Ezekiel 24 — Coptic (Sahidic)

1 ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁⲣⲟⲓ ϩⲛⲧⲙⲉϩⲯⲓⲧⲉ ⲛⲣⲟⲙⲡⲉ ϩⲙⲡⲙⲉϩⲙⲏⲧ ⲛⲉⲃⲟⲧ ⲛⲥⲟⲩⲙⲏⲧ ⲙⲡⲉⲃⲟⲧ ⲉϥϫⲱ ⲙⲙⲟⲥ

2 ⲡϣⲏⲣⲉ ⲙⲡⲣⲱⲙⲉ ⲥϩⲁⲓ ⲛⲁⲕ ⲉⲩϩⲟⲟⲩ ϫⲓⲛⲡϩⲟⲟⲩ ⲛϩⲟⲟⲩ ϫⲓⲛⲡⲉϩⲟⲟⲩ ⲛⲧⲁϥⲉⲓ ⲛϩⲏⲧϥ ⲛϭⲓⲡⲣⲣⲟ ⲛⲧⲃⲁⲃⲩⲗⲱⲛ ⲉϫⲛⲧϩⲓⲉⲣⲟⲩⲥⲁⲗⲏⲙ ϫⲓⲛⲡϩⲟⲟⲩ ⲛϩⲟⲟⲩ

3 ⲁⲩⲱ ⲉⲕⲉϫⲱ ⲛⲧⲉⲓⲡⲁⲣⲁⲃⲟⲗⲏ ⲉϫⲙⲡⲏⲓ ⲉⲧϯϭⲱⲛⲧ ⲉⲕϫⲱ ⲙⲙⲟⲥ ⲛⲁⲩ ⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲓⲥⲉ ⲉϩⲣⲁⲓ ⲛⲟⲩⲭⲁⲗⲕⲓⲟⲛ ⲛⲕⲡⲉϩⲧ ⲙⲟⲟⲩ ⲉⲣⲟϥ

4 ⲁⲩⲱ ⲛⲕⲛⲟⲩϫⲉ ⲉϩⲣⲁⲓ ⲉⲣⲟϥ ⲛϩⲉⲛϣⲁⲩ ϣⲁⲩⲛⲓⲙ ⲟⲩⲟⲩⲣⲏⲧⲉ ⲉⲛⲁⲛⲟⲩⲥ ⲙⲛⲟⲩϣⲱⲡϣⲉ ⲉⲩⲛ ⲛⲉⲩⲕⲁⲥ ⲉⲃⲟⲗ ⲛϩⲏⲧⲟⲩ

5 ⲉⲁⲩϫⲓⲧⲟⲩ ⲉⲃⲟⲗ ϩⲛⲛⲥⲱⲧⲡ ⲛⲧⲃⲛⲏ ⲛⲕⲥⲁϩⲧⲉ ⲛⲛⲉⲩⲕⲁⲥ ϩⲁⲣⲟⲟⲩ ⲁϥⲃⲣⲃⲣ ⲁϥⲃⲣⲃⲣ ⲁⲩⲱ ⲛⲉϥⲕⲉⲉⲥ ⲁⲩⲡⲓⲥⲉ ϩⲛⲧⲉⲥⲙⲏⲧⲉ

6 ⲉⲧⲃⲉⲡⲁⲓ ⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉⲱ ⲧⲡⲟⲗⲓⲥ ⲛⲛⲉⲥⲛⲱⲱϥ ⲡⲉⲭⲁⲗⲕⲓⲟⲛ ⲉⲧⲉⲣⲉⲡⲉⲥϣⲏⲃⲉ ϩⲣⲁⲓ ⲛϩⲏⲧⲥ ⲁⲩⲱ ⲡⲉⲥϣⲓⲃⲉ ⲙⲡⲉϥⲓ ⲉⲃⲟⲗ ⲛϩⲏⲧⲥ ⲁⲥⲉⲓⲛⲉ ⲉⲃⲟⲗ ⲕⲁⲧⲁϣⲁⲩϣⲁⲩⲛⲧⲁⲥ ⲙⲡⲉⲕⲗⲏⲣⲟⲥ ⲉⲓ ⲉϩⲣⲁⲓ ⲉϫⲱⲥ

7 ⲉⲃⲟⲗ ϫⲉⲡⲉⲥⲥⲛⲟϥ ϣⲟⲟⲡ ϩⲛⲧⲉⲥⲙⲏⲧⲉ ⲁⲓⲕⲁⲁϥ ϩⲓϫⲛⲟⲩⲡⲉⲧⲣⲁ ⲉⲥⲥⲗⲉϭⲗⲱϭ ⲙⲡⲟⲩⲡⲁϩⲧϥ ⲉϫⲙⲡⲕⲁϩ ⲉϩⲱⲃⲥ ⲛⲟⲩⲕⲁϩ ⲉⲃⲟⲗ ⲉϫⲱⲟⲩ

8 ⲉⲧⲙϩⲱⲃⲥ ⲉⲃⲟⲗ ⲉϫⲱϥ

9 ⲉⲧⲃⲉⲡⲁⲓ ⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉϯⲛⲁⲧⲣⲉⲥⲁⲓⲁⲓ ⲛϭⲓⲧⲗⲁⲙⲡⲁⲥ ⲛⲕⲱϩⲧ

10 ⲁⲩⲱ ⲛⲧⲁⲧⲁϣⲟ ⲛⲛϣⲉ ⲛⲧⲁϫⲉⲣⲟ ⲙⲡⲕⲱϩⲧ ϫⲉⲕⲁⲥ ⲉⲣⲉⲛⲁϥ ⲃⲱⲗ ⲉⲃⲟⲗ ⲁⲩⲱ ⲛϥⲥⲃⲟⲕ ⲛϭⲓⲡⲙⲟⲟⲩ ⲉⲧϩⲁⲣⲟⲟⲩ

11 ϩⲓϫⲛⲛϫⲃⲉⲥ ϫⲉⲕⲁⲥ ⲉϥⲉϩⲙⲟⲙ ⲛϭⲓⲡⲉⲥϩⲟⲙⲛⲧ ⲛⲥⲃⲱⲗ ⲉⲃⲟⲗ ⲛⲧⲙⲏⲧⲉ ⲛⲧⲉⲥⲁⲕⲁⲑⲁⲣⲥⲓⲁ ⲁⲩⲱ ⲛϥⲱϫⲛ ⲛϭⲓⲡϣⲏⲃⲉ

12 ⲛϥⲧⲙⲉⲓ ⲉⲃⲟⲗ ⲛϩⲏⲧⲥ ⲛϭⲓⲡⲉⲥϣⲏⲃⲉ ⲉⲧⲛⲁϣⲱϥ ⲛϥϫⲓϣⲓⲡⲉ ⲛϭⲓⲡⲉⲥϣⲏⲃⲉ

13 ⲉⲃⲟⲗ ϫⲉⲁⲣϫⲱϩⲙ ⲛⲧⲟ ⲁⲩⲱ ⲟⲩ ⲡⲉⲧⲛⲁϣⲱⲡⲉ ⲉⲣϣⲁⲛⲧⲙⲧⲃⲃⲟ ϫⲓⲛⲧⲉⲛⲟⲩ ϣⲁⲛⲧⲓⲧⲁϣⲟ ⲙⲡⲁϭⲱⲛⲧ ϩⲣⲁⲓ ⲛϩⲏⲧⲉ

14 ⲁⲛⲟⲕ ⲡϫⲟⲉⲓⲥ ⲁⲓϣⲁϫⲉ ϥⲛⲏⲩ ⲁⲩⲱ ϯⲛⲁⲁⲁϥ ⲛϯⲛⲁⲡⲱⲣϫ ⲁⲛ ⲁⲩⲱ ⲛϯⲛⲁϭⲱ ⲁⲛ ϯⲛⲁϯϩⲁⲡ ⲉⲣⲟⲕⲁⲧⲁⲛⲟⲩϩⲓⲟⲟⲩⲉ ⲙⲛⲛⲟⲩⲙⲉⲉⲩⲉ ⲡⲉϫⲉⲡϫⲟⲉⲓⲥ ⲉⲧⲃⲉⲡⲁⲓ ⲁⲛⲟⲕ ϯⲛⲁⲕⲣⲓⲛⲉ ⲙⲙⲟⲕⲁⲧⲁⲛⲟⲩⲥⲛⲱⲱϥ ⲁⲩⲱ ϯⲛⲁϯϩⲁⲡ ⲉⲣⲟⲕⲁⲧⲁⲛⲟⲩⲟⲩⲱϣ ⲛϩⲏⲧ ⲧⲉⲧϫⲁϩⲙ ⲧⲉⲧⲟ ⲛⲥⲟⲉⲓⲧ ⲁⲩⲱ ⲧⲉⲧⲛⲛⲁϣⲱⲥ ⲉⲡϯϭⲱⲛⲧ

15 ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁⲣⲟⲓ ⲉϥϫⲱ ⲙⲙⲟⲥ

16 ϫⲉⲡϣⲏⲣⲉ ⲙⲡⲣⲱⲙⲉ ⲉⲓⲥ ϩⲏⲏⲧⲉ ⲁⲛⲟⲕ ϯⲛⲁϫⲓ ⲉⲃⲟⲗ ⲛϩⲏⲧⲕ ⲛⲛⲟⲩⲱϣ ⲛⲛⲉⲕⲃⲁⲗ ϩⲛⲟⲩⲡⲟⲗⲉⲙⲟⲥ ⲛⲥⲉⲛⲁⲛⲉϩⲡⲉ ⲁⲛ ⲉⲣⲟⲕ

17 ⲟⲩⲁϣⲁϩⲟⲙ ⲛϩⲏⲃⲉ ⲡⲉ ⲛϯⲡⲉ ⲙⲡⲉⲕϥⲱ ⲛⲁϣⲱⲡⲉ ⲁⲛ ⲉϥⲙⲏⲣ ϩⲓϫⲱⲕ ⲁⲩⲱ ⲡⲉⲕⲧⲟⲟⲩⲉ ⲛⲁϣⲱⲡⲉ ⲁⲛ ϩⲛⲣⲁⲧⲕ ⲟⲩⲧⲉ ⲛⲡⲥⲉⲛⲁⲥⲗⲥⲱⲗⲕ ⲁⲛ ϩⲛⲛⲉⲩⲥⲡⲟⲧⲟⲩ ⲁⲩⲱ ⲛⲛⲉⲕⲟⲩⲉⲙⲟⲉⲓⲕ ⲛⲣⲱⲙⲉ

18 ⲁⲩⲱ ⲁⲓϣⲁϫⲉ ⲙⲛⲡⲗⲁⲟⲥ ⲛϩⲧⲟⲟⲩⲉ ⲕⲁⲧⲁⲧϩⲉ ⲛⲧⲁϥϩⲱⲛ ⲉⲧⲟⲟⲧⲙⲡⲛⲁⲩ ⲛⲣⲟⲩϩⲉ ⲁⲩⲱ ⲁⲓⲉⲓⲣⲉ ⲉϩⲧⲟⲟⲩⲉ ⲕⲁⲧⲁⲧϩⲉ ⲛⲧⲁϥϩⲱⲛ ⲉⲧⲟⲟⲧ

19 ⲁⲩⲱ ⲡⲉϫⲉⲡⲗⲁⲟⲥ ⲛⲁⲓ ϫⲉⲛⲕⲛⲁϫⲟⲟⲥ ⲉⲣⲟⲛ ⲁⲛ ϫⲉⲟⲩ ⲛⲉ ⲛⲁⲓ ⲛⲧⲟⲕ ⲉⲧⲕⲉⲓⲣⲉ ⲙⲙⲟⲟⲩ