Read Ezekiel 34 side by side with translations · The Final Bible
1 ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁⲣⲟⲓ ⲉϥϫⲱ ⲙⲙⲟⲥ
2 ϫⲉⲡϣⲏⲣⲉ ⲙⲡⲣⲱⲙⲉ ⲡⲣⲟⲫⲏⲧⲉⲩⲉ ⲉϫⲛⲛϣⲱⲥ ⲙⲡⲓⲥⲣⲁⲏⲗ ⲡⲣⲟⲫⲏⲧⲉⲩⲉ ⲛⲕϫⲟⲟⲥ ⲛⲛϣⲱⲥ ϫⲉⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉⲛϣⲟⲟⲥ ⲙⲡⲓⲥⲣⲁⲏⲗ ⲉⲣⲉⲛϣⲱⲥ ⲙⲟⲟⲛⲉ ⲙⲙⲟⲟⲩ ⲛⲉⲣⲉⲛϣⲱⲥ ⲙⲟⲟⲛⲉ ⲁⲛ ⲛⲛⲉⲥⲟⲟⲩ
3 ⲉⲓⲥ ⲡⲉⲣⲱⲧⲉ ⲁⲧⲉⲧⲛⲥⲁϩⲡϥ ⲁⲩⲱ ⲛⲥⲟⲣⲧ ⲁⲧⲉⲧⲛϯ ϩⲓⲱⲧⲧⲏⲩⲧⲛ ⲁⲩⲱ ⲡⲉⲧⲟⲩⲟⲙⲧ ⲁⲧⲉⲧⲛϣⲁⲁⲧϥ ⲁⲩⲱ ⲛⲁⲉⲥⲟⲟⲩ ⲛⲧⲉⲧⲛⲙⲟⲟⲛⲉ ⲁⲛ ⲙⲙⲟⲟⲩ
4 ⲡⲉⲛⲧⲁϥϭⲃⲃⲉ ⲙⲡⲉⲧⲛϯϭⲟⲙ ⲛⲁϥ ⲁⲩⲱ ⲡⲉⲧϣⲱⲛⲉ ⲙⲡⲉⲧⲛⲧⲁⲗϭⲟϥ ⲁⲩⲱ ⲡⲉⲧⲟⲩⲟϣϥ ⲙⲡⲉⲧⲛⲙⲟⲣϥ ⲁⲩⲱ ⲡⲉⲧⲥⲟⲣⲙ ⲙⲡⲉⲧⲛⲕⲧⲟϥ ⲉⲣⲱⲧⲛ ⲁⲩⲱ ⲡⲉⲛⲧⲁϥⲥⲱⲣⲙ ⲙⲡⲉⲧⲛⲕⲱⲧⲉ ⲛⲥⲱϥ ⲡⲉⲧϫⲟⲟⲣ ⲁⲧⲉⲧⲛⲣϩⲱⲃ ⲛϩⲏⲧϥ ⲉⲧⲉⲧⲛⲙⲟⲩⲕϩ ⲙⲙⲟϥ
5 ⲁⲩⲱ ⲁⲛⲁⲉⲥⲟⲟⲩ ϫⲱⲱⲣⲉ ⲉⲃⲟⲗ ⲉⲧⲃⲉϫⲉⲙⲛⲧⲟⲩⲙⲁⲛⲏⲩ ⲉⲁⲩϣⲱⲡⲉ ⲛϩⲣⲉ ⲛⲛⲉⲑⲩⲣⲓⲟⲛ ⲧⲏⲣⲟⲩ ⲛⲧⲥⲱϣⲉ
6 ⲁⲩⲱ ⲁⲛⲁⲉⲥⲟⲟⲩ ϫⲱⲱⲣⲉ ⲉⲃⲟⲗ ϩⲓϫⲛⲛⲧⲟⲩⲉⲓⲏ ⲧⲏⲣⲟⲩ ⲁⲩⲱ ϩⲓϫⲛⲛⲃⲟⲩⲛⲟⲥ ⲧⲏⲣⲟⲩ ⲉⲧϫⲟⲥⲉ ⲉⲁⲩϫⲱⲱⲣⲉ ⲉⲃⲟⲗ ϩⲓϫⲙⲡϩⲟ ⲙⲡⲕⲁϩ ⲧⲏⲣϥ ⲉⲙⲛⲡⲉⲧⲕⲱⲧⲉ ⲛⲥⲱⲟⲩ ⲟⲩⲧⲉ ⲉⲙⲛⲡⲉⲧⲛⲁⲕⲧⲟⲟⲩ
7 ⲉⲧⲃⲉⲡⲁⲓ ⲛϣⲟⲟⲥ ⲥⲱⲧⲙ ⲉⲡϣⲁϫⲉ ⲙⲡϫⲟⲉⲓⲥ
8 ...
9 ...
10 ...
11 ...
12 ...
13 ...
14 ...
15 ...
17 ϯⲛⲁⲕⲣⲓⲛⲉ ⲛⲧⲙⲏⲧⲉ ⲛⲟⲩⲉⲥⲟⲟⲩ ⲙⲛⲟⲩⲉⲥⲟⲟⲩ
18 ...
19 ...
20 ϫⲱ ⲙⲙⲟⲟⲩ ϫⲉⲉⲓⲥϩⲏⲏⲧⲉ ⲁⲛⲟⲕ ϯⲛⲁⲕⲣⲓⲛⲉ ⲛⲧⲙⲏⲧⲉ ⲛⲟⲩⲉⲥⲟⲟⲩ ⲉϥϫⲟⲟⲣ ⲁⲩⲱ ⲛⲧⲙⲏⲧⲉ ⲛⲟⲩⲉⲥⲟⲟⲩ ⲉϥϭⲟⲟⲃ
21 ⲁⲩⲱ ⲛⲉⲧⲉⲧⲛⲃⲱⲱⲣⲉ ⲙⲙⲟⲟⲩ ⲉⲃⲟⲗ ϩⲛⲛⲉⲧⲛⲥⲡⲓⲣⲟⲟⲩⲉ ⲙⲛⲛⲉⲧⲛⲛⲁϩⲃ ⲁⲩⲱ ⲛⲉⲧⲉⲧⲛⲕⲱⲛⲥ ⲙⲙⲟⲟⲩ ϩⲛⲛⲉⲧⲛⲧⲁⲡ ⲁⲩⲱ ⲡⲉⲧϩⲏϣ ⲛⲉⲧⲉⲧⲛⲑⲗⲓⲃⲉ ⲙⲙⲟϥ
22 ⲁⲩⲱ ϯⲛⲁⲧⲟⲩϫⲉ ⲛⲁⲉⲥⲟⲟⲩ ⲛⲥⲉⲧⲙϣⲱⲡⲉ ϫⲓⲛⲡⲉⲓⲛⲁⲩ ⲉⲩϣⲟⲗⲥ ⲁⲩⲱ ϯⲛⲁⲕⲣⲓⲛⲉ ⲛⲧⲙⲏⲧⲉ ⲛⲟⲩⲟⲉⲓⲗⲉ ⲙⲛⲟⲩⲟⲉⲓⲗⲉ
23 ⲁⲩⲱ ϯⲛⲁⲉⲓⲛⲉ ⲉⲃⲟⲗ ⲉϫⲱⲟⲩ ⲛⲟⲩϣⲱⲥ ⲛⲟⲩⲱⲧ ⲛϥⲙⲟⲟⲛⲉ ⲙⲙⲟⲟⲩ ⲉⲧⲉⲇⲁⲩⲉⲓⲇ ⲡⲁϩⲙϩⲁⲗ ⲡⲉ ⲛϥϣⲱⲡⲉ ⲉϥⲟ ⲛϣⲱⲥ ⲉϫⲱⲟⲩ
24 ⲁⲩⲱ ⲁⲛⲟⲕ ⲡϫⲟⲉⲓⲥ ϯⲛⲁϣⲱⲡⲉ ⲛⲁⲩ ⲛⲛⲟⲩⲧⲉ ⲁⲩⲱ ⲇⲁⲩⲉⲓⲇ ϥⲛⲁϣⲱⲡⲉ ⲛⲁⲩ ⲛⲁⲣⲭⲱⲛ ϩⲛⲧⲉⲩⲙⲏⲧⲉ ⲁⲛⲟⲕ ⲡϫⲟⲉⲓⲥ ⲁⲓϣⲁϫⲉ
25 ⲁⲩⲱ ϯⲛⲁⲥⲙⲓⲛⲉ ⲙⲛⲇⲁⲩⲉⲓⲇ ⲛⲟⲩⲇⲓⲁⲑⲏⲕⲏ ⲛⲉⲓⲣⲏⲛⲏ ⲁⲩⲱ ϯⲛⲁⲧⲁⲕⲟ ⲛⲛⲉⲑⲩⲣⲓⲟⲛ ⲉⲧϩⲟⲟⲩ ⲉⲃⲟⲗ ϩⲓϫⲙⲡⲕⲁϩ ⲛⲥⲉⲟⲩⲱϩ ϩⲛⲧⲉⲣⲏⲙⲟⲥ ⲛⲥⲉⲛⲕⲟⲧⲕ ϩⲛⲙⲙⲁ ⲛϣⲏⲛ
26 ⲁⲩⲱ ϯⲛⲁⲧⲁⲁⲩ ⲙⲡⲕⲱⲧⲉ ⲙⲡⲁⲧⲟⲟⲩ ⲁⲩⲱ ϯⲛⲁϯ ⲛⲏⲧⲛ ⲙⲡϩⲟⲩoⲙⲡⲉ ⲟⲩϩⲟⲩⲙⲡⲉ ⲛⲥⲙⲟⲩ
27 ⲁⲩⲱ ⲛϣⲏⲛ ⲉⲧϩⲛⲧⲥⲱϣⲉ ⲥⲉⲛⲁϯ ⲙⲡⲉⲩⲕⲁⲣⲡⲟⲥ ⲁⲩⲱ ⲡⲕⲁϩ ϥⲛⲁϯ ⲙⲡⲉϥϭⲟⲙ ⲁⲩⲱ ⲛⲥⲉⲟⲩⲱϩ ϩⲓϫⲙⲡⲕⲁϩ ϩⲛⲟⲩϩⲉⲗⲡⲓⲥ ⲛⲉⲓⲣⲏⲛⲏ ⲛⲥⲉⲉⲓⲙⲉ ϫⲉⲁⲛⲟⲕ ⲡⲉ ⲡϫⲟⲉⲓⲥ ϩⲙⲡⲧⲣⲁⲟⲩⲱϣϥ ⲙⲡⲛⲁϩⲃ ⲉⲧϩⲓϫⲱⲟⲩ ⲛⲧⲁⲛⲁϩⲙⲟⲩ ⲛⲧⲟⲟⲧⲟⲩ ⲛⲛⲉⲛⲧⲁⲩⲁⲁⲩ ⲛϩⲙϩⲁⲗ
28 ⲛⲥⲉⲧⲙϣⲱⲡⲉ ϫⲓⲛⲙⲡⲉⲓⲛⲁⲩ ⲉⲩϣⲟⲗⲥ ⲛⲛϩⲉⲑⲛⲟⲥ ⲁⲩⲱ ⲛⲉⲑⲩⲣⲓⲟⲛ ⲙⲡⲕⲁϩ ⲛⲥⲉⲧⲙⲟⲩⲱⲙ ⲛⲥⲱⲟⲩ ϫⲓⲛⲙⲡⲉⲓⲛⲁⲩ ⲛⲥⲉⲟⲩⲱϩ ϩⲛⲟⲩϩⲉⲗⲡⲓⲥ ⲛⲧⲉⲧⲙⲗⲁⲁⲩ ϭⲉ ϯϩⲟⲧⲉ ⲛⲁⲩ
29 ⲁⲩⲱ ϯⲛⲁϯⲟⲩⲱ ⲛⲁⲩ ⲉϩⲣⲁⲓ ⲛⲟⲩϣⲏⲛ ⲛⲉⲓⲣⲏⲛⲏ ⲛⲥⲉⲧⲙⲱϫⲛ ϫⲓⲛⲙⲡⲉⲓⲛⲁⲩ ϩⲛⲟⲩϩⲉⲃⲱⲱⲛ ϩⲓϫⲙⲡⲕⲁϩ ⲁⲩⲱ ⲛⲥⲉⲧⲙϥⲓ ϫⲓⲛⲙⲡⲉⲓⲛⲁⲩ ϩⲁⲡⲛⲟϭⲛⲉϭ ⲛⲛϩⲉⲑⲛⲟⲥ
30 ⲛⲥⲉⲉⲓⲙⲉ ϫⲉⲁⲛⲟⲕ ⲡⲉ ⲡϫⲟⲉⲓⲥ ⲡⲉⲩⲛⲟⲩⲧⲉ ⲁⲩⲱ ⲛⲧⲟⲟⲩ ϩⲱⲟⲩ ⲡⲁⲗⲁⲟⲥ ⲡⲏⲓ ⲙⲡⲓⲥⲣⲁⲏⲗ ⲡⲉϫⲉⲡϫⲟⲉⲓⲥ ⲡϫⲟⲉⲓⲥ
31 ⲛⲁⲉⲥⲟⲟⲩ ⲁⲩⲱ ⲛⲉⲥⲟⲟⲩ ⲙⲡⲁⲟϩⲉ ⲛⲧⲱⲧⲛ ⲡⲉ ⲁⲛⲟⲕ ϩⲱ ⲡⲉ ⲡϫⲟⲉⲓⲥ ⲡⲉⲧⲛⲛⲟⲩⲧⲉ ⲡⲉϫⲉⲡϫⲟⲉⲓⲥ ⲡϫⲟⲉⲓⲥ
Ezekiel 33 · Ezekiel 35 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)