⲥ ⲛⲣⲱⲙⲉ
2 ⲁⲩⲱ ⲁⲥⲧⲣⲁⲕⲱⲧⲉ ⲉⲣⲟⲟⲩ ⲧⲏⲣⲟⲩ ⲁⲩⲱ ⲉⲓⲥ ϩⲏⲏⲧⲉ ⲛⲉⲟⲩⲟϣ ⲉⲙⲁⲧⲉ ϩⲓϩⲣⲁⲥ ⲛⲧⲥⲱϣⲉ ⲉⲩϣⲟⲩⲱⲟⲩ ⲉⲙⲁⲧⲉ
3 ⲡⲉϫⲉⲡϫⲟⲉⲓⲥ ⲛⲁⲓ ϫⲉⲡϣⲏⲣⲉ ⲙⲡⲣⲱⲙⲉ ⲉⲛⲉ ⲛⲉⲓⲕⲉⲉⲥ ⲛⲁⲱⲛϩ ⲡⲉϫⲁⲓ ϫⲉⲁⲇⲱⲛⲁⲓ ⲡϫⲟⲉⲓⲥ ⲛⲧⲟⲕ ⲡⲉⲧⲥⲟⲟⲩⲛ
4 ⲁⲩⲱ ⲡⲉϫⲁϥ ⲛⲁⲓ ϫⲉⲡⲣⲟⲫⲏⲧⲉⲩⲉ ⲉϫⲛⲛⲉⲓⲕⲉⲉⲥ ⲛⲅϫⲟⲟⲥ ⲉϩⲟⲩⲛ ϩⲛⲛⲉⲓⲕⲉⲉⲥ ⲉⲧϣⲟⲩⲱⲟⲩ ϫⲉⲥⲱⲧⲙ ⲉⲡϣⲁϫⲉ ⲙⲡϫⲟⲉⲓⲥ
5 ⲧⲁⲓ ⲧⲉ ⲧϩⲉ ⲛⲧⲁⲇⲱⲛⲁⲓ ⲡϫⲟⲉⲓⲥ ϫⲟⲟⲥ ⲛⲁⲓ ϫⲟⲟⲥ ⲉϩⲟⲩⲛ ϩⲛⲛⲉⲓⲕⲉⲉⲥ ⲉⲓⲥ ϩⲏⲏⲧⲉ ⲁⲛⲟⲕ ϯⲛⲁⲉⲓⲛⲉ ⲉϩⲟⲩⲛ ⲉⲣⲱⲧⲛ ⲛⲟⲩⲡⲛⲉⲩⲙⲁ ⲛⲧⲉⲧⲛⲱⲛϩ
6 ⲁⲩⲱ ϯⲛⲁϯ ⲉϫⲛⲧⲏⲩⲧⲛ ⲛϩⲉⲛⲙⲟⲩⲧⲉ ⲛⲧⲁⲉⲓⲛⲉ ⲉϫⲱⲧⲛ ⲛⲟⲩⲥⲁⲣⲝ ⲛⲧⲁⲡⲱⲣϣ ⲛⲟⲩϣⲁⲁⲣ ⲉⲃⲟⲗ ⲉϫⲱⲧⲛ ⲛⲧⲁϯ ⲛⲟⲩⲡⲛⲉⲩⲙⲁ ⲉϩⲟⲩⲛ ⲉⲣⲱⲧⲛ ⲛⲧⲉⲧⲛⲱⲛϩ ⲛⲧⲉⲧⲛⲉⲓⲙⲉ ϫⲉⲁⲛⲟⲕ ⲡⲉ ⲡϫⲟⲉⲓⲥ
7 ⲁⲩⲱ ⲁⲓⲡⲣⲟⲫⲏⲧⲉⲩⲉ ⲕⲁⲧⲁⲧϩⲉ ⲛⲧⲁϥϩⲱⲱⲛ ⲉⲧⲟⲟⲧⲁⲩⲱ ⲁⲩϩⲣⲟⲟⲩ ϣⲱⲡⲉ ⲛⲧⲉⲣⲓⲡⲣⲟⲫⲏⲧⲉⲩⲉ ⲁⲩⲱ ⲉⲓⲥ ⲟⲩⲕⲙⲧⲟ ⲁϥϣⲱⲡⲉ ⲁⲛⲕⲉⲉⲥ ϯⲡⲉⲩⲟⲩⲟⲓ ⲉϩⲟⲩⲛ ⲉⲛⲉⲩⲉⲣⲏⲩ
8 ⲁⲓⲛⲁⲩ ⲁⲩⲱ ⲉⲓⲥ ϩⲉⲛⲙⲟⲩⲧⲉ ⲁⲩⲉⲓ ⲉϫⲱⲟⲩ ⲁⲩⲱ ⲟⲩⲥⲁⲣⲝ ⲁⲥⲉⲓ ⲉϫⲱⲟⲩ ⲁⲩⲱ ⲟⲩϣⲁⲁⲣ ⲁϥⲡⲱⲣϣ ⲉⲃⲟⲗ ⲉϫⲱⲟⲩ ⲛⲙⲛⲡⲛⲁ ⲇⲉ ⲛϩⲏⲧⲟⲩ
9 ⲁⲩⲱ ⲡⲉϫⲁϥ ⲛⲁⲓ ϫⲉⲡⲣⲟⲫⲏⲧⲉⲩⲉ ⲉϫⲙⲡⲉⲡⲛⲉⲩⲙⲁ ⲡⲣⲟⲫⲏⲧⲉⲩⲉ ⲡϣⲏⲣⲉ ⲙⲡⲣⲱⲙⲉ ⲛⲅϫⲟⲟⲥ ⲉϩⲟⲩⲛ ϩⲙⲡⲉⲡⲛⲉⲩⲙⲁ ϫⲉⲧⲁⲓ ⲧⲉ ⲧϩⲉ ⲛⲧⲁϥϫⲟⲟⲥ ⲛϭⲓⲁⲇⲱⲛⲁⲓ ⲡϫⲟⲉⲓⲥ ϫⲉⲡⲉⲡⲛⲉⲩⲙⲁ ⲁⲙⲟⲩ ⲉⲃⲟⲗ ϩⲙⲡⲉⲕϥⲧⲟⲩ ⲧⲏⲩ ⲛⲅⲛⲓϥⲉ ⲉϩⲟⲩⲛ ⲛⲉⲓⲣⲉϥⲙⲟⲟⲩⲧ ⲛⲥⲉⲱⲛϩ
10 ⲁⲩⲱ ⲁⲓⲡⲣⲟⲫⲏⲧⲉⲩⲉ ⲕⲁⲧⲁⲧϩⲉ ⲛⲧⲁϥϩⲱⲛ ⲉⲧⲟⲟⲧⲁⲩⲱ ⲁⲡⲉⲡⲛⲉⲩⲙⲁ ⲉⲓ ⲉϩⲟⲩⲛ ⲉⲣⲟⲟⲩ ⲁⲩⲱⲛϩ ⲁⲩⲧⲱⲟⲩⲛ ⲁⲩⲁϩⲉⲣⲁⲧⲟⲩ ⲉⲩⲛⲁⲣⲟⲩⲛⲟϭ ⲙⲙⲏⲏϣⲉ ⲉⲙⲁⲧⲉ
11 ⲁⲩⲱ ⲡⲉϫⲁϥ ⲛⲁⲓ ϫⲉⲡϣⲏⲣⲉ ⲙⲡⲣⲱⲙⲉ ⲛⲉⲓⲕⲉⲉⲥ ⲡⲏⲓ ⲧⲏⲣⲥ ⲡⲉ ⲙⲡⲓⲥⲣⲁⲏⲗ ⲁⲩⲱ ⲛⲧⲟⲟⲩ ⲥⲉϫⲱ ⲙⲙⲟⲥ ϫⲉⲛⲉⲛⲕⲉⲉⲥ ⲁⲩϣⲟⲟⲩⲉ ⲡⲉⲧⲛϭⲱϣⲧ ⲉⲃⲟⲗ ϩⲏⲧϥ ⲁϥⲧⲁⲕⲟ ⲁϥⲡⲱⲣϫ ⲉⲃⲟⲗ ⲙⲙⲟⲛ
12 ⲉⲧⲃⲉⲡⲁⲓ ⲡⲣⲟⲫⲏⲧⲉⲩⲉ ⲛⲅϫⲟⲟⲥ ⲉϩⲟⲩⲛ ⲉϩⲣⲁⲩ ϫⲉⲧⲁⲓ ⲧⲉ ⲧϩⲉ ⲛⲧⲁϥϫⲟⲟⲥ ⲛϭⲓⲁⲇⲱⲛⲁⲓ ⲡϫⲟⲉⲓⲥ ϫⲉⲉⲓⲥϩⲏⲏⲧⲉ ⲁⲛⲟⲕ ϯⲛⲁⲟⲩⲱⲛ ⲛⲛⲉⲧⲛⲧⲁⲫⲟⲥ ⲛⲧⲁⲛⲧⲏⲩⲧⲛ ⲉⲃⲟⲗ ⲛϩⲏⲧⲟⲩ ⲡⲁⲗⲁⲟⲥ ⲛⲧⲁϫⲓⲧⲏⲩⲧⲛ ⲉϩⲟⲩⲛ ⲉⲡⲕⲁϩ ⲙⲡⲓⲥⲣⲁⲏⲗ
13 ⲛⲧⲉⲧⲛⲉⲓⲙⲉ ϫⲉⲁⲛⲟⲕ ⲡⲉ ⲡϫⲟⲉⲓⲥ ϩⲙⲡⲧⲣⲁⲟⲩⲱⲛ ⲛⲛⲉⲧⲛⲧⲁⲫⲟⲥ ⲛⲧⲁⲛⲧⲏⲩⲧⲛ ⲉⲃⲟⲗ ⲛϩⲏⲧⲟⲩ ⲡⲁⲗⲁⲟⲥ
14 ⲛⲧⲁϯ ⲛⲟⲩⲡⲛⲉⲩⲙⲁ ⲉϩⲟⲩⲛ ⲉⲣⲱⲧⲛ ⲛⲧⲉⲧⲛⲱⲛϩ ⲁⲩⲱ ϯⲛⲁⲙⲉⲧⲛⲧⲏⲩⲧⲛ ϩⲓϫⲙⲡⲉⲧⲛⲕⲁϩ ⲛⲧⲉⲧⲛⲉⲓⲙⲉ ϫⲉⲁⲛⲟⲕ ⲡⲉ ⲡϫⲟⲉⲓⲥ ⲁⲓϣⲁϫⲉ ⲁⲩⲉⲓⲣⲉ ⲡⲉϫⲉⲁⲇⲱⲛⲁⲓ ⲡϫⲟⲉⲓⲥ
15 ...
16 ...
17 ...
18 ...
19 ...
20 ...
21 ⲧⲁⲓ ⲧⲉ ⲧϩⲉ ⲛⲧⲁϥϫⲟⲟⲥ ⲛϭⲓⲁⲇⲱⲛⲁⲓ ⲡϫⲟⲉⲓⲥ ϫⲉⲉⲓⲥϩⲏⲏⲧⲉ ⲁⲛⲟⲕ ϯⲛⲁϫⲓ ⲛⲛϣⲏⲣⲉ ⲙⲡⲏⲓ ⲡⲓⲥⲣⲁⲏⲗ ⲉⲃⲟⲗ ϩⲛⲧⲙⲏⲧⲉ ⲛⲛϩⲉⲑⲛⲟⲥ ⲛⲧⲁⲩⲃⲱⲕ ⲉⲣⲟⲟⲩ ⲁⲩⲱ ϯⲛⲁⲥⲟⲟⲩϩⲟⲩ ⲉϩⲟⲩⲛ ⲙⲡⲉⲩⲕⲱⲧⲉ ⲛⲧⲁϫⲓⲧⲟⲩ ⲉϩⲟⲩⲛ ⲉⲡⲉⲩⲕⲁϩ
22 ⲛⲧⲁⲁⲁⲩ ⲉⲩϩⲉⲑⲛⲟⲥ ⲛⲟⲩⲱⲧ ϩⲙⲡⲉⲩⲕⲁϩ ϩⲛⲛⲧⲟⲩⲉⲓⲏ ⲙⲡⲓⲥⲣⲁⲏⲗ ⲁⲩⲱ ⲛⲧⲉⲟⲩⲣⲣⲟ ⲛⲟⲩⲱⲧ ϣⲱⲡⲉ ϩⲓϫⲱⲟⲩ ⲧⲏⲣⲟⲩ ⲛⲥⲉⲧⲙϣⲱⲡⲉ ϭⲉ ⲉⲩⲟ ⲛϩⲉⲑⲛⲟⲥ ⲥⲛⲁⲩ ⲛⲥⲉⲧⲙⲡⲱⲣϫ ϫⲓⲛⲡⲉⲓⲛⲁⲩ ⲉⲙⲛⲧⲣⲣⲟ ⲥⲛⲧⲉ
23 ⲛⲥⲉⲧⲙϫⲱϩⲙ ⲟⲛ ϫⲓⲡⲓⲛⲁⲩ ϩⲛⲛⲉⲩⲉⲓⲇⲱⲗⲟⲛ ⲁⲩⲱ ϩⲛⲛⲉⲧⲟⲩϣⲱⲱⲧ ⲙⲙⲟⲟⲩ ⲁⲩⲱ ϩⲛⲛⲉⲩϫⲓⲛϭⲟⲛⲥ ⲧⲏⲣⲟⲩ ⲛⲧⲁⲛⲁϩⲙⲟⲩ ⲉⲃⲟⲗ ϩⲛⲙⲙⲁ ⲧⲏⲣⲟⲩ ⲛⲧⲁⲩⲁⲓⲭⲙⲁⲗⲱⲧⲓⲍⲉ ⲙⲙⲟⲟⲩ ⲉⲣⲟⲟⲩ ⲁⲩⲱ ϯⲛⲁⲧⲃⲃⲟⲟⲩ ⲛⲥⲉϣⲱⲡⲉ ⲛⲁⲓ ⲉⲩⲗⲁⲟⲥ ⲁⲛⲟⲕ ϩⲱ ⲧⲁϣⲱⲡⲉ ⲛⲁⲩ ⲛⲛⲟⲩⲧⲉ
24 ⲁⲩⲱ ⲡⲁϩⲙϩⲁⲗ ⲇⲁⲩⲉⲓⲇ ⲛϥϣⲱⲡⲉ ⲛⲣⲣⲟ ϩⲓϫⲱⲟⲩ ⲛⲧⲉⲟⲩϣⲱⲥ ⲛⲟⲩⲱⲧ ϣⲱⲡⲉ ϩⲓϫⲱⲟⲩ ⲧⲏⲣⲟⲩ ⲛⲥⲉⲙⲟⲟϣⲉ ϩⲛⲛⲁⲕⲣⲓⲙⲁ ⲁⲩⲱ ⲛⲁⲡⲣⲟⲥⲧⲁⲅⲙⲁ ⲛⲥⲉϩⲁⲣⲉϩ ⲉⲣⲟⲟⲩ ⲛⲥⲉⲁⲁⲩ
25 ⲛⲥⲉⲟⲩⲱϩ ϩⲓϫⲙⲡⲕⲁϩ ⲛⲧⲁⲓⲧⲁⲁϥ ⲙⲡⲁϩⲙϩⲁⲗ ⲓⲁⲕⲱⲃ ⲡⲉⲛⲧⲁⲛⲉⲛⲉⲓⲟⲧⲉ
26 ϯⲛⲁⲥⲙⲓⲛⲉ ⲛⲙⲙⲁⲩ ⲛⲟⲩⲇⲓⲁⲑⲏⲕⲏ ⲛⲉⲓⲣⲏⲛⲏ ⲛⲧⲉⲟⲩⲇⲓⲁⲑⲏⲕⲏ ⲛⲉⲓⲣⲏⲛⲏ ϣⲱⲡⲉ ⲛⲁⲩ ⲛⲧⲁⲕⲱ ⲙⲡⲁⲧⲃⲃⲟ ϩⲛⲧⲉⲩⲙⲏⲧⲉ ϣⲁⲉⲛⲉϩ
27 ⲛⲧⲉⲧⲁⲥⲕⲏⲛⲏ ϣⲱⲡⲉ ϩⲓϫⲱⲟⲩ ⲧⲁϣⲱⲡⲉ ⲛⲁⲩ ⲛⲛⲟⲩⲧⲉ ⲛⲥⲉϣⲱⲡⲉ ⲛⲁⲓ ⲛⲗⲁⲟⲥ
Ezekiel 36 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)