Read 4 Maccabees 3 side by side with translations · The Final Bible
1 ܕܓܘܚܟܐ ܓܝܪ ܣܓܝܐܐ ܐܝܬܝܗ̇ ܡܠܬܐ ܗܕܐ ܠܐ ܗܘܐ ܓܝܪ ܥܠ ܚܫܘ̈ܗܝ ܡܬܚܙܐ ܗܘܢܐ ܕܡܫܠܛ ܐܠܐ ܥܠ ܚܫ̈ܐ ܦܓܪ̈ܢܝܐ ܕܐܝܟ ܐܝܟ̇ܢܐ
2 ܕܠܐ ܐܢܫ ܡܢܟܘܢ ܠܐ ܢܪܓ ܠܐ ܡܨ̇ܝܐ ܕܠܐ ܕܝܢ ܢܫܬܥܒܕ ܠܪܓܬܗ ܡ̣ܨܐ ܗܘ ܢܡܘܣܐ ܠܡܥܒܕܢܘܬܗ
3 ܠܐ ܐܢܫ ܡ̣ܨܐ ܕܚܡܬܐ ܡܢ ܢܦܫܗ ܢܦܣܘܩ ܐܠܐ ܡܨ̇ܝܐ ܕܢ̇ܥܕܪ ܪܥܝܢܐ ܕܠܐ ܢܬܚܡܬ
4 ܡܪܝܪܘܬ ܝܨܪܐ ܠܐ ܡ̣ܨܐ ܐܢܫ ܕܡܢܗ ܢܢܟܪܐ ܐܠܐ ܡ̣ܨܐ ܪܥܝܢܐ ܕܢܬܠ ܠܗ ܐ̣ܝܕܐ ܕܡܢܗ ܠܐ ܢܬܚܣܢ
5 ܠܐ ܗܘܐ ܓܝܪ ܥ̇ܩܘܪܐ ܕܚ̈ܫܐ ܗܘ ܪܥܝܢܐ̣ ܐܠܐ ܒܥܠܕܪܐ
6 ܘܐܝܬ ܠܢ ܗܕܐ ܠܡܣܬܟܠܘ ܢܗܝܪܐܝܬ̣ ܒܝܕ ܨܗܝܗ ܕܡܠܟܐ ܕܘܝܕ
7 ܡܛܠ ܓܝܪ ܕܝܘܡܐ ܟܠܗ ܥܡ ܦܠܫ̈ܬܝܐ ܐܩܪܒ ܘܣܘܓܐ ܡܢܗܘܢ ܚ̣ܪܒ ܥܡ ܦܠܚ̈ܐ ܕܡܢ ܥܡܐ ܐܝܬ ܗܘܘ ܥܡܗ
8 ܘܪܡܫܐ ܡܟܝܠ ܐܕܪܟ ܗܘܐ ܠܗ ܘܡܣܬܪܗܒ ܗܘܐ ܟܕ ܕܥ̣ܝܬ ܛܒ ܘܠܐܐ ܠܡܐܬܐ ܠܡܫܟܢ ܡܠܟܘܬܗ ܕܥܠ ܓܒܗ ܠܟܐ ܘܠܟܐ ܡܫܪܝܬܐ ܕܚܝܠܐ ܕܐܒ̈ܗܝܢ ܫ̣ܪܝܐ ܗܘܬ
9 ܘܟܕ ܟܘܠܗܘܢ ܒܚܫܡܝܬܐ ܥ̣ܢܝܢ ܗܘܘ
10 ܡ̇ܠܟܐ ܐܝܟ ܡ̇ܢ ܕܣ̇ܓܝ ܨܗ̣ܐ ܗܘܐ ܟܕ ܛܒ ܫܟܝ̈ܚܢ ܗ̈ܘܝ ܠܗ ܡܥ̈ܝܢܐ ܕܠܐ ܚܣܡ ܘܡ̣ܨܐ ܗܘܐ ܕܨܗܝܗ ܒܐ̈ܝܕܝܗܝܢ ܢܦܝ̇ܓ
11 ܐܠܐ ܪܓܬܐ ܕܠܐ ܒܘܝܢܐ ܫܚ̇ܩܐ ܗܘܬ ܠܗ ܕܡܢ ܡ̈ܝܐ ܕܒܝܬ ܒܥܠܕܒ̈ܒܐ ܢܫܬܐ ܗܘܐ ܘܡܢܗ̇ ܡܬܒܘܪܪ ܗܘܐ ܘܡܫܬܠܗܒ
12 ܘܡܢܗܘܢ ܡܢ ܦܠ̣ܚܘܗܝ ܥܠ ܪܓܬܗ ܡܬܬܢܚܝܢ ܗܘܘ ܘܡܒܓܢܝܢ ܬܪܝܢ ܥܠܝܡ̈ܝܢ ܡܢ ܦܠܚ̈ܐ ܕܐܝܬܝܗܘܢ ܗܘܘ ܚܝ̈ܠܬܢܐ ܘܓܢܒ̈ܪ̣ܐ ܚܓ̇ܘ ܡܢ ܪܓܬܗ ܕܡ̇ܠܟܐ ܘܩܘܩܬܐ ܫ̣ܩܠܘ ܘܟܘܠܗ ܙܝܢܗܘܢ ܐܬܠܒܫܘ ܘܥܒ̣ܪܘ ܬܚܘ̈ܡܐ ܕܒܥܠܕܒ̈ܒܝܗܘܢ ܘܙܩ̈ܦܐ ܕܠܛܝܝܗܘܢ
13 ܘܐܬܓܢܝܘ ܡܢ ܢ̇ܛܘܪ̈ܐ ܕܬܪ̈ܥܐ ܘܢܦܩܘ ܟܕ ܡܥܩܒܝܢ ܒܝܬ̇ ܒܥܠܕܒ̈ܒܐ
14 ܘܡܒܨܝܢ ܕܐܝ̇ܟܐ ܐܝܬܝܗܘܢ ܡ̈ܝܐ ܘܡܢܗܘܢ ܠܒܝܒܐܝܬ ܫܩܝܐ ܠܡ̇ܠܟܐ ܐܝܬܝܘ
15 ܗ̣ܘ ܕܝܢ ܟܕ ܥܙܝܙܐܝܬ ܝܩ̇ܕ ܗܘܐ ܡܢ ܨܗܝܐ̣ ܐ̣ܬܚܫܒ ܕܨܒܘܬܐ ܗܝ ܩܫܝܬܐ ܘܡܠܝܐ ܩܢܕܝܢܘܣ ܣܡ ܕܐܝܬܘ̇ܗܝ ܫܩܝܐ ܕܒܕܡܐ ܡܬܬܩܠ ܗܘܐ
16 ܘܡܛܠ ܗܕܐ ܐܩܝܡ ܚܘܫܒܐ ܛ̇ܒܐ ܠܘܩܒܠ ܪܓܬܗ ܘܢܩܝܗ ܠܫܩܝܐ ܕ̣ܐܬ̣ܐ ܠܗ ܠܐܠܗܐ
17 ܡ̣ܨܐ ܗܘ ܓܝܪ ܪܥܝܢܐ ܡܝܬܪܐ ܠܡܙܟܐ ܩܛܝܪ̈ܝܗܘܢ ܕܚ̈ܫܐ ܘܠܡܪܟܟܘ ܥܘܒ̈ܝܢܐ ܕܦܩܪܘܬܐ
18 ܘܠܡܚܣܢ ܠܐܘܠܨ̈ܢܘܗܝ ܕܦܓܪܐ ܘܒܪܚܡܬܐ ܕܫܦܝ̈ܪܬܐ ܢܒܣܪ ܥܠ ܟܘܠܗܘܢ ܩܛܝܪ̈ܐ ܕܚ̈ܫܐ
19 ܗܐ ܕܝܢ ܡܟܝܠ ܥܕܢܐ ܩ̇ܪܐ ܠܢ ܠܡܚܘܝܘܬܗ̇ ܠܬܫܥܝܬܐ ܕܪܥܝܢܐ ܡܝܬܪܐ
20 ܡܛܠ ܕܫܝܢܐ ܥܡܝܩܐ ܐܝܬܘܗܝ ܗܘܐ ܠܐܒ̈ܗܝܢ ܢܡܘܣܐ ܘܐܝܬܝܗܘܢ ܗܘܘ ܒ̈ܛܒܬܐ ܘܒܢܝ̈ܚܐ ܐܝܟ ܕܐܦ ܡ̇ܠܟܐ ܣܠܘܩܘܣ ܢܝܩܛܘܪ ܕܗܒܐ ܘܣܐܡܐ ܦ̣ܪܫ ܠܗܘܢ ܠܦܘܠܚܢܐ ܕܩܘܕܫܐ ܘܕܘܒܪ̈ܝܗܘܢ ܥܠܘܗܝ ܐܬܩܒܠܘ ܗܘܘ
21 ܗܝ̇ܕܝܢ ܐܢ̈ܫܝܢ ܠܐܘܝܘܬܐ ܕܓܘܐ ܒܝܕ ܫܓܝܫܘܬܗܘܢ ܕܠܚܘ ܘܒܥܩ̈ܬܐ ܕܙ̈ܢܝܢ ܙ̈ܢܝܢ ܢܦ̣ܠܘ