Amos 4 — Coptic (Sahidic)

1 ⲥⲱⲧⲙ ⲉⲡⲉⲓϣⲁϫⲉ ⲛⲃⲁϩⲥⲉ ⲛⲧⲃⲁⲥⲁⲛ ⲛⲉⲧⲟⲩⲏϩ ϩⲙⲡⲧⲟⲟⲩ ⲛⲧⲥⲁⲙⲁⲣⲓⲁ ⲛⲉⲩϫⲓⲛϫⲛⲁϩ ⲛⲛϩⲏⲕⲉ ⲁⲩⲱ ⲉⲧϩⲱⲙ ⲉϫⲛⲛⲉⲧⲙⲟⲕϩ ⲛⲉⲧϫⲱ ⲙⲙⲟⲥ ⲛⲛⲉⲩϫⲓⲥⲟⲟⲩⲉ ϫⲉⲙⲁ ⲛⲁⲛ ⲛⲟⲩⲏⲣⲡ ⲉⲧⲣⲉⲛⲥⲱ

2 ⲁⲡϫⲟⲉⲓⲥ ⲡⲛⲟⲩⲧⲉ ⲱⲣⲕ ⲙⲡⲉϥⲧⲟⲟⲩ ⲉⲧⲟⲩⲁⲁⲃ ϫⲉⲉⲓⲥϩⲉⲛϩⲟⲟⲩ ⲛⲏⲩ ⲉϫⲛⲧⲏⲩⲧⲛ ⲛⲥⲉϫⲓⲧⲏⲩⲧⲛ ϩⲛϩⲉⲛϩⲟⲡⲗⲟⲛ ⲁⲩⲱ ⲛⲉⲧⲛⲙⲙⲏⲧⲛ ⲥⲉⲛⲁⲛⲟϫⲟⲩ ⲉϩⲉⲛⲭⲁⲗⲕⲓⲟⲛ ⲉⲩⲥⲁϩⲧⲉ ϩⲁⲣⲟⲟⲩ ⲛϭⲓⲛⲉϣⲱⲧⲉ ⲛⲗⲟⲓⲙⲟⲥ

3 ⲁⲩⲱ ⲥⲉⲛⲁⲛⲧⲏⲩⲧⲛ ⲉⲃⲟⲗ ⲛϩⲟⲟⲩⲧ ⲙⲛⲛⲥϩⲓⲙⲉ ⲉⲧⲉⲧⲛⲃⲏϣ ⲙⲡϩⲟⲧⲉ ⲉⲃⲟⲗ ⲛⲛⲉⲧⲛⲉⲣⲏⲩ ⲁⲩⲱ ⲥⲉⲛⲁⲛⲉϫⲧⲏⲩⲧⲛ ⲉⲡⲧⲟⲟⲩ ⲛⲣⲉⲙⲙⲁ ⲡⲉϫⲉⲡϫⲟⲉⲓⲥ ⲡⲛⲟⲩⲧⲉ

4 ⲁⲧⲉⲧⲛⲃⲱⲕ ⲉϩⲟⲩⲛ ⲉⲃⲁⲓⲑⲏⲗ ⲁⲩⲱ ⲁⲧⲉⲧⲛⲣϣⲁⲛⲧⲉ ⲁⲩⲱ ⲁⲧⲉⲧⲛⲃⲱⲕ ⲉϩⲟⲩⲛ ⲉⲅⲁⲗⲅⲁⲗⲁ ⲁⲧⲉⲧⲛⲧⲁϣⲉ ⲛⲉⲧⲛⲁⲛⲟⲙⲓⲁ ⲁⲩⲱ ⲧⲉⲧⲛⲉⲓⲛⲉ ⲙⲡⲛⲁⲩ ⲛϩⲧⲟⲟⲩⲉ ⲛⲛⲉⲧⲛⲑⲩⲥⲓⲁ ⲉⲡⲙⲉϩϣⲱⲙⲛⲧ ⲛϩⲟⲟⲩ ⲛⲛⲉⲧⲛⲣⲙⲏⲧ

5 ⲁⲩⲱ ⲁⲩⲱϣ ϩⲓⲃⲟⲗ ⲙⲡⲛⲟⲙⲟⲥ ⲁⲩⲧⲁⲟⲩⲟ ⲛϩⲉⲛϩⲟⲙⲟⲗⲟⲅⲓⲁ ⲁϫⲓⲥ ϫⲉⲛⲁⲓ ⲁⲧⲉⲧⲛⲙⲉⲣⲓⲧⲟⲩ ⲛϣⲏⲣⲉ ⲙⲡⲓⲥⲣⲁⲏⲗ ⲡⲉϫⲉⲡϫⲟⲉⲓⲥ

6 ⲁⲩⲱ ⲁⲛⲟⲕ ϯⲛⲁϯ ⲛⲏⲧⲛ ⲛⲟⲩⲛⲟⲩϣⲥ ⲛⲟⲃϩⲉ ϩⲛⲛⲉⲧⲉⲛⲡⲟⲗⲓⲥ ⲧⲏⲣⲟⲩ ⲁⲩⲱ ⲟⲩⲣϭⲣⲱϩ ⲛⲟⲉⲓⲕ ϩⲛⲛⲉⲧⲛⲙⲁ ⲧⲏⲣⲟⲩ ⲁⲩⲱ ⲙⲡⲉⲧⲛⲕⲧⲉⲧⲏⲩⲧⲛ ⲉⲣⲟⲓ ⲡⲉϫⲉⲡϫⲟⲉⲓⲥ

7 ⲁⲩⲱ ⲁⲛⲟⲕ ⲁⲓⲁⲙⲁϩⲧⲉ ⲙⲡϩⲟⲩoⲙⲡⲉ ϩⲁⲧϩⲏ ⲛϣⲟⲙⲛⲧ ⲛⲉⲃⲟⲧ ⲛⲧⲉⲡϫⲱⲱⲗⲉ ⲁⲩⲱ ϯⲛⲁϩⲱⲟⲩ ⲉϫⲛⲟⲩⲡⲟⲗⲓⲥ ⲛⲟⲩⲱⲧ ⲕⲉⲡⲟⲗⲓⲥ ⲇⲉ ⲛϯⲛⲁϩⲱⲟⲩ ⲁⲛ ⲉϫⲱⲥ ⲟⲩⲛⲟⲩⲙⲉⲣⲓⲥ ⲛⲁϫⲓⲙⲟⲟⲩ ⲁⲩⲱ ⲧⲙⲉⲣⲓⲥ ⲉⲧⲛϯⲛⲁϩⲱⲟⲩ ⲁⲛ ⲉϫⲱⲥ ⲥⲛⲁϣⲱϥ

8 ⲁⲩⲱ ⲥⲉⲛⲁⲥⲱⲟⲩϩ ⲉϩⲟⲩⲛ ⲛϭⲓⲥⲛⲧⲉ ⲙⲛϣⲟⲙⲛⲧⲉ ⲙⲡⲟⲗⲓⲥ ⲉⲩⲡⲟⲗⲓⲥ ⲛⲟⲩⲱⲧ ⲉⲥⲉⲙⲟⲟⲩ ⲁⲩⲱ ⲛⲥⲉⲧⲙⲥⲉⲓ ⲁⲩⲱ ⲙⲡⲉⲧⲛⲕⲧⲉⲧⲏⲩⲧⲛ ⲉⲣⲟⲓ ⲡⲉϫⲉⲡϫⲟⲉⲓⲥ

9 ⲉⲓⲡⲁⲧⲁⲥⲥⲉⲓ ⲙⲙⲱⲧⲛ ϩⲛⲟⲩϩⲙⲟⲙ ⲙⲛⲟⲩϣⲱⲛⲉ ⲛⲛⲓⲕⲧⲉⲣⲟⲥ ⲁⲩⲱ ⲁⲧⲉⲧⲛⲧⲁϣⲉ ⲛ...

10 ...