Read Esther 7 side by side with translations · The Final Bible
1 ⲡⲣⲣⲟ ⲁϥⲃⲱⲕ ⲉϩⲟⲩⲛ ⲙⲛⲁⲙⲁⲛ ⲉⲥⲱ ⲙⲛⲧⲣⲣⲱ
2 ⲡⲉϫⲉⲡⲣⲣⲟ ⲛⲉⲥⲑⲏⲣ ϩⲙⲡⲙⲁϩⲟⲟⲩ ⲥⲛⲁⲩ ϩⲙⲡⲙⲁ ⲛⲥⲱϫⲉⲁϩⲣⲟ ⲉⲥⲑⲏⲣ ⲧⲣⲣⲱ ⲁⲩⲱ ⲟⲩ ⲡⲉ ⲡⲟⲩⲁⲓⲧⲏⲙⲁ ⲁⲩⲱ ⲡⲉⲧⲉⲣⲉⲁⲝⲓⲟⲩ ⲙⲙⲟϥ ⲛⲥϣⲱⲡⲉ ⲛⲉ ϣⲁϩⲣⲁⲓ ⲉⲧⲡⲁϣⲉ ⲛⲧⲁⲙⲛⲧⲣⲣⲟ
3 ⲁⲥⲟⲩⲱϣⲃ ⲉⲥϫⲱ ⲙⲙⲟⲥ ϫⲉⲉϣϫⲉ ⲁⲓϭⲓⲛⲉ ⲛⲟⲩⲭⲁⲣⲓⲥ ⲙⲡⲉⲙⲧⲟ ⲉⲃⲟⲗ ⲙⲡⲣⲣⲟ ⲙⲁⲣⲟⲩϯ ⲙⲡⲁⲁⲓⲧⲏⲙⲁ ⲛⲧⲁⲯⲩⲭⲏ
4 ⲁⲩⲧⲁⲁⲛ ⲅⲁⲣ ⲉⲃⲟⲗ ⲁⲛⲟⲕ ⲙⲛⲡⲗⲁⲟⲥ ⲉⲩⲧⲁⲕⲟ ⲙⲛⲟⲩⲧⲱⲣⲡ ⲙⲛⲟⲩⲙⲛⲧϩⲙϩⲁⲗ ⲁⲛⲟⲛ ⲙⲛⲛⲛⲉⲛϣⲏⲣⲉ ⲉϩⲉⲛϩⲙϩⲁⲗ ⲛϩⲟⲟⲩⲧ ⲙⲛϩⲉⲛϩⲙϩⲁⲗ ⲛⲥϩⲓⲙⲉ ⲁⲩⲱ ⲁⲓⲥⲱⲧⲙ ⲉⲡⲉⲓϩⲱⲃ ⲙⲁⲩⲁⲁⲧϥ ⲁⲓⲕⲁⲣⲱⲓ ϫⲉⲛϥⲙⲡϣⲁ ⲁⲛ ⲛⲧⲁⲩⲗⲏ ⲙⲡⲣⲣⲟ
5 ⲡⲉϫⲉⲡⲣⲣⲟ ϫⲉⲛⲓⲙ ⲡⲉ ⲡⲁⲓ ⲉⲛⲧⲁϥⲧⲟⲗⲙⲁ ⲉⲉⲓⲣⲉ ⲙⲡⲉⲓϩⲱⲃ
6 ⲡⲉϫⲉⲉⲥⲑⲏⲣ ϫⲉⲁⲙⲁⲛ ⲡⲉ ⲡⲁⲓ ⲡⲣⲱⲙⲉ ⲛϫⲁϫⲉ ⲁⲩⲱ ⲙⲡⲟⲛⲏⲣⲟⲥ ⲁⲙⲁⲛ ⲇⲉ ⲁϥϣⲧⲟⲣⲧⲣ ⲛⲧⲟⲟⲧϥ ⲙⲡⲣⲣⲟ ⲙⲛⲧⲉⲣⲣⲱ
7 ⲡⲣⲣⲟ ⲇⲉ ⲁϥⲧⲱⲟⲩⲛ ⲉⲃⲟⲗ ϩⲙⲡⲙⲁ ⲛⲥⲱⲉϩⲟⲩⲛ ⲉⲡⲕⲏⲡⲟⲥ ⲁⲙⲁⲛ ⲇⲉ ⲛⲉϥⲥⲟⲡⲥ ⲡⲉ ⲛⲧⲣⲣⲱ ⲛⲛⲉϥⲛⲁⲩ ⲇⲉ ⲉⲣⲟϥ ⲉϥϩⲛⲙⲡⲉⲧϩⲟⲟⲩ
8 ⲡⲣⲣⲟ ⲇⲉ ⲁϥⲕⲧⲟϥ ⲉⲃⲟⲗ ϩⲙⲡⲕⲏⲡⲟⲥ ⲁⲙⲁⲛ ⲇⲉ ⲁϥⲡⲁϩⲧϥ ⲉϫⲙⲡⲉϭⲗⲟϭ ⲁϥⲁⲝⲓⲟⲩ ⲙⲙⲟⲥ ⲡⲉϫⲉⲡⲣⲣⲟ ϫⲉϩⲱⲥⲧⲉ ⲧⲁⲕⲉⲥϩⲓⲙⲉ ⲉⲣⲉⲁⲙⲁⲛ ⲛⲁϫⲓⲧⲥ ⲛϭⲟⲛⲥ ϩⲙⲡⲉⲡⲉⲣⲓⲡⲉⲣⲟⲓ ⲁⲙⲁⲛ ⲇⲉ ⲛⲧⲉⲣⲉϥⲥⲱⲧⲙ ⲉⲣⲟϥ ⲁⲡⲉϥϩⲟ ϣⲓⲃⲉ
9 ⲡⲉϫⲉⲃⲟⲩⲇⲁⲑⲁⲛ ⲡⲉⲥⲓⲟⲩⲣ ⲙⲡⲣⲣⲟ ϫⲉⲉⲓⲥⲡⲕⲉϣⲉ ⲉⲛⲧⲁⲁⲙⲁⲛ ⲥⲃⲧⲱⲧϥ ⲉⲙⲁⲣⲇⲟⲩⲭⲁⲓⲟⲥ ⲡⲉⲛⲧⲁϥϣⲁϫⲉ ⲉⲧⲃⲉⲡⲣⲣⲟ ϩⲁⲟⲩⲡⲉⲧⲛⲁⲛⲟⲩϥ ϥⲧⲁϩⲏⲩ ⲉⲣⲁⲧϥ ϩⲛⲛⲁⲙⲁⲙⲁⲛ ⲛⲧⲁⲉⲓⲟⲩ ⲙⲙⲁϩⲉ ⲡⲉϫⲉⲡⲣⲣⲟ ϫⲉⲙⲁⲣⲟⲩⲥⲧⲁⲩⲣⲟⲩ ⲙⲙⲟϥ ⲉⲣⲟϥ
10 ⲁⲩⲱ ⲁⲙⲁⲛ ⲁⲩⲁϣⲧϥ ⲉϫⲙⲡϣⲉ ⲉⲛⲧⲁϥⲥⲃⲧⲱⲧϥ ⲉⲙⲁⲣⲇⲟⲩⲭⲁⲓⲟⲥ ⲧⲟⲧⲉ ⲡⲣⲣⲟ ⲁϥϩⲣⲟⲕ ⲉⲃⲟⲗ ϩⲙⲡⲉϥϭⲱⲛⲧ
Esther 6 · Esther 8 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)