Read Amos 2 side by side with translations · The Final Bible
6 ⲛⲧⲁⲩϯ ⲙⲡⲇⲓⲕⲁⲓⲟⲥ ϩⲁⲟⲩϩⲁⲧ ⲁⲩⲱ ⲟⲩϩⲏⲕⲉ ⲉⲡⲙⲁ ⲛϩⲉⲛⲧⲟⲟⲩⲉ
7 ⲛⲁⲓ ⲉⲧϩⲱⲙ ⲉϫⲙⲡϣⲟⲉⲓϣ ⲙⲡⲕⲁϩ ⲁⲩⲱ ⲁⲩϯⲕⲗⲯ ⲉϫⲛⲛⲁⲡⲏⲩⲉ ⲛⲛϩⲏⲕⲉ ⲁⲩⲱ ⲧⲉϩⲓⲏ ⲛⲛⲉⲧⲑⲃⲃⲓⲏⲩ ⲁⲩⲡⲱϣⲥ ⲉⲃⲟⲗ ⲁⲩⲱ ⲟⲩϣⲏⲣⲉ ⲙⲛⲡⲉϥⲉⲓⲱⲧ ⲁⲩⲃⲱⲕ ⲉϩⲟⲩⲛ ϣⲁϯϩⲙϩⲁⲗ ⲛⲟⲩⲱⲧ ϫⲉⲕⲁⲥ ⲉⲩⲉϫⲱϩⲙ ⲙⲡⲁⲣⲁⲛ ⲉⲧⲟⲩⲁⲁⲃ
11 ⲛⲉⲧⲛϣⲏⲣⲉ ⲉϩⲉⲛⲡⲣⲟⲫⲏⲧⲏⲥ ⲛⲁⲓ ⲁⲩⲱ ⲉⲃⲟⲗ ϩⲛⲛⲉⲧⲛϩⲣϣⲓⲣⲉ ⲉⲩⲟⲩⲏⲏⲃ ⲛⲁⲓ ⲙⲏ ⲛⲛⲁⲓ ϣⲟⲟⲡ ⲁⲛ ⲛϣⲏⲣⲉ ⲙⲡⲓⲥⲣⲁⲏⲗ ⲡⲉϫⲉⲡϫⲟⲉⲓⲥ
12 ⲁⲩⲱ ⲛⲉⲛⲧⲁⲩⲧⲃⲃⲟⲟⲩ ⲁⲧⲉⲧⲛⲧⲥⲟⲟⲩ ⲛⲟⲩⲏⲣⲡ ⲁⲩⲱ ⲛⲉⲡⲣⲟⲫⲏⲧⲏⲥ ⲁⲧⲉⲧⲛϩⲱⲛ ⲉⲧⲟⲟⲧⲟⲩ ⲉⲧⲉⲧⲛϫⲱ ⲙⲙⲟⲥ ϫⲉⲙⲡⲣⲡⲣⲟⲫⲏⲧⲉⲩⲉ ⲛⲁⲛ
13 ⲉⲧⲃⲉⲡⲁⲓ ⲉⲓⲥ ϩⲏⲏⲧⲉ ⲁⲛⲟⲕ ϯⲛⲁⲥⲕⲣⲕⲣⲧⲏⲩⲧⲛ ⲙⲡⲉⲥⲙⲟⲧ ⲉϣⲁⲣⲉⲟⲩⲁϭⲟⲗⲧⲉ ⲥⲕⲟⲣⲕⲣ ⲉⲥⲙⲉϩ ⲛⲣⲟⲟⲩⲉ
14 ⲁⲩⲱ ⲡⲣⲉϥⲡⲱⲧ ⲛϥⲛⲁⲡⲱⲧ ⲁⲛ ⲁⲩⲱ ⲡϫⲱⲱⲣⲉ ⲛⲥⲛⲁⲧⲁϫⲣⲟϥ ⲁⲛ ⲛϭⲓⲧⲉϥⲛⲟⲙⲧⲉ ⲁⲩⲱ ⲡⲣⲉϥⲙⲓϣⲉ ⲛϥⲛⲁϣⲛⲟⲩϩⲙ ⲁⲛ ⲛⲧⲉϥⲯⲩⲭⲏ
15 ⲁⲩⲱ ⲡⲣⲉϥⲛⲉϫⲥⲟⲧⲉ ⲛϥⲛⲁϣⲧⲱⲕ ⲉϩⲟⲩⲛ ⲁⲛ ⲁⲩⲱ ⲡⲉⲧⲁⲥⲱⲟⲩ ϩⲛⲛⲉϥⲟⲩⲉⲣⲏⲧⲉ ⲛⲛⲉϥⲛⲁϩⲙⲉϥ ⲟⲩⲇⲉ ⲡⲉϩⲓⲡⲡⲉⲩⲥ ⲛⲛⲉϥⲛⲟⲩϩⲙ ⲛⲧⲉϥⲯⲩⲭⲏ
16 ⲁⲩⲱ ⲡϫⲁⲣϩⲏⲧ ϩⲛⲛⲉϥⲙⲛⲧϫⲱⲱⲣⲉ ϥⲛⲁⲡⲱⲧ ⲉⲃⲟⲗ ⲉϥⲃⲏϣ ϩⲙⲡⲉϩⲟⲟⲩ ⲉⲧⲙⲙⲁⲩ ⲡⲉϫⲉⲡϫⲟⲉⲓⲥ
Amos 1 · Amos 3 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)