Read Esther 10 side by side with translations · The Final Bible
1 ⲡⲣⲣⲟ ⲇⲉ ⲁϥⲥϩⲁⲓ ⲛⲟⲩⲉⲡⲓⲥⲧⲟⲗⲏ ϩⲛⲧⲉϥⲙⲛⲧⲣⲣⲟ ⲙⲡⲕⲁϩ ⲙⲛⲧϩⲁⲗⲁⲥⲥⲁ
2 ⲁⲩⲱ ⲧⲉϥϭⲟⲙ ⲙⲛⲡⲉϥⲡⲉⲧⲛⲁⲛⲟⲩϥ ⲁⲓⲧⲉⲓ ⲇⲉ ⲧⲉϥⲙⲛⲧⲣⲙⲙⲁⲟ ⲙⲛⲡⲉⲟⲟⲩ ⲛⲧⲉϥⲙⲛⲧⲣⲣⲟ ⲉⲓⲥ ϩⲏⲏⲧⲉ ⲥⲉⲥⲏϩ ϩⲙⲡϫⲱⲱⲙⲉ ⲛⲛⲣⲣⲱⲟⲩ ⲛⲙⲡⲉⲣⲥⲟⲥ ⲙⲛⲙⲙⲏⲇⲟⲥ ⲉⲩⲣⲡⲙⲉⲉⲩⲉ
3 ⲙⲁⲣⲇⲟⲩⲭⲁⲓⲟⲥ ⲇⲉ ⲁϥⲣⲡⲙⲁ ⲙⲡⲣⲣⲟ ⲁⲣⲇⲁⲝⲉⲣⲝⲏⲥ ⲁⲩⲱ ⲛⲉⲩⲛⲟϭ ⲡⲉ ϩⲛⲧⲙⲛⲧⲣⲣⲟ ⲉϥⲟⲩⲟⲓ ⲉⲣⲉⲛⲓⲟⲩⲇⲁⲓⲟⲥ ⲙⲉ ⲙⲙⲟϥ ⲡⲉϥⲥⲙⲟⲧ ⲛⲛⲉϥⲕⲱ ⲙⲙⲟϥ ⲙⲡⲉϥϩⲉⲑⲛⲟⲥ ⲧⲏⲣϥ ⲡⲉϫⲉⲙⲁⲣⲇⲟⲩⲭⲁⲓⲟⲥ ϫⲉⲁⲣⲁ ⲉⲛⲧⲁⲛⲁⲓ ϣⲱⲡⲉ ⲛⲧⲟⲟⲧϥ ⲙⲡⲛⲟⲩⲧⲉ ⲁⲓⲣⲡⲙⲉⲉⲩⲉ ⲛⲧⲣⲁⲥⲟⲩ ⲉⲛⲧⲁⲓⲛⲁⲩ ⲉⲣⲟⲥ ⲉⲧⲃⲉⲛⲉⲓϣⲁϫⲉ ⲙⲡⲉⲗⲁⲁⲩ ⲛϣⲁϫⲉ ϩⲉ ⲉⲃⲟⲗ ⲧⲕⲟⲩⲓ ⲙⲡⲏⲅⲏ ⲁⲥϣⲱⲡⲉ ⲉⲩⲓⲉⲣⲟ ⲁⲩⲱ ⲛⲉⲣⲉⲟⲩⲟⲉⲓⲛ ϣⲟⲟⲡ ϩⲙⲡⲣⲏ ⲁⲩⲱ ⲟⲩⲛⲟϭ ⲙⲙⲟⲟⲩ ⲉⲥⲑⲏⲣ ⲧⲉ ⲡⲓⲉⲣⲟ ⲉⲛⲧⲁⲡⲣⲣⲟ ϩⲙⲟⲟⲥ ⲛⲙⲙⲁⲥ ⲁϥⲁⲁⲥ ⲛⲣⲣⲱ ⲡⲁⲇⲣⲁⲕⲱⲛ ⲇⲉ ⲥⲛⲁⲩ ⲁⲛⲟⲕ ⲡⲉ ⲙⲛⲁⲙⲁⲛ ⲛϩⲉⲑⲛⲟⲥ ⲇⲉ ⲉⲛⲧⲁⲩⲥⲟⲩⲱϩ ⲉϩⲟⲩⲛ ⲉⲧⲁⲕⲉⲡⲣⲁⲛ ⲛⲓⲟⲩⲇⲁⲓ ⲡⲁϩⲉⲑⲛⲟⲥ ⲇⲉ ⲡⲁⲓ ⲡⲉ ⲡⲓⲥⲣⲁⲏⲗ ⲛⲉⲛⲧⲁⲩⲱϣ ⲉⲃⲟⲗ ⲉϩⲣⲁⲓ ⲉⲡⲛⲟⲩⲧⲉ ⲁⲩⲟⲩϫⲁⲓ ⲁϥⲛⲁ ϩⲛⲡⲉϥⲗⲁⲟⲥ ⲁϥϥⲓⲧⲛ ⲉⲃⲟⲗ ϩⲛⲛⲉⲓⲡⲉⲧϩⲟⲟⲩ ⲧⲏⲣⲟⲩ ⲁⲩⲱ ⲡⲛⲟⲩⲧⲉ ⲁϥⲉⲓⲣⲉ ⲛϩⲉⲛⲛⲟϭ ⲙⲙⲁⲉⲓⲛ ⲙⲛϩⲉⲛϣⲡⲏⲣⲉ ⲛⲁⲓ ⲉⲙⲡⲟⲩϣⲱⲡⲉ ϩⲛⲛϩⲉⲑⲛⲟⲥ ⲉⲧⲃⲉⲡⲁⲓ ⲁϥⲧⲁⲙⲓⲉⲕⲗⲏⲣⲟⲥ ⲥⲛⲁⲩ ⲟⲩⲁ ⲙⲡⲗⲁⲟⲥ ⲙⲡⲛⲟⲩⲧⲉ ⲁⲩⲱ ⲕⲉⲟⲩⲁ ⲛⲛϩⲉⲑⲛⲟⲥ ⲧⲏⲣⲟⲩ ⲡⲉⲕⲗⲏⲣⲟⲥ ⲥⲛⲁⲩ ⲁⲩⲉⲓ ⲉⲩⲟⲩⲛⲟⲩ ⲛⲟⲩⲱⲧ ⲙⲛⲟⲩⲕⲁⲓⲣⲟⲥ ⲁⲩⲱ ⲉⲩϩⲟⲟⲩ ⲛⲕⲣⲓⲥⲓⲥ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ⲙⲛⲛⲛϩⲉⲑⲛⲟⲥ ⲧⲏⲣⲟⲩ ⲡⲛⲟⲩⲧⲉ ⲁϥⲣⲡⲙⲉⲉⲩⲉ ⲙⲡⲉϥⲗⲁⲟⲥ ⲁϥⲧⲙⲁⲓⲉⲧⲉϥⲕⲗⲏⲣⲟⲛⲟⲙⲓⲁ ⲁⲩⲱ ⲛⲉⲓϩⲟⲟⲩ ⲥⲉⲛⲁϣⲱⲡⲉ ⲛⲁⲩ ⲙⲡⲉⲃⲟⲧ ⲛⲁⲇⲁⲣ ⲛⲥⲟⲩⲙⲛⲧⲁϥⲧⲉ ⲙⲛⲥⲟⲩⲙⲛⲧⲏ ⲙⲡⲉⲓⲉⲃⲟⲧ ⲛⲟⲩⲱⲧ ϩⲛⲟⲩⲥⲱⲟⲩϩ ⲉϩⲟⲩⲛ ⲙⲛⲟⲩⲣⲁϣⲉ ⲙⲛⲟⲩⲉⲩⲫⲣⲟⲥⲩⲛⲏ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ⲕⲁⲧⲁⲅⲉⲛⲉⲁ ϣⲁⲉⲛⲉϩ ϩⲙⲡⲉϥⲗⲁⲟⲥ ⲙⲡⲓⲥⲣⲁⲏⲗ ϩⲛⲥⲡϥⲧⲟ ⲙⲡⲧⲟⲗⲙⲁⲓⲟⲥ ⲉϥⲟ ⲛⲛⲣⲣⲟ ⲙⲛⲕⲗⲉⲟⲡⲁⲧⲣⲁ ⲇⲱⲥⲑⲉ ⲉϥϫⲱ ⲙⲙⲟⲥ ϫⲉⲟⲩⲏⲏⲃ ⲡⲉ ⲁⲩⲱ ⲟⲩⲗⲉⲩⲓⲧⲏⲥ ⲡⲉ ⲙⲛⲡⲧⲟⲗⲉⲙⲁⲓⲟⲥ ⲡⲉϥϣⲏⲣⲉ ⲁϥⲉⲓⲛⲉ ⲛⲧⲉⲡⲓⲥⲧⲟⲗⲏ ⲉⲧⲥⲏϩ ⲛϣⲟⲣⲡ ⲛⲛⲉϥⲣⲟⲩⲣⲁⲓ ⲧⲉⲛⲧⲁⲩϫⲟⲟⲥ ⲉⲧⲃⲏⲏⲧⲥ ⲁⲗⲩⲥⲓⲙⲁⲭⲟⲥ ϩⲉⲣⲙⲏⲛⲉⲩⲉ ⲙⲙⲟⲥ ⲡϣⲏⲣⲉ ⲙⲡⲧⲟⲗⲉⲙⲁⲓⲟⲥ ⲛⲛⲉⲧⲟⲩⲏϩ ϩⲛⲓⲉⲣⲟⲩⲥⲁⲗⲏⲙ
Esther 9 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)