Daniel 10 — Coptic (Sahidic)

1 ϩⲣⲁⲓ ϩⲛⲧⲙⲉϩϣⲟⲙⲧⲉ ⲛⲣⲟⲙⲡⲉ ⲛⲕⲩⲣⲟⲥ ...

4 ⲁⲩⲱ ϩⲣⲁⲓ ϩⲛⲥⲟⲩϫⲟⲩⲧⲁϥⲧⲉ ⲙⲡⲉⲃⲟⲧ ⲛϣⲟⲣⲡ ⲁⲩⲱ ⲁⲛⲟⲕ ⲛⲓ ϩⲁⲧⲙ ⲡⲓⲉⲣⲟ ⲛⲟϭ ⲉⲧⲉⲡⲁⲓ ⲡⲉ ⲧⲕⲣⲓⲥ ⲉⲇⲇⲉⲕⲉⲗ

5 ⲁⲓϥⲓ ⲛⲛⲁⲃⲁⲗ ⲉϩⲣⲁⲓ ⲁⲓⲛⲁⲩ ⲁⲩⲱ ⲉⲓⲥ ϩⲏⲏⲧⲉ ⲉⲓⲥ ⲟⲩⲣⲱⲙⲉ ⲉⲣⲉⲟⲩⲃⲁⲇⲇⲓⲛ ⲧⲟ ϩⲓⲱⲱϥ ⲉⲣⲉⲧⲉϥϯⲡⲉ ⲙⲏⲣ ϩⲛⲟⲩⲛⲟⲩⲃ ⲛⲱⲫⲁⲍ

6 ⲉⲣⲉⲡⲉϥⲥⲱⲙⲁ ⲟ ⲛⲧϩⲉ ⲛⲟⲩⲑⲁⲣⲥⲓⲥ ⲉⲣⲉⲡⲉϥϩⲟ ⲟ ⲛⲧϩⲉ ⲙⲡⲓⲛⲉ ⲛⲟⲩⲉⲃⲣⲏϭⲉ ⲉⲣⲉⲛⲉϥⲃⲁⲗ ⲟ ⲛⲧϩⲉ ⲛⲟⲩⲗⲁⲙⲡⲁⲥ ⲛⲕⲱϩⲧ ⲉⲣⲉⲛⲉϥϭⲃⲟⲓ ⲙⲛⲛⲉϥⲟⲩⲉⲣⲏⲧⲉ ⲟ ⲛⲧϩⲉ ⲛⲟⲩϩⲟⲙⲛⲧ ⲉϥⲁⲁⲧⲉ ⲉⲣⲉⲡⲉϩⲣⲟⲟⲩ ⲛⲛⲉϥϣⲁϫⲉ ⲟ ⲛⲧϩⲉ ⲙⲡⲉϩⲣⲟⲟⲩ ⲛⲟⲩⲙⲏⲏϣⲉ

7 ⲁⲛⲟⲕ ⲇⲁⲛⲓⲏⲗ ⲁⲓⲛⲁⲩ ⲉⲡⲉⲓϭⲱⲗⲡ ⲉⲃⲟⲗ ⲙⲁⲩⲁⲁⲧ ⲛⲣⲱⲙⲉ ⲇⲉ ⲉⲧⲛⲙⲙⲁⲓ ⲙⲡⲟⲩⲛⲁⲩ ⲉⲣⲟϥ ⲁⲗⲗⲁ ⲁϥϩⲉ ⲉϩⲣⲁⲓ ⲉϫⲱⲟⲩ ⲛϭⲓⲟⲩⲛⲟϭ ⲙⲡⲱϣⲥ ⲁⲩⲱ ⲁⲩⲡⲱⲧ ϩⲣⲁⲓ ϩⲛⲟⲩϩⲟⲧⲉ

8 ⲁⲛⲟⲕ ⲇⲉ ⲁⲓϣⲱϫⲡ ⲙⲁⲩⲁⲁⲧ ⲁⲓⲛⲁⲩ ⲉⲡⲉⲓⲛⲟϭ ⲛϭⲱⲗⲡ ⲉⲃⲟⲗ ⲙⲡⲉϭⲟⲙ ⲥⲉⲉⲡⲉ ϩⲣⲁⲓ ⲛϩⲏⲧ ⲡⲁⲉⲟⲟⲩ ⲛⲁⲕⲧⲟϥ ⲉⲩⲧⲁⲕⲟ ⲙⲡⲉⲓⲉϣⲁⲙⲁϩⲧⲉ ⲛⲟⲩϭⲟⲙ

9 ⲁⲓⲥⲱⲧⲙ ⲉⲧⲉⲥⲙⲏ ⲛⲛⲉϥϣⲁϫⲉ ⲁⲩⲱ ⲛⲉⲓⲗⲩⲡⲉⲓ ϩⲙⲡⲧⲣⲁⲥⲱⲧⲙ ⲉⲣⲟϥ ⲁⲓⲡⲱϩⲧ ⲙⲡⲁϩⲟ ⲉϩⲣⲁⲓ ⲉϫⲙⲡⲕⲁϩ

10 ⲉⲓⲥ ⲟⲩϭⲓϫ ⲇⲉ ⲁⲥϫⲱϩ ⲉⲣⲟⲓ ⲁⲥⲧⲟⲩⲛⲟⲥⲧ ⲉϩⲣⲁⲓ ⲉϫⲛⲛⲁⲡⲉⲓⲁⲧ

11 ⲡⲉϫⲁϥ ⲛⲁⲓ ϫⲉⲇⲁⲛⲓⲏⲗ ⲛⲧⲟⲕ ⲛⲧⲕ ⲟⲩⲣⲱⲙⲉ ⲛϣⲟⲩⲁϣϥ ⲉⲓⲙⲉ ϩⲣⲁⲓ ϩⲛⲛϣⲁϫⲉ ⲛⲁⲓ ⲁⲛⲟⲕ ⲉⲧⲓϫⲱ ⲙⲙⲟⲟⲩ ⲛⲁⲕ ⲛⲅⲁϩⲉⲣⲁⲧⲕ ϩⲓϫⲛⲛⲉⲕⲟⲩⲉⲣⲏⲧⲉ ϫⲉⲧⲉⲛⲟⲩ ⲛⲧⲁⲩⲧⲛⲛⲟⲟⲩⲧ ϣⲁⲣⲟⲕ ϩⲙⲡⲧⲣⲉϥϫⲱ ⲇⲉ ⲛⲛⲁⲓ ⲙⲡⲉⲓϣⲁϫⲉ ⲁⲓⲧⲱⲟⲩⲛ ⲉⲓⲥⲧⲱⲧ

13 ϫⲟⲩⲧⲟⲩⲉ ⲛϩⲟⲟⲩ ⲁⲩⲱ ⲉⲓⲥ ⲙⲓⲭⲁⲏⲗ ⲟⲩⲁ ⲛⲛⲁⲣⲭⲱⲛ ⲛϣⲟⲣⲡ ⲁϥⲉⲓ ⲉⲃⲟⲏⲑⲉⲓ ⲉⲣⲟⲓ ...