Read Ezekiel 18 side by side with translations · The Final Bible
1 ⲁⲩⲱ ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁⲣⲟⲓ ⲉϥϫⲱ ⲙⲙⲟⲥ
2 ϫⲉⲡϣⲏⲣⲉ ⲙⲡⲣⲱⲙⲉ ⲁϩⲣⲱⲧⲛ ⲧⲉ ⲧⲉⲓⲡⲁⲣⲁⲃⲟⲗⲏ ϩⲛⲛϣⲏⲣⲉ ⲙⲡⲓⲥⲣⲁⲏⲗ ⲁⲛⲉⲓⲟⲧⲉ ⲟⲩⲉⲙⲉⲗⲉⲗϩⲙϫ ⲁⲛⲛⲁⲁϫϩⲉ ⲛⲛϣⲏⲣⲉ ⲛⲟⲩϣⲥ
4 ⲧⲉⲯⲩⲭⲏ ⲉⲧⲛⲁⲣⲛⲟⲃⲉ ⲛⲧⲟⲥ ⲡⲉⲧⲛⲁⲙⲟⲩ
8 ⲡⲉϥϩⲁⲧ ⲛϥⲛⲁⲧⲁⲁϥ ⲁⲛ ⲉⲙⲏⲥⲉ
14 ⲉⲣϣⲁⲛⲟⲩⲉⲓⲱⲧ ⲛⲁⲥⲉⲃⲏⲥ ϫⲡⲟ ⲛⲟⲩϣⲏⲣⲉ ⲛⲇⲓⲕⲁⲓⲟⲥ ⲁⲩⲱ ⲡⲁⲓ ⲛϥⲛⲁⲩ ⲉⲛⲛⲟⲃⲉ ⲉⲣⲉⲡⲉϥⲉⲓⲱⲧ ⲉⲓⲣⲉ ⲙⲙⲟⲟⲩ ⲁⲩⲱ ⲛϥⲣϩⲟⲧⲉ ⲛϥⲥⲁϩⲱⲱϥ ⲉⲃⲟⲗ ⲙⲙⲟⲟⲩ
20 ⲧⲉⲯⲩⲭⲏ ⲉⲧⲣⲛⲟⲃⲉ ⲛⲧⲟⲥ ⲉⲧⲛⲁⲙⲟⲩ ⲡϣⲏⲣⲉ ⲇⲉ ⲛϥⲛⲁϫⲓ ⲁⲛ ⲙⲡϫⲓⲛϭⲟⲛⲥ ⲙⲡⲉϥⲉⲓⲱⲧ ⲁⲩⲱ ⲡⲉⲓⲱⲧ ⲛⲁϫⲓ ⲙⲡϫⲓⲛϭⲟⲛⲥ ⲙⲡⲉϥϣⲏⲣⲉ
21 ⲉⲣϣⲁⲛⲡⲁⲛⲟⲙⲟⲥ ⲇⲉ ⲕⲧⲟϥ ⲉⲃⲟⲗ ϩⲛⲛⲉϥⲁⲛⲟⲙⲓⲁ ⲧⲏⲣⲟⲩ ⲛϥϩⲁⲣⲉϩ ⲉⲛⲁⲉⲛⲧⲟⲗⲏ ⲁⲩⲱ ⲛϥⲉⲓⲣⲉ ⲛⲧⲇⲓⲕⲁⲓⲟⲥⲩⲛⲏ ⲙⲛⲡⲛⲉⲩⲙⲁ ϩⲛⲟⲩⲱⲛϩ ϥⲛⲁⲱⲛϩ ⲁⲩⲱ ⲛϥⲛⲁⲙⲟⲩ ⲁⲛ
22 ⲛⲉϥⲛⲟⲃⲉ ⲧⲏⲣⲟⲩ ⲛⲥⲉⲛⲁⲣⲡⲉⲩⲙⲉⲉⲩⲉ ⲁⲛ ⲧⲇⲓⲕⲁⲓⲟⲥⲩⲛⲏ ⲛⲧⲁϥⲁⲁⲥ ϥⲛⲁⲱⲛϩ ⲛϩⲏⲧⲥ
23 ⲛϯⲟⲩⲉϣⲡⲙⲟⲩ ⲁⲛ ⲙⲡⲁⲛⲟⲙⲟⲥ ⲡⲉϫⲉⲡϫⲟⲉⲓⲥ ⲛⲧϩⲉ ⲉⲧⲣⲉϥⲕⲧⲟϥ ⲉⲃⲟⲗ ϩⲛⲧⲉϥϩⲓⲏ ⲙⲡⲟⲛⲏⲣⲟⲛ ⲛϥⲱⲛϩ
24 ⲉⲣϣⲁⲛⲡⲇⲓⲕⲁⲓⲟⲥ ⲇⲉ ⲥⲁϩⲱϥ ⲉⲃⲟⲗ ⲛⲧⲉϥⲇⲓⲕⲁⲓⲟⲥⲩⲛⲏ ⲛϥⲉⲓⲣⲉ ⲛⲟⲩⲁⲇⲓⲕⲓⲁ ⲕⲁⲧⲁⲛⲁⲛⲟⲙⲓⲁ ⲧⲏⲣⲟⲩ ⲛⲧⲁϥⲁⲁⲩ ⲛϭⲓⲡⲁⲛⲟⲙⲟⲥ ⲛⲉϥⲇⲓⲕⲁⲓⲟⲥⲩⲛⲏ ⲧⲏⲣⲟⲩ ⲛⲛⲉⲩⲣⲡⲉⲩⲙⲉⲉⲩⲉ ϩⲙⲡⲉϥⲡⲁⲣⲁⲡⲧⲱⲙⲁ ⲛⲧⲁϥⲁⲁϥ ϥⲛⲁⲙⲟⲩ ϩⲙⲡⲉϥⲛⲟⲃⲉ ⲛⲧⲁϥⲁⲁϥ
25 ⲁⲩⲱ ⲁⲧⲉⲧⲛϫⲟⲟⲥ ϫⲉⲛⲥⲥⲟⲩⲧⲱⲛ ⲁⲛ ⲛϭⲓⲧⲉϩⲓⲏ ⲙⲡϫⲟⲉⲓⲥ ⲥⲱⲧⲙ ϭⲉ ⲧⲉⲛⲟⲩ ⲡⲏⲓ ⲙⲡⲓⲥⲣⲁⲏⲗ ⲙⲏ ⲛⲧⲁϩⲓⲏ ⲥⲟⲩⲧⲱⲛ ⲁⲛ ⲧⲉⲧⲛϩⲓⲏ ⲛⲧⲱⲧⲛ ⲧⲉ ⲛⲥⲥⲟⲩⲧⲱⲛ ⲁⲛ
26 ϩⲙⲡⲧⲣⲉⲡⲇⲓⲕⲁⲓⲟⲥ ⲇⲉ ⲕⲧⲟϥ ⲉⲃⲟⲗ ϩⲛⲧⲉϥⲇⲓⲕⲁⲓⲟⲥⲩⲛⲏ ⲁⲩⲱ ⲛϥⲉⲓⲣⲉ ⲛⲟⲩⲡⲁⲣⲁⲡⲧⲱⲙⲁ ⲛϥⲙⲟⲩ ϩⲙⲡⲡⲁⲣⲁⲡⲧⲱⲙⲁ ⲛⲧⲁϥⲁⲁϥ ϥⲛⲁⲙⲟⲩ ϩⲣⲁⲓ ⲛϩⲏⲧϥ
27 ϩⲙⲡⲧⲣⲉⲡⲁⲛⲟⲙⲟⲥ ⲇⲉ ⲕⲧⲟϥ ⲉⲃⲟⲗ ϩⲛⲧⲉϥⲁⲛⲟⲙⲓⲁ ⲛⲧⲁϥⲁⲁⲥ ⲛϥⲉⲓⲣⲉ ⲛⲟⲩϩⲁⲡ ⲙⲛⲟⲩⲇⲓⲕⲁⲓⲟⲥⲩⲛⲏ ⲡⲁⲓ ⲁϥϩⲁⲣⲉϩ ⲉⲧⲉϥⲯⲩⲭⲏ
28 ⲁⲩⲱ ⲁϥⲕⲧⲟϥ ⲉⲃⲟⲗ ϩⲛⲛⲉϥⲙⲛⲧϣⲁϥⲧⲉ ⲧⲏⲣⲟⲩ ⲛⲧⲁϥⲁⲁⲩ ϩⲛⲟⲩⲱⲛϩ ϥⲛⲁⲱⲛϩ ⲁⲩⲱ ⲛϥⲛⲁⲙⲟⲩ ⲁⲛ
29 ⲁⲩⲱ ⲛⲁⲡⲏⲓ ⲙⲡⲓⲥⲣⲁⲏⲗ ϫⲱ ⲙⲙⲟⲥ ϫⲉⲛⲥⲥⲟⲩⲧⲱⲛ ⲁⲛ ⲛϭⲓⲧⲉϩⲓⲏ ⲙⲡϫⲟⲉⲓⲥ ⲙⲏ ⲛⲧⲁϩⲓⲏ ⲥⲟⲩⲧⲱⲛ ⲁⲛ ⲡⲏⲓ ⲙⲡⲓⲥⲣⲁⲏⲗ ⲧⲉⲧⲛϩⲓⲏ ⲛⲧⲱⲧⲛ ⲧⲉⲛⲥⲥⲟⲩⲧⲱⲛ ⲁⲛ
30 ⲉⲧⲃⲉⲡⲁⲓ ϯⲛⲁϯϩⲁⲡ ⲉⲡⲟⲩⲁ ⲡⲟⲩⲁ ⲙⲙⲱⲧⲛ ⲡⲏⲓ ⲙⲡⲓⲥⲣⲁⲏⲗ ⲕⲁⲧⲁⲧⲉϥϩⲓⲏ ⲡⲉϫⲉⲡϫⲟⲉⲓⲥ ⲕⲧⲉⲧⲏⲩⲧⲛ ⲛⲧⲉⲧⲛⲥⲁϩⲉ ⲧⲏⲩⲧⲛ ⲉⲃⲟⲗ ⲛⲛⲉⲧⲙⲙⲛⲧϣⲁϥⲧⲉ ⲧⲏⲣⲟⲩ ⲁⲩⲱ ⲛⲥⲉⲛⲁϣⲱⲡⲉ ⲛⲏⲧⲛ ⲁⲛ ⲉⲩⲕⲟⲗⲁⲥⲓⲥ ⲛϫⲓⲛϭⲟⲛⲥ
31 ⲛⲟⲩϫⲉ ⲉⲃⲟⲗ ⲙⲙⲱⲧⲛ ⲛⲛⲉⲧⲛⲙⲛⲧϣⲁϥⲧⲉ ⲧⲏⲣⲟⲩ ⲛⲧⲁⲧⲉⲧⲛⲁⲁⲩ ⲉϩⲟⲩⲛ ⲉⲣⲟⲓ ⲛⲧⲉⲧⲛϫⲡⲟ ⲛⲏⲧⲛ ⲛⲟⲩϩⲏⲧ ⲛⲃⲣⲣⲉ ⲙⲛⲟⲩⲡⲓⲥⲣⲁⲏⲗ ⲛⲃⲣⲣⲉ ⲁⲩⲱ ⲉⲧⲃⲉⲟⲩ ⲧⲉⲧⲛⲛⲁⲙⲟⲩ ⲡⲏⲓ ⲙⲡⲓⲥⲣⲁⲏⲗ
32 ϫⲉⲛϯⲟⲩⲉϣ ⲡⲙⲟⲩ ⲁⲛ ⲙⲡⲉⲧⲛⲁⲙⲟⲩ ⲡⲉϫⲉⲡϫⲟⲉⲓⲥ
Ezekiel 17 · Ezekiel 19 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)